ساعديني مع بنتي لو بنصيحه

دلوعة عزوز

دلوعة عزوز

New member
إنضم
2009/04/06
المشاركات
9
يسعد حيــاتــك بالمسرات...

الله لايهينك عندي مشكله مضيقه صدري...

بنتي عمرها سنه ونص..أول كانت تبوسني وتحضني حتى لاطلبت منها تبوسني ماتمانع..في الفتره الأخيره صارت إذا طلبت منها تبوسني مستحيـــــل تصد عني...

وغير كذا لما تشوف أبوهايلعب معاها تبعدني عنهم(يعني تجلس تدفني لألعب معهم)...

وصايره عصبيه

الله يخليك ساعديني:tears:

أواللي عندها نصيحه توجهها لي

أنتظرك حبيبتي بفارغ صبــري:icon26:​
 
ياحبيبتي
نفس حالتك أنا واذا لقيتي حل ساعديني

لا والضرب اللي ما لقيت له حل تضربني بدون سبب

الله يصلحها
 
كتبت لج رد .. بس ما ادري ليش ما رضى يوصل ؟! ما علينا

شوفي حبيبتي ..
على ما يبدو انه بنتج متعلقة في ابوها بشكل فظيع ..
وابوها بعد يبدو انه مدلعها وايد ..

انا مب استشارية ولا اني من اصحاب العلم او المعرفة في هذا المجال ..
لكن بعطيج رأي وان شاء الله يفيدج .. وانتظري رد الدكتورة بعد ..

مثل ما قلت البنت متعلقه في ابوها .. وابوها يدلعها ..
ويقولون كل فتاة بأبيها معجبة ..
ودام البنت متعلقه في ابوها .. فهي تبا كل اهتمام أبوها يكون لها ..
يعني يراقبها في كل حركاتها ويعلق عليها ويصفق لها ويمدحها
يعني متابعها أول بأول ..
ودام الدلع من صوبه يعني هو اللي يدلعها اكثر شي ..
فهي تبا هالدلع يتم مستمر .. وتبا أبوها اللي يدلعها ما يغفل عنها يعني تبيه دايم مركز معها ومهتم لها
ودام في طرف ثالث اللي هو انتي فأبوها ممكن ينشغل عنها .. >>>> مجرد تخمين لا اكثر

ومن رأي .. انج تشركين بنتج معاج في الاعمال البسيطة اللي على قدها ..
أول شي حسسيها بأهميتها .. قصدي اشركيها وياج
يعني مثلا اقعدي انتي وياها بدون ابوها ورتبي العابها وخليها هي تساعدج يعني مثلا تشل الدبدوب او تقرب الالعاب لج يعني اشياء بسيطة وعلى قدها ..
منها تتقربين من البنت ومنها تعلميها على الترتيب والنظام ..
ولما راح تتقربين من البنت يمكن راح تكسرين هالحاجز او هالدلع الزايد : ) ..

هو مجرد رأي واقتراح لا أكثر ..

اتمنى اكون افدتج ..

وانتظري رد الدكتورة .. : )

اختج / دمعة غلاي
 
أختي دمعة غلاي...صحيح كلامك اللي قلتيه ويارب أحصل حل لمشكلتي..أسعدني تشريفك وردك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل