ساعدوي في أفكار لدفتر ذكريات فترة الملكه

[أحلـ(دلع)ــى]

أهلاً ياحلواااااات

اخباركم؟؟

إن شاء الله مبسوطاااات؟


انا اتابعكم من زماااان بس من بعيد لبعيد

واتمنى انكم تساعدوني في شغله..

انا مخطوبه (عاقده) .. وابي اسوي دفتر اكتب فيه ذكريات الخطوبه واللحظات المميزه ومشاعري فيها وخصوصاً الأشياء اللي استحي اقولها وجهاً لوجه
:5:


بس انووو مو عارفه كيف ابدأ هالدفتر .. انا بديت اكتب بعض الأشياء بس مو مرتبه في دفتر عادي


وكل يوم اقول برتبها في دفتر حلوو بس ماادري شلون احس في شي يمنعني ويخليني أأجل

وكل يوم اليوم :29:

فإذا وحده منكم سوت هالفكره بليييز تساعدني

بس ابي ابتدي

احس الكلام مايطلع وإذا طلع مايصير حلوو مررره ورومانسي :20:


في انتظاركم ..

 

[وردة حب-]

ومنكم نستفيد

 

[تفــآصيلـ]

اممممـ

ما يبالها .. بسيطه

اشتريلج دفــتر مرتب.. يكون من الحجم الكبيــر شوي<<احححلى
http://img254.imageshack.us/i/beachdiary3xr4.jpg/
او
http://img16.imageshack.us/img16/4972/notebookslarge.jpg

يعني هيــك أشكــآل
..
وقلم خصوووصي.. يعني ما تكتبين إلا فيه..
يكون من الأقلام اللي ترتاحين بالكتابه فيها.. او يطلع خطج فيها مرتب
<< لاني أحس مو بكل الأنواع تطلع الخطوط مرتبه
ولكل وحده فينها نوع قلمها الخاص
<< أمـــوت بالرصاااص = )

ووو بسـ

وطبعا تقدريــن تضيفين صورج إنتي وياها
يعني سوي لصورج برينت.. وقصيها بشكل مرتب و كيوت
والصقيها مره ماايل.. مره سيدا
نوعيـ

بجد.. انا أحب فكره دفتر هالدفتر
موفقه

 

[أحلـ(دلع)ــى]

وردة حب .. حياكِ في موضوعي ويارب الكل يستفيد

تفاصيل .. تسلمين على افكارج

انا شريت دفتر وسط بس مو مره عاجبني كنت اتمنى يكون لونه احمر وفيه قفل بس مالقيت
ومتردده اروح اشتري غيره لأن هذا اهو اختاره معاي مع انه مايدري حق شنو

والقلم مافكرت فيه زين نبهتيني وانا بعد اموت في الرصاص بس مااحسه كشخه D:

شكراً على مرورج وإضافتج ياقمر

 

[أحلـ(دلع)ــى]

في إنتظار مزيداً من الأفكاااار

كيف ابدأ وشنو اكتب في البدايه؟

اترك مجال بعد كل موقف اكتبه عشان يقدر يكتب تعليقه إذا عطيته اياه ولا اكتبهم ورا بعض؟

 

[تفــآصيلـ]

اممممـ

تبينه يكتب ويااج يعني !!
مدري صراحه
احححس الشباب مالهم بهيــك سوالف
!!
أنا رايي.. تكتبين انتي بس..
عبري برااحتج.. مشاعرج.. فرحج.. همومج<<لا قدر الله
تقدريــن تورينه بين فترة وفترة
واستخدميها كوسيله توصليله المعلومات اللي ما تقدرين توصليها بالويه

..
.
اححس بدون قفل..<< ما تحب الاقفال
وبعدين داامه هو اختاره ويااج.. خلاص امشي على اللي اختاره
يعني لو غيرتيه.. بتكون حركه مو حلوه ..
كأن ذوقه ما عيبج!!!


وبالنسبه للقلم.. تقدرين تييبين قلم قريب على قلم الخطاط.. بس يكون أضضضعف منه طبعا
لان هو في مقاسات
و جيبي لوونه اسسسسود
..

 

[ـأميرهـ]

نفاصيل مشاء اللهـ أفكاركـ مررررهـ تهبل ،،،

أنا كنت أفكر أسوي هالدفتر بس ماصار نصيب ،،،


بس بصراحهـ كنت حابهـ يكون كتبا يخص كل ذكرياتي السعيدهـ مثلاً بطاقات الذكريات اللي عندي من صديقاتي يعني كل ماأسافر اكون صدقات وارجع ببطاقات حلوهـ ولفترهـ الخطوبهـ كنت حابهـ اشتري أقلام ملونهـ وكل موقف أكتبهـ بحسب لبستي حتى أتذكرهـ وطبعاً ألصق فيها حركات مثل ريشهـ ناعمة وردهـ مجففة أرش في وحدهـ من صفحاتهـ غليتر وطبعاً ماأنسى البرفيوم أو تعطرينهـ بأي عطر تحبيهـ يعني كان في بالي أكثر من حركهـ بس اللحمد للهـ

و ع فكرهـ أنا بعد أموت بقلم الرصاص ...

غاليتي في أشكال وايدهـ حلوهـ وكشخة وبعدين تقدري إنتي تلصقي عيه أي شي بلصقة المسدس ~_^


وربي يتمم عليكـ بالخير ويسعدكـ ويهنيكـ يااااارب ،،،

​

 

[أحلـ(دلع)ــى]

تسلمون حبيباتي على افكاركم الحلوه

انا يا أميره كنت حاطه فبالي مو بس اكتب الذكريات اللي بينا حتى البطاقات اللي من عنده احطها واكتب جنبها المناسبه

ولأني اكتشفت انو حتى اهو يحتفظ بالبطاقات اللي اعطيه فقلت يمكن تعجبه الفكره ويحطها اهو بعد ويمكن يتحمس ويصير يكتب مثلي

ادري الشباب مالهم خلق هالحركات بس عندي أمل :32:

 

[أحلـ(دلع)ــى]

UP



UP

 

[انوثه مفرطه]

وااااااااااااااو مررا عجبتني فكرتكـ يالغلاء
بسوي زيكـ انا كمان مخطوبهـ>>ياشين التقليد :31:
ودي اساعدكـ بالافكار بس مخي حاليا خارج التغطيه>>:39:
اممم جت فكرهـ براسي شو رايك الدفتر تسويه عند محلات الهدايا وربي تحفه ابداعاتهم عن جد>>هذا اللي قدر عليه مخي :18:

 

[انوثه مفرطه]

طبعا اقصد شكل الدفتر من برى

 

[Night silense]

اختي احلى دلع مو لازم تهتمي بشكل الدفتر الحلو فيه انوتكتبي الموقف وخاطره تحته من تأليفك اذا لك في الكتابه اهم شي يعني تعبري عن شعورك في ذيك اللحظه والله يوفقك ويسعدك ياااااااااارب

 

[الــغــيره]

فكره حلوه

انا سويتها قبل حق زوجي في عيد ميلاده

وعجبته واايد

حطيت ع غلافها صورتي وانا لابسه فستان وكاشخه

وكتبت له من اول يوم لحد اخر يوم عطيته اياه

واستاانس وايد عليهاا

لليوم يحب يقراهاا

 

[مجنونة بدرها]

واااااااااو طلع في احد نفس تفكيري

شوفي حبيبتي انا مخطوبه وبس ..
خطيبي من النوع الرمانسي بتنصدمون لا قلت لكم انه هو اللي سوا الكشكول وطلب مني اكتب له فيه عن شعوري
لاني انا ارفض ابووح باي شي حاليا .. المسكين يترجا اي كلمه حلوه لكن لاااا خخخ
عاد لما وصلني الكشكول وشفته بصراحه الشباب ماااااعند امهم اهتمام وحركات حلوه
يعني وصلني الكشكول باللون الازرق وشوي منوع بالاسود والاحمر
لكن لما انا كتبت فيه طلع الفرق
بس طبعا التسليم بيكون بعد الملجه لاني مسويه فضايح

اول شي كتبت هذا الجزء خاص بمجنونه بدرها
بعدين صفحه ثانيه حطيت صصورتي وصورته يم بعض كنت مسويتهم برنت باللون الاسود
كتبت الامير والاميره فوق الصور
وكتبت عباره تحتها عسى الله لا يفرقنا

بعدين داخل بديت اتكلم عن الذكاريات الحلوه ايام الطفوله وكل صفحه بلونين الكلمات الله ابيه يلاحظها اغير اللون
وكنت احط التاريخ واليوم والساعه بالدقيقه وحتى عنوان للصفحه
بطريقققه حلوه اعلى الصفحه
وبين كل 3 صفحات احط فاصل اعلاني هع
يعني مثلا شعر مثلا صورته وهو صغير هههههه ومره حطيت البدليات اللي كان يقولهم قبل لان انا من النوع اللي كنت اصيد بدليات العالم هع
اكيد لا شافها بيضحك على نفسه
غير جذي كتبت عن المستقبل وشنو ودي وشنو ما ودي وبصفحه كتبت له عني وعن شخصيتي


عاد باخر الصفحات حطيت صورتي بصفحه وكتبت فوووق اكتب عن صاحبه الصوووره
وثاني صفحه حطيت صورته وكتبت كل اللي ودي اقوله عنه وعن شخصيته
وبالنهايه كتبت جزء مجنونه بدرها انتهى مع كثير حب هعهعهع


اتمنى اكون افدتج وما طولت عليج
واذا عجبج كلامي ادعيلي بتيسير ملجتي وان الله يرزقني بالوظيفه بالقريب العاجل

 

[لمياااا]

ووااااااااااااااااااااااااااااااااااااااااااااااااااااااااااااااااااااااااااااااااو
من جد حركات ....انا ها الموضوع ما جا في بالي ...........معليش راح الطش منكم.........هعع
شكرا صاحبه الموضوع ..الحركه جداااااااا اعجبتني

 

[نظره ملاك]

افكاااااااااااار رااائعه من جد ابداااع

يسلموووووووووووووو