ساعدووني .. تكفوون .. تكفون .. تكفون .. الله يفرج هموكم

روحي بنتظاركـ

روحي بنتظاركـ

New member
إنضم
2011/01/17
المشاركات
63
بسم الله الرحمن الرحيم ​


انا رح اقول مشكلتي على طول و اتمنى انكم تكونون معي بجميع جوارحكم و تشيرون علي ​

انا مملكه تقريبا لي سنه و عليها
عمري 20 سنه و خطيبي 30 سنه
متفاهمين مره الحمدلله خطيبي طيب حنووون مايطيق يشوفني متضايقه او تعبانه يقدرني ويحترمني و يحترم اهلي .. أحبه ايـــه احبه بس ما اصرح له بمشاعري اغار عليه بس ما اوضح له كتووومه بالحيل .. سبحان الله عاده و صفه فيني ما قدرت اغيرها ابدا.. ​

المشكله ​

خطيبي مطلق ​

تزوج و حده عمرها 26 ملك عليها و صار زواجهم و هي من عائله غنيه جدا جدا و هو متوسط الحال
بعد فتره طلقها حتى ما دخل عليها >> يعن ما لمسها تقريبا جلسة معاه كم شهر​

طليقته تقول و الله الرجال مافيه شي بس انا ما ابيه ما ابغاااه ​

....​

ملكت انا و جلست تقريبا 10 شهور ما سألته عن زواجه الاول حتى هو ما عمره ذكره و لو بحرف ​

يوم من الايام قلت له ..
ممكن اسألك سؤال و مو عارفه وش اقول ..زواجك الاول كيف ابتدا و كيف انتهى ..؟​

قال ما تفهمنا و اكتشفت بعد الزواج انها مغصوبه علي و انا مستحيل ارضى على نفسي اني اكون زوج وحده مفروض عليها فرض .. و انفصلنا​

قلت مافي اسباب ثانيه .. ​

قال لا مافيه .. المهم بعدين قال لكن ربي عوضني بوحده ما حلمت فيها ومن هذا الكلام ​

بعدين قال لي وش الي خلاك تسألين بعد المده هذي كلها ​

قلت له .. ابد و الله في بالي اسألك بس ما جاني فرصه ..​

و من بعدها الموضوع انقفل و لا انا ولا هو نتكلم فيه ابدا ​




...
انا اغار عليه مرررره و مجرد اني اتذكر انو حتى كان يناظر فيها اموووت اموووت او كان يزورها او كلمها ​

المشكله انو اخت خطيبي متزوجه اخو طليقته ​

وش اسوي .. خايفه اعيش نفسي في عذاب اموت و احترق و هو حتى ما يدري
خايفه يكون يحبها او يكن لها شي في قلبه ..؟؟ امنيتي اعرف ​

..​




نفسي اعرف ليه مالمس طليقته ..؟​

ايغى تعطوني رايكم و مشورتكم على كل نقطه
و الي عنده خبره اتمنى ما يبخل علي ​
 
والله انك تدوورين المشاكل على نفسك ليه تسئللينه هالسؤال ؟! ابعدي الشيطان عنك هو يوسوس لك اسئلي ويشغل بالك في زواجه الاول !! انسي انه كان متززززوج والله يوفققك
 
استشرت اخصائيه و ايدتني بهذا الموضوع

بس بدون التعمق و كثرة الاسأله

بعدين بصراحه اشوف هذا الشي من حقي اني اسأل عنه
حتى خطيبي قاله بنفسه

​
 
من حقك تسألي..وتعرفي ليش مادخل بها..غريبة صراحة..حاولي تسألي حد ثقة من اقاربه..او اقارب زوجته السابقة..الله يفرجها عليك حبيبتي
 
انا ملكه

و بصرحه علاقتي في اقاربه سطحيه جدا
و اغلبهم ما اعرفهم

وما اقدر بصراحه اسألهم عن الموضوع هذا ​
 
لاتعبين نفسك صدقيني الايام بتعرفك وبيقولك لاتستعجلي هذا احسن الايام لاتضيعنها بالزعل والتفكير وتنكدي علي نفسك وتقهرني نفسك والشيطان شاطر بس يشوفكم مبسوطين بينكد عليك بهالافكارانا نصحتك وانتي بكيفك لاتقهرني نفسك عيشي يومك وانبسطي ودلعي عليه بس عندي سؤال وسامحيني ان كان فضول بس ماتحسي سنه انك ملكة كثير
 
تعوذي بالله من الشيطان و وساوسه

من حقك تسألي بس لا تخلي الموضوع يشغل بالك و الافكار السلبية و الشك يسيطر عليكي عشان ما تفسدين حياتك

طالما الرجال يحبك و انتي تحبينه ليه تخربين حياتك من بداياتها بسبب الشك و الغيرة

توكلي على الله و ادعيه و الله ييسر لك كل ما هو خير
​
 
اختي الغاليه روحي بانتظارك .. ليش تتعبين نفسك ؟؟

هذاك صار ماضي لاتنبشين فيه ابد عيشي حياتك خلاص

وانتي خليك ذكيه خلي زوجك يموت على الارض الي تمشين عليها

وعادي طبيعي انك تغارين كل المتزوجات يغارون لكن بحدوود

ولاتبينين لزوجك انك غيرانه من طليقته ترى بتفتحين عليك باب مقفل

وانتي بنهايه الي راح تنهلكين وتتعبين انسي طليقته وانسي انه مطلق

عيشي حياتك مع زوجك والتهي بذكر الله تعالى وربي يوفقك ويسخر لك زوجك

دعواتك لي بتفريج همي : (
 
أنا مع لحن الفراق
و نصيحه انسي انه كان متزوج من الأساس
وحتى طليقته اذاشفتيها خليكي معاها عادي ولاتبيني انك تغاري منها كذا تخليه هو بنفسه يرجع يفكر فيها
وكذا تباني قدامه انك مو واثقه بنفسك و الرجال يكره المرأه اللي ما عندها ثقه​
 
ليه تجيبي المشاكل لنفسك ولزوجك هذا ماضي وانتهى من حياته ليه تحفري في القبور القديمة انتي تهتمي بنفسك وخلي زوجك يحبك وانسي تماماً انه كان مملك من قبل وعامليه كان عريس جديد مادام يحبك ولا يرضى يشوفك متضايقة ليه انتي تنفريه منك بالمواضيع المملة وفي الاغلب ان زوجك يعتبر ليك الفترة فشل في حياته وأكيد مايحب يتكلم عن فشله اغلقي هذه الصفحة من حياتكم وانبسطي بحياتك
 
ياجبيبتى

أنتى سألتيه وجاوبك وخلص

انسى الموظوع

لو كانو يحبون بعض ومتفقين مكانو انفصلو

ووقت الخطبة والملكة مسوينه للتعارف
 
الله يهديك يااختي
انسسسيها نصيحه ولاتجيبين طاريها ابد

وخليك واثقه من نفسك الرجال ماشالله تبارك الله باين من كلامك انه يحبك وش لك ووجع الراس؟؟

قولي دائما اللهم اني استودعتك قلب زوجي وفرجه ولسانه وبصره وفؤاده فانك لاتضيع ودائعك سبحانه

وقولي اللهم سخره لي وسخرني له

ياخيتي والله انك جايبه لنفسك هم وغثا مااشوف له اي داعي
 
مرحبا
خيتو ودي اقولك بالمنطق انو وش لك بالسوالف والقيل والقال وانه مشي حياتك دامه حبوب وطيوب وحبيتيه
لكن
نحن معشر الحريم يعني فرضا انا مكانك اموت واعرف وش السبب يعني حرمه معاه بنفس البيت ومالمسها وكل واحد يقول عن الثاني انو كويس بس ماتفاهمو
مدري
طيب يمكن هو صادق
دخل عليها قالت انا مغصوبه عليك قامت نفسه عافتها>> تحليل على كيف كيفي
خيتو جد والله
الله يوفقك ويسعدك في حياتك ويكتب لك الي فيه الصالح
بالتوفيق
تقبلي مروري
تحياتي ^_^
وسوري عالخرابيط الي قلتها >> اسولف بس
 
شوفي قلبو <<الباب اللي يجيك منو ريح سدييه واسترريحي <
ماالو دااعي ياقليبي هالسؤؤال ابدآآآ <<ترى بكذا تفتحيين لك ابوواب بغنى عنهاا
عييشي حيااتيك وخلييها لزمن بيمر يووم تعرفي ..
المفرووض تكووني له كل شي <<وتسعدييه وتنسييه بطرييقه ذكييه معنو انا شاايفه انه قالك انها مغصووبه علي وماابييها <<خلالاص انسسسي هالاشيااء
ولاتفكررين فيهااا لانك رااح تتعبييييييييييييين والله
وزي مااقلتلك طنشششي عشاان تعييشي مبسووطه
وهو دحيين زوجك انتي مو زووجها هي ......
والله ىيرضى عليك ويوفقك ياارب
ويسخرلك زووجك ويحقق مناااااك يابططططه
 
(( يا أيّها الذين آمنوا لا تسألوا عن أشياء ان تبد لكم تسؤكم ))
ــــــــــــــــــــــــــــــــــــــــــــــــــــــــــــــــــــــــــــــــــــــــ

حبيبتي مهما عرفتي ومهما قال ويقول لك خطيبك ( برضه راح

تغاري ) .....لانّ هذه فطرة الأنثى ( الغيره ) ...فلا تسألي عن

أشياء وخصوصيّات ( اصبحت من الماضي ) ...

واصلآ لا يجـــوز لك شرعآ أن تسألي عن سبب عدم دخوله عليها

وخطيبك أيضآ ( لا يجـــوز له أن يخبرك بــه ..

أختي مـــــــــــــادام خطيبك رجل محترم ويخاف الله ويحبّك :

( فعيشي حاضرك معه ...وأتركـــي ماضيه ..

ربي يوفقكم ويجمع بكم على خير ..
 
أنا مع الأخوات العني ابليس واستمتعي بأيامك الجميلة ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل