بادئ الموضوع تاريخ البدء
  • المشاهدات 1,431
  • الردود 9

الفجر1

New member
إنضم
19 مايو 2008
المشاركات
7
مستوى التفاعل
0
النقاط
0
اخواتي العزيزات ,
ترددت وايد قبل ما أكتب مشكلتي بس ما لقيت غير هالحل, انا معرسة من 4 شهور - المفروض عروس - عرست على زميل لي في العمل بعد مشاكل صارت بين الأهل على مكان العرس وتكنس العرس بس هو ظل متمسك فيني الشي اللي خلاني اتمسك فيه واقبل به
المهم بعد كل هذا عرسنا وكان شهر العرس من اروع ما يكون بس من شهر ونص تقريبا تغير كل شي, هو تغير علي وايد ما أدري شو السبب كل ما اقوله شو فيك يقول ما فيني شي تعبان ومريض هو صح مريض بس مو لدرجة انه ما يرمس ولا حتى ايي صوبي.
حتى في الويك اند يقولي سيري بيتكم صار لنا شهر ما قضينا الويك اند مع بعض هو يسير بيت اهلة وانا اسير بيتنا.
الأحد كان اجازة هالأسبوع هو قضاها بروحه في شقتنا مب في بيت اهله وانا طبعا في بيت اهلي ورديت شقتنا بالليل . امس يوم كنت انظف الشقة اكتشفت دي في دي خايس فيلم سيكس جنه كان يطالعه استغربت يعني انت ما اتيي صوبي اتشوف هالأفلام وااااايد استغربت بس طبعا ما رمسته بالموضوع. يوم رد من الدوام تغدينا ونحن في صمت تام وبعدين قالي قومي وديني المستشفى وديته وكان فعلا تعبان ومسخن المهم عطوه الدوا وردينا الشقة فكنت اقولة هالويك اند بسير مع خواتك مكان قالي اصلا ما بتسيرين بيتنا سيري بيتكم زعلت منه وقلته ليش ما تباني اسير وياك من شهر ما قضينا الويك اند مع بعض قال اون الحجرة معقوسة في بيتنا احسن سيري بيتكم قلته انت شو ماخذني مسيار بس 5 ايام في الأسبوع زعل مني ورقد.
صار له شهر ما يي صوبي وانا ما قول شي استحي اصلا اقوله, والمشكلة انه يوم يكون في بيت اهلة يرمسني بالتلفون بالساعات لين ما أدوخ انزين يوم انه جي ليش ما انكون مع بعض ما أدري.
ما أدري شو اسوي معاه الصراحة مب مرتاحة ابد واصيح دوم بس استحي اقول له شي لاني مرة قلته اني خلاص ابي اسير بيت اهلي قالي بعد كل هالحب وكل اللي استحملته عشانج تخليني.
الحين ما أدري شو اسوي اسير بيتنا واطلب الطلاق - المشكلة اهلي وهله بيقولون شو المشكلة عسب تطلبيين الطلاق يستحيل يقتنعون اني ابي اتطلق لاني مب مرتاحة - اون سبب مب مقنع -.
على فكرة ان احبه واااايد بس ما اقدر اعيش جي احسن انه ما يباني لو يباني ما كان يقولي سيري بيتكم كل اسبوع ولا ايي صوبي ولا طلع يشوف افلام خايسة بعد.
ما أدري شو اسوي افكاري مشوشة ومب عارفة اتعامل معاه. ارجوكم ساعدوني
 

بامبى

New member
إنضم
31 يوليو 2008
المشاركات
1,114
مستوى التفاعل
0
النقاط
0
الإقامة
فى الدنيا الكبيره
ازاى ما فكرتى ان ممكن يكون به شئ تاعبه جنسيا و مستحى منك علشان كده بيتهرب من تواجده معك و يمكن يكون الفليم السكس اللى وجدتيه بيحاول به يحفز نفسه جنسيا لاجلك
ليه بتقدمى سوء الظن و تجرحيه بانك ممكن تسبيه او تظنى انه يسيبك
الزواج رباط مقدس وكلمة الطلاق عند الله كبيره جدا المفروض انها لا ترد من قريب او بعيد فى قاموس الحياه الزوجيه
اصبرى ثم اصبرى ثم اصبرى و تقربى منه كصديقه اذا اتى اليك وتكلم و طلب النصح لكن لا تبادرى انت بالنصح او الضغط عليه للكلام وكونى له ام فى الحنان هذا دور الزوجه الصالحه ان تصبر على زوجها خصوصا انك لم تذكرى عنه اى سوء خلق
 

m2008

New member
إنضم
23 مارس 2008
المشاركات
1,191
مستوى التفاعل
1
النقاط
0
فعلا كلام الاخت بامبي مقنع
 

عنقود عنب

~◦ღ( حكيمة الإستشارات الزوجية )ღ◦
إنضم
5 يناير 2007
المشاركات
4,409
مستوى التفاعل
0
النقاط
0
الإقامة
قطر في قلبي
اختي الفجر

الف مبروك الزواج ..وربي يسعدكم مع بعض

عزيزتي ...الطلاق مو كلمة تنقال على اي سبب

ادري مشكلتك مؤلمة بالنسبة لك

لكن صدقيني ... في لها اكثر من حل

اولهم الصبر و طولة البال ...الحياة الزوجية عمر يا اخي ..مو يوم وليلة تملين وتقولين خلاص بلاها

لا عزيزتي ..الحياة الزوجية يبغي لها طولة بال ... لان راح تواجهون مشاكل كثيرة و ازمات و عثرات

اول شي لازم تعرفينه ...الحياة الزوجية بالنسبة للرجل والمراة حياة جديدة

يعني من انه يكون عزوبي مو مسؤول عن غير نفسة ...في يوم وليلة يشوف نفسة مسؤول عن بيت كامل وزوجة

يعني تغير كاااااااااااااااامل ...يبغي له وقت حتى يتأقلم عليه

وانت ايضا عزيزتي ...يبغي لك شوية وقت عشان تتأقلمين على الوضع الجديد

اهم شي انه يحبك و ما يخونك او يشرب او ياخذ مخدرات والعياذ بالله

بالنسبة للافلام ... فيا اختي ..الظاهر ان 99% من الرجال يشاهدون هذه النوعية من الافلام

وقد يكون متعود عليها ايام العزوبية ...يبغي له شوي وقت عشان يتخلص منها ..خاصة انك قلتي انه ما يجي صوبك من شهر ...اكيد يبغي اي شي يفرغ طالقة اللي عنده

انت لا تجيبين له طاري الافلام

لكن تقدرين اول شي تسوينه انك ما تروحين تباتي بيت اهلك في الويد انك

طلعي اي حجة عشان تروحين لك ساعتين وترجعين

قولي له عندي تنظيف في الشقة او دبري لك اي عذر

واذا اصر ..... قولي له ماني طالعة من البيت ...واذا انت تبغي تروح بيت اهلك تقضي الويك اند ..انا ما امنعك

واصري على رايك ...حتى لو هو راح بيت اهله ...انت خليك في البيت ...

يمكن فعلا يسويها ...لكن انت لا تتنازلي ..ابقي في بيتك

وصدقيني راح يتعود على انكم تقضون الويك اند مع بعض ...لكن يبغي لك شوية صبر على هذه النقطة

النقطة الثانية ...حاولي انك ما تحملين هذه الفترة الى ان تستقر اموركم وتعرفين انت على ايش راسية

اذا تستحين انك تواجهينه في مسألة بعده عنك

بامكانك تكتبي له رسالة رقيقة

لا تبيني انك تعاتبينه على انه مقصر في حقك

لا ..

بيني انك خايفة عليه وخايفة انه يمكن يكون مريض او في شي متعبة او مضايقة منك

لا تنسي كلامت الحب والحنية في الرسالة ..صدقيني راح تطيحين راسة بالكلام الحلو

وربي معك
 

زياره

New member
إنضم
25 نوفمبر 2008
المشاركات
155
مستوى التفاعل
0
النقاط
0
نصيحتي لكي اتقربي منه كأنك صديقته ..هوا في فترة مرض ولو كان بسيط, استحمليه وحاولي تشغلي وقتكم ب هوايات تحبوها ,, البعبو بلايستيشن , سويه حلا, اقري كتاب و اشركيه معاكي (( افتكري الحاجات اللي يحبها و سوها مع بعض) حاولي تكوني متفائله و مشرقه أبتسمي طول الوقت ف وجه _______ ازا قلك يلا عن أهلك -لا تعاتبيه-
سوي نفسك مبسوطه انك رايحه وقوليله : انتبه علي حبيبي ولا تنسى تاكل .

ح يفكر بينو و بين نفسه

وبين فتره والتانيه اتصلي عليه (( حسسيه ب اهتمامك فيه)) كيفك حبيبي؟ كلو اوكي؟ بس حبيت اطمن عليك..

ومن ناحية السكس* اصبري عليه ولا تجيبيله طاري حاولي تشغلي نفسك بشي تاني
ولا تحسسيه بشي او تنقصي من احترامه

صدقيني بكداه ح تحتويه وح يسير يحس ب الأمان معاكي
ويبغاكي جمبه على طول

الله يصلح حالك يارب
 

الفجر1

New member
إنضم
19 مايو 2008
المشاركات
7
مستوى التفاعل
0
النقاط
0
مشكووووووووراات خواتي وااااااايد
بحاول اسوي بنصايحكم والله يكون في عوني بس ابد ما اتوقعت ان الحياة الزوجية جي بهالصعوووبة ولا كنت اتوقع ان انا وزوجي راح ايينا يوم وانكون جي بس الحمد الله على كل شي
ومشكوووورات خواتي جزاكم الله خير
 

طرايف

New member
إنضم
15 أبريل 2008
المشاركات
304
مستوى التفاعل
0
النقاط
0
الإقامة
دبي
الحاله النفسيه وايد لها دور هو تعبان نفسيا اقترحي عليه تسافرون برع خليه يغير جوووو باي طريقه قولي له
مب كل شي الجنس انتي تقولين ما يقرب شهر عندج معناه في ركود عاطفي في حاله نفسيه او ضيقه من شي او
الاههل شويه كثروو عليه نقاشات انتي ما تعرفين حتى لو ما يهتم الرجل مب كل شي يخبر زوجته مهما كان الحب بينهم

او الرجل تجيه فتره يتقوقع على ذاته خاصه في شي يفكر فيه ما يحب الظغط الكثير انتي اصبري شويه وبتعرفين الموضوع باردي انتي بحركات خفيفه وتشوفي ردة فعله
 
إنضم
11 فبراير 2009
المشاركات
20
مستوى التفاعل
0
النقاط
0
الله يعينك اختي واتحملي مثل ماقالوا الاخوات يمكن فيه مرض مخليه يسوي كذا

ويمكن تعبان نفسيا من شيء معين .. حاولي انك تتعاملي مثل ماقالوا كصديقة

وليس كزوجة تطلب حقوقها لان زوجك الظاهر انه يمر بحالة نفسية الله يخرجه منها

بسلام ويشفيه ..

بعدين لا تنسي اختي انكم في بداية حياتكم يعني ممكن يصير بينكم سوء تفاهم في امور كثير

الله يرد لك زوجك ويفرج همك ..
 
إنضم
31 أكتوبر 2008
المشاركات
6,649
مستوى التفاعل
0
النقاط
0
الإقامة
جــزيرة الحــــــــــــرمــان
الله يفرج همك حبيبتي.....
اتقربي منه مره واغرقيه بالحنان ولا يحس انك متضايقه من شي....ممكن يكون فيه ضعف جنسي وحاس بالخجل والاحراج لذا يحاول يبتعد عنك.....
 

قليزار

New member
إنضم
15 فبراير 2009
المشاركات
26
مستوى التفاعل
0
النقاط
0
(وكان شهر العرس من أروع ما يكون) انتي بنفسك شهدتي على زواجك بأنه أروع مايكون لا تحطي كل اللوم عليه يمكن انتي تغيرتي بدون ماتحسين وخليتي الأشياء الصغيرة تسيطر على تفكيرك واهملتي دورك الأساسي!!!!!!! فتشي عن نفسك وعودي كما كنتي
وبالنسبة للويك اند عندك خمس أيام في الأسبوع بإمكانك تخلينه يترجاك تقعدين فيها وبقولك اشياء بسيطة اتمنى تسويها وتشوفي النتيجة دائما نسمع (رجلك على ماتعودينه وولدك على ماتربينه) قبل النوم حاولي تعطرين السرير بعطر مميز وحاولي تركزي على عطر علشان يتعود عليه ولما تنامون ابعدي عنك الحياء والبسي لبس يظهر دفء جسمك وخلي صدرك مخدته ولا تسمحين له ينزل عنك ابد مع اللمسات الحنونة ومع الوقت راح يتعود انشالله ويصير مايسمح ينام بدون مخدته!!!!!!!!!!!! والله يخليكم لبعض...........
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى