ساعدوني

[سعادة السفيره]

السلام عليكم ورحمة الله وبركاته

انا بصراحه ما عرفت وين احط الموضوعي

فسموووووووحه لو مكانه غلط

كيف ادخل بالموضوع :blushing:

الموضوع

انا ان شاء الله بعد كم يوم بيون بيو الخطيب واهله عشان يشوفوني

وانا علي اني اشوفه بعد:nosweat:

الحين انا شو المفروض اقوله ولا اسأله

شو اسوي بضبط

الله يخليكم

متفشله ومنحرجه والله

ناس قالو لا تنطقي بأي كلمه

وناس قالو لي على قد السؤال وبس تكلمي

فأنتو شو تقولو لي شو اسوي ؟؟؟

انتظر ردودكم :icon1366:

 

[حلم عمري]

لا تكثري كلام والخجل حلو على البنات والله يوفقك ويسعدك

 

[خياليه]

وانتي جالسه في غرفتك

تخيلي الوضع طيب سوي برووفه

وتصرفي بشكل طبيعي وخليك ريلاكس

لاتتصنعين وخلي واثقه من نفسك

وبس

 

[جالكسي 22]

الخجل حلو بس مو خجل يخليك تتفشلين ....

يعني انتي بتستحين اكيد بس خليك ريلاكس و هادية و ردي عليه و انتي بعد اساليه اذا عندك استفسار

خل يعرف شخصيتك ... ومب انك ما تعرفين تكلمين اهم شي السنع

ربي يوفقكم و يسهل اموركم

مبروك مقدما

 

[سعادة السفيره]

الله يسعدكم يارب

وان شاء الله تمشي الامور على خير

ادعولي فديتكم

 

[الأميرة سارة]

الحياء لابد منه ولكن خليك على طبيعتك وبلا تصنع وجاوبي على قدر السؤال بدون إطالة ووفقك الله

 

[سعادة السفيره]

يزاج الله خير حبيبتي

تسلمين على النصيحه

الله يسعدج

 

[نونة الحنونة]

شي اكيد انك بتستحين
الافضل جاوبي على قد السؤال
موفقة ان شاء الله

 

[العروس الاسيرة]

الله يوفقك ويسعدك ويجعلك أجمل امرأه في عيونه ويجعله أجمل رجل في عيونك .
لاتتكلمين واجد واكتفي بأيماءات من رأسك أو( نعم/ لا/ ما ادري /انشالله ) الرجل يحب المرأه الخجوله .........
بس عاد انتبهي انتي بعد شوفيه اسمعي طريقة كلامه شلون واحفظي حركاته ........... ردي علينا وقولي شنو سويتي ok.

 

[سعادة السفيره]

يزاكم الله خير حبايبي

وفالكم طيب

بس اخلص من المقابله بركض اكتب لكم شو الي صار

ادعولي

 

[يمانيه]

الله يوفقج ويسر لج ويكتب لج الخير والسعاده

 

[سعادة السفيره]

اللهم آآآآآآآآآآآمين

ويسعدج يارب

تسلمين يا غالية