ساعدوني

[لك الشكر]

السلام عليكم و رحمة الله و بركاته
يا ناس ابي مشورتكم...
انا متزوجة واحد مطلق صار لنا 3 سنوات تقريبا.. وعنده بنت من طليقته
اهو الحمدلله يحبني و يسمع كلامي بس عندي مشكلة وياه!!
رغم طلاقه مادري ليش لحين محتفظ بصور زوجته السابقة
اليوم وانا احوس في الاوراق اجوف صورهم و اصيح
انا ما كنت ابيه بس اهو كان مصر ان ما ياخذ غيري لان كنت محجوزة له قبل زواجه الاول
لكن بسبب ظروف العائلتين و عدم موافقتهم في المهر افترقنا.. راح تزوج و هدني
ما توفق في زواجه و رد لي و انا اصلا ما كنت ابيه بس الله كتب و خذته و الحمدلله كنت مرتاجة بس اللي يعكر مزاجي اشياء بقولكم و عطوني حل عشان افتك من الصراع النفسي.. صورر زواجه الاولي لحين عنده.. اليوم و انا احوس في الاوراق اجوفه معاها ويسوون حركات!! ما عمري تمنيت اخذ متزوج و اتخيل انه مع وحده ثانية و يسوون حركات..
قولولي شنو اسوي في هالصور؟؟ اساله ليش محتفظ فيهم بليز ساعدوني. انا تحطمت على الاخر..
بالاضافة انه صور بنته في بوكه دايما .. اوكي مو مشكله اتحب بنتك ليش هديت امها كان تصالحتو؟ انتو اشريكم في تصرفه؟؟ شنو بتكون ردة فعلكم اذا انحطيتو في موقفي؟؟
و فوق هذا كله امه كل اتييب طاريها جدامي ؟ انا شكو شاسوي فيها؟ مالي علاقة ولا عداوة وياها! انتو اللي تهاوشتو و ولدج طلقها. ايبون سيرتها عبالهم اكرهها ما يدرون انها ما تهمني. بس احس روحي ولا شي لما ايبون سيرتها جدام زوجة اخو زوجي و اهي تطالعني نظرات ليش ما اتسكتينهم والله مو متعودة اقل ادبي على الكبار .. ساعدوني شلون اكون قوية وياهم و اخليهم يحترموني غصبا عنهم و ما يبون طاريها جدامي
اتمنى انكم فهمتو قصدي ..لا تبخلوني علي بردودكم

 

[لك الشكر]

طبعا نسيت اقولكم اني عضوة يديدة و من زمان اتابعكم.

 

[اغلا من اللولو]

ياعمري الصوره صارحيه اذا تحبني تبيني احرق الصور واهل زوجك لما يكلمونك عن الزوجه االاولى يمكن بيحرونك بس انتي ولا يهمك اذا تكلمو فيها ابدي امدحي فيها كان ولا همك علشان بعدين مايتعبون انفسهم ويمدحون علشان يحرونك بس اذا انقهرتي وتكلمت انبسطو وقالو حريناها وبو كل يوم يجبون سيرتها لكن خلي الامر عادي وهم يسكتون مع طول الوقت وزوجك يمكن محتفظ في الصوره من شان بنته اذ حرمته منها يهددها في الصوره انا اتوقع لو يحبها ماطلقها او ماتزوج بعدها لكن انت ي صارحيه اذا كان مروق اجلسي وياه قولي ليه محتفظ في الصوره انا مارضى انك تحتفظ فيها اذا تحبني وتعزني احرقها وطبعا انت لا تجبين طاري طليقته ابدا لا في خير ولا في شر ولا تقولين ان اهله يتكلمون عنها عندك اكتميها في نفسك لان الرجال مايحب الحرمه الي بس تتكلم عن الماضي او بس تشتكي واذا جاب بنتها اعتبريها بنتك ويزيد غلاك عنده كل مااحترمتي بنته واهله زاد حبك

 

[نبع الأمل]

عزيزتي أقدر شعورك كثير زغيرتك على زوجك شئ طبيعي بكل حرمة
بس نقطة مهمة أريد أبينه لج بنته لا تقارني بينك وبينها أبداااااا لأن مكانتها في قلبه غير مهما لو تكون مين أمها ومش معناته حط صورتها ببوكه معناته انه يحب أمها لأ يحب بنته لأنها قطعة منه يمكن الحين ما تفهمي هالكلام لأنك ما جبتي عيال بكرة تجيبي راح تعرفي شو أقصد. أتمنى انك تحبي بنته لأنها مالها ذنب وحبك لبنته راح ينعكس عليكي لأنك اذا حبيبتي بنته يعني له انك تحبيه
وهو لو كان يحبها أو المشكلة بينهم تنحل صدقيني كان بيرد لها أكيد بس انتي ف باله وحبك انتي علشان كذا رد لك انتي بعد ما طلقها لأنه يحبك أتمنى لا تدخلي ابليس بينكم ولا تشكي له ترى الرجال ما يحبوا المشاكل ريحيه قد ما تقدري علشان ما يفكر أكرر ما يفكر يرجع لها
أمه حرمة كبيرة لا تهتمي كثير بكلامها بالعكس كل ما تحبيها تحبك خلي همك زوجك بس
حاولي تتناسي انه كان متزوج قبل اللي فات ماااااات حبيبتي لا تنبشي ف الماضي
أتمنى اني أفدت وما ضايقتك
الله يسعدك ويهنيكي نصيحتي تمسكي بكتاب الله لتخلوا حياتك من المشاكل

 

[زاد التقوي]

شوفي حبيبتي صورة بنته ببوكه عادي انا ما ادري انت ليش زعلانه هذي بنته مهما صار بينه وبين طليقته بتم بنته بهذي ما لج حق ابد و صور زواجه كلميه بكل صراحة قوليله انا ما ابيهم ببيتي تبي تحتفظ فيهم حطهم عند امك تري بعض الناس ما يحبون يلغون فترة من حياتهم بكل سهوله انت ساعديه ولا تبينين غيرتك منها ابد جدامه بيحس انج مو واثقة من نفسج وجدام اهله اذا جابو سيرتها قولي الله يستر علينا وعليها وهذ النصيب وبس لا تبينين الغيرة تري بيحطون عليج وتقدرين تقولين لزوجج انه يكلم امه ما تجيب سيرتها جدامج وهذا يتعلق فيج اذا خليتيه يحبج بينسي كل شي

 

[الجده الصغيره]

صور زوجته احرقيها ولاتقولين له شي...ولو سألك عنها قولي مدري هي مو محرم عليه حرام يحتفظ فيها

بس بنته لاتقولين له شي...أي تصرف من ناحيتك لها بيصير ضدك لأنك زوجة أب فكوني دقيقه جدا بتصرفاتك

أما الأهل فلااابد من توقيفهم عند حدهم..كلمي ام زوجك وصارحيها..انك تتضايقين من هالشي ولو تكلموا عنها ماراح تجينهم...

 

[بحر الجواهر]

شخصيتك هي الي توقفهم عند حدهم لان التنازل هو طريق ضياع حقك وهيبتك
ولا تسمحين لاحد يتمادى عليك

 

[لك الشكر]

ياعمري الصوره صارحيه اذا تحبني تبيني احرق الصور واهل زوجك لما يكلمونك عن الزوجه االاولى يمكن بيحرونك بس انتي ولا يهمك اذا تكلمو فيها ابدي امدحي فيها كان ولا همك علشان بعدين مايتعبون انفسهم ويمدحون علشان يحرونك بس اذا انقهرتي وتكلمت انبسطو وقالو حريناها وبو كل يوم يجبون سيرتها لكن خلي الامر عادي وهم يسكتون مع طول الوقت وزوجك يمكن محتفظ في الصوره من شان بنته اذ حرمته منها يهددها في الصوره انا اتوقع لو يحبها ماطلقها او ماتزوج بعدها لكن انت ي صارحيه اذا كان مروق اجلسي وياه قولي ليه محتفظ في الصوره انا مارضى انك تحتفظ فيها اذا تحبني وتعزني احرقها وطبعا انت لا تجبين طاري طليقته ابدا لا في خير ولا في شر ولا تقولين ان اهله يتكلمون عنها عندك اكتميها في نفسك لان الرجال مايحب الحرمه الي بس تتكلم عن الماضي او بس تشتكي واذا جاب بنتها اعتبريها بنتك ويزيد غلاك عنده كل مااحترمتي بنته واهله زاد حبك

مشكورة حبيبتي على المشاركة اللي ريحت صدري ان شاءالله بحاول اواجهه . طلعت الصور و بحطهم جدام عيونه اذا جافهم و سالني برد عليه.

 

[الروح الوديعه]

لاتتنازلي عن حق من حقوقج مجد بيحس ومحد بيقدر بتمين تموت بقهرج ليش عاد الي يحترمني احطه على راسي ولا مايحترمني ولا احترمه

 

[لك الشكر]

عزيزتي أقدر شعورك كثير زغيرتك على زوجك شئ طبيعي بكل حرمة
بس نقطة مهمة أريد أبينه لج بنته لا تقارني بينك وبينها أبداااااا لأن مكانتها في قلبه غير مهما لو تكون مين أمها ومش معناته حط صورتها ببوكه معناته انه يحب أمها لأ يحب بنته لأنها قطعة منه يمكن الحين ما تفهمي هالكلام لأنك ما جبتي عيال بكرة تجيبي راح تعرفي شو أقصد. أتمنى انك تحبي بنته لأنها مالها ذنب وحبك لبنته راح ينعكس عليكي لأنك اذا حبيبتي بنته يعني له انك تحبيه
وهو لو كان يحبها أو المشكلة بينهم تنحل صدقيني كان بيرد لها أكيد بس انتي ف باله وحبك انتي علشان كذا رد لك انتي بعد ما طلقها لأنه يحبك أتمنى لا تدخلي ابليس بينكم ولا تشكي له ترى الرجال ما يحبوا المشاكل ريحيه قد ما تقدري علشان ما يفكر أكرر ما يفكر يرجع لها
أمه حرمة كبيرة لا تهتمي كثير بكلامها بالعكس كل ما تحبيها تحبك خلي همك زوجك بس
حاولي تتناسي انه كان متزوج قبل اللي فات ماااااات حبيبتي لا تنبشي ف الماضي
أتمنى اني أفدت وما ضايقتك
الله يسعدك ويهنيكي نصيحتي تمسكي بكتاب الله لتخلوا حياتك من المشاكل

حبيبتي انا ما عمري قارنت بيني و بين بنته و ما اشتكيت لحد الا اليوم طفح الكيل لما جفت صور زواجه.. و اللي قاهرني حبيبتي انا عندي ولد و لا يوم فكر يحط صورتي او صورة ولدي في بوكه.. اجوف اخواني بداية خطوبتهم يتفاخرون في خطيبتهم و يرون بوكهم فيها صور الخطيبة اما انا بداية خطوبتي اول ما فتحت بوكه جفت صور بنته و سكت ما قلت لاحد لان بطبعي كتومة..و شكرا على النصيحة

 

[لك الشكر]

شوفي حبيبتي صورة بنته ببوكه عادي انا ما ادري انت ليش زعلانه هذي بنته مهما صار بينه وبين طليقته بتم بنته بهذي ما لج حق ابد و صور زواجه كلميه بكل صراحة قوليله انا ما ابيهم ببيتي تبي تحتفظ فيهم حطهم عند امك تري بعض الناس ما يحبون يلغون فترة من حياتهم بكل سهوله انت ساعديه ولا تبينين غيرتك منها ابد جدامه بيحس انج مو واثقة من نفسج وجدام اهله اذا جابو سيرتها قولي الله يستر علينا وعليها وهذ النصيب وبس لا تبينين الغيرة تري بيحطون عليج وتقدرين تقولين لزوجج انه يكلم امه ما تجيب سيرتها جدامج وهذا يتعلق فيج اذا خليتيه يحبج بينسي كل شي

مشكورة حبيبتي على الرد

 

[لك الشكر]

صور زوجته احرقيها ولاتقولين له شي...ولو سألك عنها قولي مدري هي مو محرم عليه حرام يحتفظ فيها

بس بنته لاتقولين له شي...أي تصرف من ناحيتك لها بيصير ضدك لأنك زوجة أب فكوني دقيقه جدا بتصرفاتك

أما الأهل فلااابد من توقيفهم عند حدهم..كلمي ام زوجك وصارحيها..انك تتضايقين من هالشي ولو تكلموا عنها ماراح تجينهم...

مشكورة على النصيحة ....

 

[لك الشكر]

شخصيتك هي الي توقفهم عند حدهم لان التنازل هو طريق ضياع حقك وهيبتك
ولا تسمحين لاحد يتمادى عليك

صدقتي الطيبة ما تنفع في هالزمن.. خلاص بوقفهم عند حدهم بس ما اقدر اطول لساني على الكبار..

 

[لك الشكر]

لاتتنازلي عن حق من حقوقج مجد بيحس ومحد بيقدر بتمين تموت بقهرج ليش عاد الي يحترمني احطه على راسي ولا مايحترمني ولا احترمه

مشكورة على هالرد اللي شرح صدري ... بحفظ هالكلام عندي عشان كلما ضعفت اتذكر هالكلام و ما اتنازل عن حقي :30:

 

[الوردوالياسمن]

صور طليقته احرقيها ولوسالك قولي مايجوز انك تشوف صورها لان خلاص ماتعنيك وبنته لاتغاري منها مهما صار هذه بنته

 

[مامت ياسين]

حبيبتى معلش ربنا يصبرك على الى انتى فيه وان شاء الله كل حاجه تتحل بالنسبه لبنته زى كل البنات مقالو دى مهما كانت بنته وحته منه مش عارفه اقولك حبيها لان ده طبعا مش سهل لانها مش بنتك وانا عارفه ان اكيد دى مش حاجه سهله عليكى بس حاولى تعمليها كويس على قد ماتقدرى ومتحطيش نفسك فى مقارنه معاها ابد لانها حته من جوزك وهو عمره ماهيتخلى عنها وهو بالنسبه ليها حاجه كبيره ومهمه جدا اكيد زى ماابوكى مهم عندك وبالنسبه لموضوع مراته انا بجد مستغربها جدا جدا هو ليه محتفظ بالصوره بس معلش فى قاعده صفى بينك انتى وهو اسئليه بهدواء ايه السبب وحاولى توصلى معاه للى يريحك واهله طنشيهم ولا كانهم بيقوله حاجه اصلن واوعى تبينى انك زعلانه وهما غصبن عنهم هايسكتو وهايبطلو كلام فى الموضوع ده خالص ويارب اكون قدرت افيدك ولو بحاجه بسيطه

 

[الوان من حب]

دااام انه يحبك ويسمع رايك فهذا هو المهم ريحي بالك لاتتضايقين و لاتغارين لويحبها مافرط فيها ولا تخلين في بيتك اي شي يذكره بها و كسبي امه خذيها على قد عقلها وحببيها فيك و سولفي معها وفي المناسبات اهديها وخلي علاقتك معهم طيبة ومع الوقت بيعزونك وما يحاولو يضايقونك مهم جدا تكسبي قلب امه واهله هذا بيريحك كثير والله يعينك ويصلح امرك

 

[نبع الأمل]

حبيبتي انا ما عمري قارنت بيني و بين بنته و ما اشتكيت لحد الا اليوم طفح الكيل لما جفت صور زواجه.. و اللي قاهرني حبيبتي انا عندي ولد و لا يوم فكر يحط صورتي او صورة ولدي في بوكه.. اجوف اخواني بداية خطوبتهم يتفاخرون في خطيبتهم و يرون بوكهم فيها صور الخطيبة اما انا بداية خطوبتي اول ما فتحت بوكه جفت صور بنته و سكت ما قلت لاحد لان بطبعي كتومة..و شكرا على النصيحة

حبيبتي لا تقارني زوجك بأحد ثاني لأن كل الناسمو نفس الشئ يعني طبعي مو مثل طبعك وميولي مو مثل ميولك وكل بني آدم غير عن الثاني خذي ورقة وقلم قسميها نصين حسنات زوجي والقسم الثاني مساوئ زوجي أكيد حسناته بتطلع أكثر وانتي ما ملاحظة لأنك مركزة بمساوئه بسبب الشيطان لأنه يريد لك التعاسة وعدم السعادة ((إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً))
تغاضي عن توافه الأمور صور وشوفي معاملته لك هل يضربك ؟؟ هل يجرحك؟؟ مقصر ف النفقة ؟؟ معيشنك وحدك؟؟
كلنا ناقصين والكمال لله صدقيني مثلك أجلس أقارن زوجي بأزواج أخواتي والله العظيم أحس اني ملكة قدامهم ولو أقارن بينه وبيني ألقى اني مقصرة ف حقه كثير
خلينا نهتم بالآخرة أكثر خلينا يكون همنا الجنة وكيف ندخلها
اي شئ تعمليه اعمليه لله مو علشان أحصل له مقابل
الدنيا زائلة حطااااااااااااااااااام كل شئ فيها ينتهي والآخرة دار القرار
جمعنا الله في الجنة
والله أحبكم ف الله

 

[اولادي كل دنياي]

شوفي حبيبتي اهل زوجك التافهين لما يجيبوا سيرتها طنشيهم ولاتعاتبيهم اوتقولي لزوجك عنهم الافي الوقت المناسب
اهم شي ومن واقع تجربة اهتمي بزوجك وانسيه كل الدنيا واتركيه يلاحظ بنفسه الفرق
وواصيك بابنته خيرا فهي مفتاح الخير لك عند ربك المطلع وزوجك فهي طفلة لاذنب لها
واي شي لها حبيبتي تجديه في بيتك اتلفيه فورا ودون الرجوع له في السؤال لان هذا المكان مملكتك انت فقط
اما بنسبه لصورها ارميها امام زوجك واطلب منه بحزم اتلافها امامك ولاتتنازلي عن هذا الطلب مع تحسيسك له بمدى جرحك من وجود صورها للان معه
وفقك اله ورعاك ولاتنسينا من صالح الدعاء

 

[فراشه الامل]

لازم تصارحيه وماتصرفي اي تصرف من عندك خليه هو الي يحرق الصور او يبعدهم ومعلوه لك انو الرجال مستحيل ينسى زوجته الاوللى حتى لو كان يحب واحده قبلها عشان كذا حاولي تكسبيه والله يكتب لكم مافيه خير