مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

ساعدوني وعلموني كيف أعلمه

الحالة
مغلق و غير مفتوح للمزيد من الردود.

love4life

New member
إنضم
23 فبراير 2008
المشاركات
688
الله يسلمكم .. أنا شريت لزوجي ساعه ماركة وواااااااااااايد راقيه ومن الأشكال اللي اتتم للأبد .. بهديه اياها هدية العرس في الصباحية .. بس زوجي .. المسكين ما يعرف في هالسوالف (متأكده) ومحد بيخبره (ما أعتقد) لأنه ما يسأل خواته ظناً منه اني أنا بعلمه بكل شي .. :in_love::in_love: بس اني أقول له عن هدية العرس .. والله احراج


لا تقولون لي مو مهم .. العايلة كلها تموت وتعرف هو شو بيجيب لي .. :blushing::icon1366: وأخاف ما ايجيب شي وعقب الله يعينه .. أولا من اللي بيقولونه .. ثانيا من الاحراج اللي بيتعرض له لما أهديه وهو مو جايب شي .. :shutup::nosweat:



كيف أوصل له هالنقطه؟ .. أنا أقول بسوي نفسي أستشير أخته الكبيرة في ذوقة وأأمنها ما اتخبره .. وبما انها اتعرف اخوها بتخبره مبااااااااشرة .. عاد العبقري واحد من اثنين .. يا ايجي ويقول لي أنو انه يسوي نفسعه عارف من زمان :showoff: ههه


عمتي اتقول .. لا .. هذا شي خاص بينك وبينه .. أنا معها .. بس والله حران ينحرج وأنا بعد أتضايق .. لأني أتمنى ايجيب لي شي (والله لو أبسط الأشياء) على الأقل يفتكر ان العروس في صباحيتها تستحق هدية :in_love::in_love:


انصحوني يا خواتي يزاكم الله خير
 

لمــى..

New member
إنضم
1 يونيو 2007
المشاركات
689
أنتي قلتي مو مهم
بس لازم أقولها والله مو مهم أبدا
وأنتي اهتميتي علشان الأهل بيعرفون وش بيجيب لك يعني مالها طعم
ويمكن بس يشوف هديتك بيغرفك هدايا بعد الزواج وإذا أحد سألك قولي أهداني حاجه خاصه جدا
وممكن تفتحين موضوع الصباحيه وتقولين له والله زميلتي زوجها اهداها في صباحيتها كذا وكذا بس أهم شي ماتحسسينه
وأتمنى حبيبتي ماتهتمين بهالسوالف
ويجب على الإنسان أن لايلتفت للأمور البديهيه وأن يقتنع بوجهة نظر المحبوب حتى وإن كانت على حساب نفسه

تقبلي مروري بكل رحابة صدر دخلت أفيدك والله
 

love4life

New member
إنضم
23 فبراير 2008
المشاركات
688
يزاج الله خير حبيبتي والله يرزقج بكل خير ويسخر لج كل خير ويسخر لج الزوج الصالح (أو زوجج) يارب


عجبني هالرد (( أهداني حاجه خاصه جدا)) .. فكره حلوة ..

انزين اذا هو ما جاب شي وأنا أعطيته الهدية .. عادي؟ وله احراج؟

أشكرج يا أختي على الرد ووفقك الله ..


وأتمنى أسمع آراء البقية
 

عجايب

New member
إنضم
9 أبريل 2008
المشاركات
190
حبيبتي انا عاادي راح اهدي زوجي هدية الزواج ومو شرررط يهديني لأن زوجي مثل زوجك مايعررف أموور هدايا الزواج ...
انا بهديه وهو بكيفه هداني ولا لأ ...
فكري مثلي مو احراج ولا شي:shiny:
 

madam M

New member
إنضم
29 مايو 2008
المشاركات
194
حبيبتي عاااااااااااااااااااااااادي عطيه الهدية يوم صباحيتكم
بس لاتنتظرين منه هدية
شلووووووون؟؟
يعني إذا هو ماجابلج شي و انحرج .. خليج ريلاكس و قوليله ياحبيبي أنت هديتي
و أدري أنك ماتعرف يمكن شاللي أحب أو ذوقي
و إلا أنت ماتقصر
(( عشان ينقرص من أولها و تعودينه على أهمية الهدايا بينكم ))
 

love4life

New member
إنضم
23 فبراير 2008
المشاركات
688
حبيبتي عاااااااااااااااااااااااادي عطيه الهدية يوم صباحيتكم
بس لاتنتظرين منه هدية
شلووووووون؟؟
يعني إذا هو ماجابلج شي و انحرج .. خليج ريلاكس و قوليله ياحبيبي أنت هديتي
و أدري أنك ماتعرف يمكن شاللي أحب أو ذوقي
و إلا أنت ماتقصر
(( عشان ينقرص من أولها و تعودينه على أهمية الهدايا بينكم ))


مشكوورات كلكم يا الغاليات .. الله لا يحرمني منكم وييسر أموركم ويسخر لكم أزواجكم ويرزقكم بكل ما هو خير ان شاء الله


و يا madam M .. الصراحه .. انتي عبقرينو شويه بحقج .. خخخخخ .. :msn-wink: .. سيتم التنفيذ
 

ام عقاب

New member
إنضم
1 أبريل 2008
المشاركات
6
صراحة شي عادي اذا عطاك او لا
واذا احد سئلك وين هديته وهو مو جايب شي طلعي اي شي من جهازك ويكون محد شايفه وقولي هذي منه
يعني زهبيلك هدية( منك لك) وخشيها اذا جاب خير وبركه واذا ما جابلك طلعي هديتك ووريها للحريم
 
الحالة
مغلق و غير مفتوح للمزيد من الردود.
أعلى