ساعدوني والله احتاج المشورة

[ليدي الشرق]

السلام عليكم ورحمة الله 000تحياتي لللجميع
بصراحة اول مرة اشارك بس احتاج منكم المشاركة وياريت تنصحوني

انا مشكلتي خايفة انها تطور وتزيد عن حدها
انافتاه مملكه ليه شهر خطيبي للاسف مايكلمني من الملكة الى اليوم مكالمة وحده بس سلام كيفك؟ ومع السلامة ورسايل على الخفيف وحيان كثير اذا ما ارسل اطمن عليه ما يعبرني0
بصراحة الي يناظرة يوم الملكة يقول هذا راح يموت من الفرحة
انا موعارفة ايش اصلح معاه استمر انا ارسل واطمن او ما اعبر لين هو يعبرني مع العلم ان زواجنا بعد شهرين 0
ارجوكم ارجوكم ارجوكم ساعدوني ابغى الحل

 

[اشرقي يا شمس]

اختي اشرحيلنا اكثر. يعني كيف كان يوم الملجة كان فرحان ويتكلم وايد و من متى بدى هالوضع؟ لو تشوفينه مايعبر لاترسلين له وايد. شوي طنشي شوفي ردة فعله. مو معقولة من الحين يسوي جذي.

 

[أم عمر*]

السلام عليكم و رحمة الله و بركاته

من الطبيعي في بداية فترة الملجة يكون هالفتور شوي و هذا ناتج من الخجل و الحياء من كلا الطرفين

أنصحج بالصبر يا أختي و الثقل شوي و أنا ما أقصد اللقطيعة مكرة و حدة و لكن التخفيف من المسجات

مثلا لو كنتي تدزين مسج كل يوم خليه مسج كل يومين

يمكن يلاحظ الفرق و ينتبه و يحن شوي

و عادي ترا الناس أطباع و شخصيات

طولي بالج يا أختي

نصيحة ( لا تسين الدعاء ) اللهم ملكني قلب من أحوجتني إليه

اللهم ملكني قلب زوجي و ملكه قلبي

اللهم اجمع بيننا بالخير

اللهم يسر أمورنا و ابعد عنا عيون الحساد

الله و لي التوفيق

تحيتي

 

[الجرح الخطير]

أختي الغالية ليدي الشرق............
المسألة يبالها وقت طنشيه وخففي مسجات وإن شاء الله هو بيحس ويتغير وعليج بالدعاء ...............
موفقة إن شاء الله.........

 

[ليدي الشرق]

مشكووورين على المرووور والحلول ويعطيكم العافية

بس للاسف انا طنشتة كم مره ما فاد معاه ادعولي ربي

يفرج همي
الله يبعد عن الكل الي انا فيه واتمنى من الكل تختار رفيق دربها الصح

واتمنى الي عنها الحل الجذري تفيدني اكون من الشاكرين


اختكم ليدي الشرق