ساعدوني كيف اتعامل معه

[هيفـــا]

االسلام عليكم
ساعدوني كيف اتعامل معه
ابي طرق اساليب تمشي معه ومع اطباعه
يمكن انا ماعرفت اتعامل معه
ساعدوني ...
انا في حيرة من امري ما أعرف لماذا
ألاقي ألمعاملة هذي من زوجي وحبيبي الي هو كل حاجه في حياتي
أحبه ولطيفه معاه واحاول اسعده بما املك وهو لمن يزعل مني يصبح يكرهني ويصبح مثل الحجره مايرحم ويعاملني اقسى معامله ويحاول يهنيني
ويقول انا ما اجبرك تكوني زوجه لي موعاجبك روحي لهلك ومن هالكلام اللي ماله داعي
ويقول انتي ماتعامليني كويس وفيك وفيك وفيك ... الخ وحاط في باله ان هو اتعس الناس وانا الحياه ماتصير حلوه الا اذا خلت من المشاكل ’لابد من المشاكل في كل بيت بس هو حاط في باله فكره معينه عنده اعتقادات غريبه ودائما مكشر سواء راضي او زعلان .
واذا حاولت اعاتبه او الومه او اعرف منه ليش تسوي كذا وتعاملني بهذه الطريقه قال انتى السبب المهم انه مخليني الشماعه اللي يعلق عليها اخطأه
مع اني باقصى ما عندي احاول ارضيه واسعده واعمل المستحيل عشان يدري اني احبه من الكلام ومن حركاتي في بيتي وفي لبسي والبطاقات والمسجات والهدايا اللي بمناسبه وبغير مناسبه واذا قلتله ليش ماتعزمني مثلا او تسويلي سبرايز مثل ما اسويلك يقول انتي مراهقه مع
انه اذا سويته حفله او سبرايز يستانس مررره طيب ليش يحرمني حتى انا ابغى استانس مثلك والمشكله عمره 27 يعني مو كبير توه شباب بس افكاره افكار شايب يعني تقولين عمره 46
هو في الوقت لمن يكون مبسوط يعاملني كويس بس مايرد علي احيانا اذا حكيت له سالفه ويكره سوالفي معاه احس انو يتمنى يسكتني اذا تكلمت احيانا
ما ادري ليش؟
احسه يستثقل مني اي حاجه
سوالفي ومشاويري
غير كذأ هو يزعل مني لأتفه ألأسباب
ماتصدقوأ لو قلتلكم انو يزعل على حاجات بسيطه ماتزعل ولو زعلت منه على حاجه قلبها علي ومستحيل يعتذر مني لو كان ايش ماصار
اذا زعلت منو على اهانه وجها لي يزعل مني ويهجرني مايكلمني
ابغى احس انو مهتم فيني ويعتذر مستحيل يسويها
وارجع انا اعتذر منه واجي لعنده واراضيه بكل حنان واذا قلت انت اخطأت علي يعصب مني ويرجع يزعل
احس انه يحتقرني ومستخف بي
ويشوف انو اكبر من انوه يعتذر مني
مايحترمني حتى اذا طلبت منه مشوار يشوف ان طلباتي ماهي ضروريه وتافهه
مع العلم ان عندي من العمر 22 وحلوة واتجمل له كثير ومرحه معاه واضحك معه كثير وانصت لسوالفه ولا احب اضغط عليه بطلباتي.ومايبغاني احمل وانا ما تزوجت الا عشان زينة الحياة الدنيا الاطفال .
على انه يصلي ويخاف ربه وحريص على اداء العبادات بس هذا مو كافي علشان تستمر الحياة الزوجيه
على فكره انا حملت مع انو مايبغاني احمل (بس ابغى اعرف ليش البني آدم مايقابل الاحسان بالإحسان).
ورجاء انا ابغى حل لاتقوللي اصبري واحمدي ربك (الحمد لله الف مره) احسن من غيره ومن هالحكي اللي مايقدم ولا يأخر انا عارفه اني بنعمه عظيمه لاكن ابغى طريقه او اسلوب معينه علشان احاول اقلل من المشاكل الكثيره اليوميه ؟؟

 

[^حبيبة حبيبها^]

يا قلبي ابدا لا تحزني ولا تضعفي المشكلة ما بقدر اقولك شي انا بصراحه النصايح الزوجيه اخاف منها كتير ممكن اقولك نصيحه بدال ما اكون اساعدك اضرك لكن بقولك عني انا بشوف زوجي كيف يعاملني واحوال اجي له من الاسلوب اللي يعجبه والرجال اغلبهم كدا المشاوير والطلبات يحسوها ثقيله والله اغلبهم وانا شوفيني جالسه اعوده على الاشياء اللي احبها انا وترضيني واخليه بشتى الوسائل يرضيني ولا اخلي يوم ننام واحنا زعلانين من بعض بس انا الحمد لله زوجي طبعه حنون ما شاء الله قولوا ماشاء اللهبس دائما ادعي في دعاء كل ما ادعيه والله زوجي ينفذ رغباتي وغير كدا والله العظيم انو صديقتي مجربته مع زوجها كان زوجها خنقه ولا ينفذ لها شي ومتعبها مره بس والله الذي لا اله الاهو انها قالت لي بعد الدعاء دا انو صار كل شي ينفذه لها انتي دايم في صلاتك ادعي ان الله يسخر لك زوجك دايم ادعي كدا انو يسخره ويهديه
ودا الدعاء لما تحبي تجلسي وتطلبي منه شي او حتى لما يجي من دوامه استقبليه بيه
((اللهم اجعل نور يوسف على وجهي وخاتم سليمان على لساني من نظر اليه احبني ومن اردت منه حاجة قضاها لي في الدين والدنيا والاخره)) اللهم سخر لي زوجي يا ارحم الراحمين

 

[رائدة التميز]

طيب حبيبتي يمكن إهتمامك الزايد فيه هو اللي يبعده
الله يسخره لك

 

[هيفـــا]

الله يسعدك وييوفقك

والله اني احاول اني اعوده على اشياء حلوه بحياتنا بس مايقبلها ابدا مثل مانمام واحنا متزاعلين
وانه اذا جاء من الدوام يسلم وغيرهـ
بس ماهو متقبلها اجل في احد يجي من برا ولايسلم

 

[فرحة طفلة]

انا حاسه فيك كأنك تتكلمي عني
لما كتبتي السطر الي تشرحي فيه انو انتي الي تراضيه لما يكون زعلان منك وانك تراضيه حتي لو مو انتي السبب
وقفي بسرعه لا تراضيه اذا ما كنتي غلطانه اتغلي حسسيه انك ملكه ومو مجبوره تراضيه لو ما كنتي غلطانه اذا شفتيه مكشر قوليلو انا عارفه انو اكيد سبب زعلك مو انا لاني ما غلط عليك اكيد هادي مشاكل العمل ربي يسخرلك مديرك يارب واخرجي من المكان الي هو جالس فيه وادعي الانشغال اعملي نفسك مره مشغوله
اما ان كنتي غلطانه يكفي كلمه واحده اسفه انا غلط واخرجي واتركي المكان واتركيلو فرصه يهدء لوحدو
حددي نمط زوجك الازواج ما يحبو الي تجري وراهم يحبو لعبه الاصطياد هادا الي عرفتو مؤخوا فوقفي نهائيا الهدايا الي تقولي انها بمناسبه وبدون مناسبه
اتركي هادا الموضوع بدون رجعه واذا عمل شي حبيتي تكافئيه عليه اعمليلو طبخه حلوه مساح حلو حمام بخار اي شي من دي الاشياء او المكافئه باليله حمراء ساخنه فهمتيني بس
ربي يسعدك انا قدمت الي اقدر عليه من خلال خبرتي البسيطه واتمني ان يفيدوك البنات

 

[أحلى مدام]

الله يسخرره لك

 

[Cool&Cute]

انا اقول حبيبتي دام انك تدلعيه وتراضينه وتسولفين معاه اجوفج مب مقصره معاه بس الرجال يملون بسرعه ف انتي غيري اسلوبج معاه حاولي اتطنشيه وتخليه يزعل اذا غلط ولاتسولفين معاه الا اذا بدا بالكلام واعطيه جواب مختصر انا زوجي اول سنه كان مثل زوجج يشوفني ياهل وكثيرة كلام ويوم غيرت طبعي عكسته مره وحده يعني اسلوب التطنيش بدلع تغير وصار يدور علي بس لاتملين وتستسلمين بسرعه ويكسر خاطرج خليج قويه عشان يركض وراج وادلعي وعيشي حياتج واشغلي نفسج اقري قران سوي رياضه اي شي ولاتفكرين كيف ترضيه فكري اول بربج وبنفسج بعدين فيه لان الرجال يفكرون بنفسهم قبل اي حد وادعي ربج واستغفري ....
الله يفرج همج ويسعدكم دنيا واخرة ومافي حياة بدون مشاكل صدقيني لو تافهه