ساعدوني حبايبي لاتهملو رسالتي

[جوريال مكة]

السلام عليكم
كيفكم اخواتي ايش اخباركم انا راح ادخل بلموضوع على طول انا ولله الحمد متزوجة من 4 سنين وعندي طفل عمره 8شهور جسمي بعد الولادة خرب سمنة وتصبغات الابط الركب البطن وهذا مسببلي احراااااااج قدام زوجي لين جا اليوم الي قالي فيه بكل صراحة شوفيلك حل انا ساكت ومتحمل بس من جد شكلك فشيلة سمنة وسواد واكمام طويلة والخ الخ كان وقع هلكلام مثل القنابل علي ليته مانطق الحين زوجي مسافر عمل لمدة شهرين وانا عند عمتي لان اهلي بجدة طالبتكم طلب الله يسعدكم
ماابي خلطاااااااااااااااااات مليت منها
ابغا كريم طبي يفتح هلاماكن ويعالجها ويكون اآمن
شي ينحفني ريجيم حبوب اعشاب اي شي من جد نفسيتي حدث ولاحرج
اشكركم لحسن الاستماع ساعدوني

 

[صاحبة الشهد]

حبيبتي والله

الله يعينج

اول شي عليج بالرياضة او حتى مشي لانج لو تمشين حتى لو نص ساعة(مشي سريع) راح يخف وزنج وراح يتخصر جسمج شوي

وللاماكن المسودة عليج باليمون والنشا وغيره ماعرف

والله هاللي اعرفه فحبيت اخبرج ولا اطلع من موضوعج بدون مساهمة بسيطة

 

[جوريال مكة]

جزاكي الله الف خير على ردك واتمنى تتفاعلو مع موضوعي انا نفسيتي زفت ماصرت اخرج من البيت ولااروح مناسبات الحين شبكة وحدة من اهل زوجي نهاية شهر 2 ومحتاارة فنفسي الله يعين ولاتهملو موضوعي اتمنى الله يحققلكم كل الي تبغونه

 

[راحةالقلوب2]

كريم كيناكومب مومرهم

 

[الوحيدة1]

حبيبتي الله يسعدك في حياتك
ويصلح لك ولدك
معليش اكيدكلام زوجك جرحك
لكن خليه درس تعلمي منه
حاولي تخففين من الاكل مااقول
تجوعي نفسك لالكن كثري من الخضاروالفواكه
حاولي المغرب يكن اخروجبه
ولازم تتحركي وتسوي تمارين بطن اذاتقدرين تنطين حبل
مره فعال
بالنسبه للكريم المبيض فيه وحد من البنات تمدحه
اناماجربته اسمه على مااتذكر سنسي كلير
الله يعينك حولي تكوني واثقه من نفسك
ولاتبينين لزوجك انك تاثرتي من كلامه
قولي طبيعي لازم كل وحده تتغيربعدالحمل وبعدين
ترجع احلى واجمل

 

[عروبه هانم]

ماعليك حبيبتي انا والده الحين لي 3شهور وهذا ولادتي الثانيه


وطبيعي يصير كذا


انا نفسك بالضبط زاد وزني وماهتميت بصراحه بوزني لانه رح ايخف ان شاء الله بس شوي شوي

اهم شي السواد الي يفشل


سوي زيي

عليكِ بالحمام المغربي مررررررررررررررررررررررررررررررررررررررره خطير

امس حممت ولدي عشان ينام :13:عني واقدر اسوي الحمام المغربي وهو نايم لان الحمام المغربي ياخذ منك ساعه تقريبا


كل اسبوع سوي حمام مغربي بنفسك مو بالمشاغل وش اقول لك يجنن واااااااااااااااااااااااااو من اول حمام لاحظت الفرق حتى عندي حبوب بالمؤخره مرررره انشالت راحت القشور المزعجه


طريقته رح تلقينها هنا بالمنتدى من الاخوات جزاهم الله خير


ومره ورا مره وتلاحظين الفرق بس على طول مدامك عايشه بهالدنيا لاتتركِ الحمام المغربي نصيحة اخت


يعني من مرتين بس لاحظت الفرق كيف لو استمريت شهر وش بيسوي :33:



وبعد الحمام الطويل رح تحسين بثقه ونظافه ماحصلتش :32: اهم شي انك تحسين انك نظيفه وعندك ثقه عاليه


الصابون المغربي الاصلي يكون سميك شوي والي ماهو اصلي تلقينه خفيف

وبعد الحمام سوي ترطيب لبشرتك بزيت جونسون

او زبدة الكاكاو وهذي بعد تجنن مع الاستمرار بتشوفين الي انا شفته وانا حاسه فيكِ لاني مثل حالتك


شايفه هذا اهم شي لاتقولي كريمات ماكريمات صدقيني كلام فاضي


واذا تبين شي للوجه انا حاليا استخدمه حياكِ


بس لاتخلي زوجك يسبب تعاسه لك ماعليكِ منه شي طبيعي تصيري كذا ورح ترجعين احسن من اول (كلام مجرب)


بسالك انتي تقولي قدام زوجك انك تغيرتي بعد الولاده ؟؟وتتأففين من زيادة الوزن

وتتحلطمين وتقولين يوووووووه زاد وزني

ياالله انا صرت سوده وسمنت ؟؟؟لانه فيه حريم يسولفون على ازواجهم على بالهم صديقاتهم للاسف

انتبهي لاتصيري زي كذا صيري العكس يعني قولي انا احس اني زينانه وشعري صايره له لمعه >>اكذبي عادي :31:عشان عقله الباطن ياقلبي

 

[عروبه هانم]

ايه تذكرت واذا تبين سواد حلمة الصدر يروح ووزنك يخف وصدرك يشد



والله والله الرضاعه الطبيعيه تسوي كل هذا خاصه سواد الحلمه وخسارة الوزن

 

[بائعة الرمان]

شوفي حبيبتي اول شيء
اعملي حمام مغربي عند مركز معروف وشغله تمام
عشان تروح طبقات الجلد الميت وتعملين على تفتيح جسمك ويكون التفتيح اسرع ان شاء الله
للمنطقة الحساسة لي موضوع ولله الحمد نتائجه سريعه شهر وانتي مثل الوردة
اسم الكريم الدوكين ومن وصفة طبيب وصفها لي
بالنسبة للجسم
اعمليلك خلطة كريمات تفتيح
بس اذا ترضعين طفلك انتبهي
ودعواتي لك بالتوفيق وصلاح زوجك
وبالنسبة للسمنه حاولي تسوين رياضه وتاكلين فواكه وخضار وشوي نشويات وابعدي عن الدهون والسكريات
واشربي مويه كثير تقريبا في اليوم 6 - 8 اكواب
والريااااااااااااضه مهمه لا تقولين ابي انحف وجسمي يشد من غير رياضه
موفقه

 

[موطن الحكمه]

عليج بالحمااااام المغربي روعة +خلطات تبييض امنة على الجسم وعليج بالمشي ساعة ونص يوميا هو اللي بيجيبج ارض ارض وشوفي رجيم مجرب اهم شي تحطين قدام عينج هدف شهرين تحققين فيها المعجزات من اليوم موفقة فديت قلبج