ساعدوني تكفووووووووووون؟؟

[مانسينا]

السلام عليكم ورحمة الله وبركاته...
عندي مشكلة ومب عارفه احلها؟؟؟
بكتبلكم القصصة من ألف الين الياء...

في ليلة رمضان كنت عند اهلي وريلي ف مجلس الرييايل واتصلت امه عليه تباركلة بالشهر وامه طلبت منه انها تكلم امي وريلي اعطى موبايلة لولد اخوي وقاله اعطية فلانه اللي هي امي عشان تكلم وبعده يا ولد اخوي واعطى امي التلفون وطلع يلع مع الصغاريه ويوم سكرت امي اعطت الموبايل لبنت أختي الكبيرة عمرها 25سنة ومتزوجة وتمت تتعبث فية على بالها موبايل خالها اللي هو اخوي وتمت تطالع الصور والمصيبه نادت مرت اخوي اللي هي زوجت خالها وتقولها تعالي طالعي ريلج شو حاط بتلفونه<<<<<هذا كله يصير وانا داخل الحمام تكرمون...
المهم يوم طلعت اطالعهم قالولي تعالي شوفي اخوج شو حاط ف موبايله تميت أطالع:surrender::surrender::surrender:ومرت اخوي مغتاضة طلعت صور وافلام اباحيه؟؟ومرت اخوي قالت خلنا انطالع المسجات لمن دخلنا ع المسجات عرفت انه تلفون ريلي و:tears:ومرت اخوي طالعتني وقالت الحمدلله انه تلفون ريلج..انا سكت واخذت الموبايل ورديته لريلي وانا ساااااكته ولا كلمة..
ردينا للبيت وانا مغتاضة منة وااااايد ولا خبرتة وبعد كمن يوم بدت تظهر علامات الوحام واكتشفت اني حامل وطول فترة 4شهور وانا اراقب وامسح الصور وساكتة وكنت احفظ ف تلفوني اسم صاحبه اللي يطرشلة الصور الخايسة....الكارثة انه امسح كنت كالعادة افتش تلفونه شفت رقم يطرشلة مسجات حب وصباح الخير رحت حفظت الرقم ف تلفوني ف بالغلط ضغطت ع الرقم واعطى رنه وشوي الرقم يدق طلع صاحبة وقلتله اني غلطانة...المهم قفلت تلفوني ونمت اليوم ريلي قام وفتح تلفوني يبغى يشوف الساعه وشاف رقم صاحبة انه متصل على موبايلي الساعه3بالليل وقالي هذا رقم منو قلتله هذا غلطان وتم يفتش تلفوني وشاف رقم صاحبه الثاني وتم يصارخ ويقول انتي تفتشين موبايلي ؟؟انا انكرت والحين هو طلع ومايرد علي شسوي؟؟ادري اني غلطانه بس ابغى احافظ ع بيتي وريلي؟؟؟؟
ساااااااااااااااعدوني تكفون

 

[سـمـو الآمـيـرة]

الله يسهل امرك حبيبتي
طيب قوليله من حبي لك صااار اللي صااار
وبس اللحن آسفه واوعدك مااا تنعاااد ورآح تنتهي السااالفه على خير ان شاااء الله
الله يسعدكم ويخليكم لبعض ياااااربي وتعيشون سوووا حيااة حلوة
وانتي يا الغاليه لا تخلين مجال لزووجك يشوف صوور وافلااام حققي له كا ماا يبي وكوني له زي ماا يبي
عشاااان تخلينه مغمض عن كل الكون وماا يشووف غيرك وبس

 

[مانسينا]

الله يسهل امرك حبيبتي
طيب قوليله من حبي لك صااار اللي صااار
وبس اللحن آسفه واوعدك مااا تنعاااد ورآح تنتهي السااالفه على خير ان شاااء الله
الله يسعدكم ويخليكم لبعض ياااااربي وتعيشون سوووا حيااة حلوة
وانتي يا الغاليه لا تخلين مجال لزووجك يشوف صوور وافلااام حققي له كا ماا يبي وكوني له زي ماا يبي
عشاااان تخلينه مغمض عن كل الكون وماا يشووف غيرك وبس

تسلمين فديتج ع الرد اللي اسعدني وشرفني مرورج بس والله ثم والله اني مب قاصرني شي لا جمال ولادلع ولا مقصرة عليه بشئ ...
ومشكورة فديتج ع النصيحه الله يسعدج ويحفضج

 

[مانسينا]

اممممممممممممممممممممممممممممممم اترياااكم

 

[ننثر الكون عطرا]

والله يا اختي الغلط من الاول من بنت اختك ليش تاخد التلفون من اصله حتى لوهولخالها

التلفون شي شخصي موكل من اجا في ايده يشوف شو فيه

انا ما بررت الموقف لجوزك بس يعني لو انت على القليلة اكتشفتيه لحالك في يوم من الايام بيضل هو جوزك وسترك وغطاك بس مرة اخوك وبنت اختك رايح يسقط من عينهم

سامحيني موقصدي ازيدها عليك بس هده الحقيقة

الله يسخرلك جوزك ويحنن قلبه عليك ان شاء الله

 

[حياتي حمودي]

الله يعينك بس لايكون شك فيك تكلمين ا صدقاءه الله يسرها لك ياكريم يسر لها كل عسير

 

[مانسينا]

مشكورات خواتي ع ردودكم
بنت اختي شوي شوي ملقوفه بس ف تلفونات العايله بس لو درت انه تلفون ريلي ماكان فتحتة
والحمدلله ريلي مااعتقد انة بيشك لانة واضحة الحركه مني اني ابا اتأكد..ز
طيب شو اسوي الحينة اعترف واقوله القصة ولا شو؟.؟؟؟؟؟

 

[المراءه الذهبيه]

والله حسيت اني مكانك
والله توهيقه قويه بس حاولي تطلعين نفسك من الموضوع
مثلا قولي فيه رجال يدقون علي يلعبون وانا شكيت ان اصدقائك ماخذين رقمي من جوالك ويلعبون علي
وحبيت اتأكد اذا هم ولا لا بس ما بغيت اقولك خفت تعصب وقلت ابكتشف الشخص وبعدين اعلمك
يعني حاولي تطلعين نفسك بأي طريقه

 

[ننثر الكون عطرا]

والله انا من راي ما تقوليله انه شفنا تلفونك يعني لا تدخلي حالك في دوامة جديدة انت بالغنى عنها

انت حكيله انا كنت بالحمام لما اعطيت التلفون لامي وبعد ما طلعت شفته واخدته من امي وبالصدفة

اجاك مسج وفتحته يعني من باب انه ما في فرق بيني وبينك

الله يهدي سركم ان شاء الله وحاولي تتجاهلي مراقبة تلفونه لانه الاحسن الك انت قبل هيككنت مرتاحة

 

[MoOoOn Light]

حبيبتي ....
الصراحه راحه .....
أحكي لزوجك اللي صار عشان لا يدخل بينكم الشيطان ....
كوني صريحه معه و قولي له أن دافعك كان الحب بس ...
الله يسخركم لبعض و يهدي الأمور بينكم ..​

 

[تسوااااهم]

قولي له الصج وفكي عمرج عسى ربي يسهل اموركم انزين انا بعرف شكو تاخذين رقم رفيجه يعني شنو بتسوين فالرقم انتي غلطانه المفروض بعد فتره قدام عينه تاخذين الفون وتشوفينه قدامه وتسوين نفسج منصدمه من الي تشوفينه وتواجهينه

 

[سماهر88]

اختي مانسينا مابي اعاتبك او الومك صدقيني لو كل وحده منا كونان كان لقينا بلاوي
وربك يستر علينا وعليهم........
صارحيه انك سويتي كذا وانك كنتي تفتكري الرقم لبنت وانك كنتي خايفه عليه وعلى بيتك
وتعهدي له انه مايتكرر منك لكن والله من غلاك سويت كذا
وربي يفرج همك

 

[تحملتك وصابر]

الله يعينج لازم تعترفين احسن لج وأصلا الحركه مكشوفة فلا تحاولين تكذبين وبعدين راح تندمين