ساعدوني تكفون

[نور زوجها]

يابلقيسيات فزعتكم السلام عليكم اخواتي ممكن استشاره بسيطه عندي مشكله بزوجي ممكن تساعدوني:8:زوجي عنيد احبه وهو يحبني كثير مايسافر بروحه اشغال ومنها سياحه المهم مايمر اسبوع الا لازم بروح لشي واقول شغل وانا ساكته عشان عيالي ومدارسهم والحمدلله المهم مريت بضروف صحيه صعبه قبل فتره وضغط شغل عندي البيت ومسؤ لياتي كثيره وماعندي خدامه وراضيه اقوم واخلص اشغالي المهم وعدني بسفره وان من ومان ما سافرت عاد انا انبسطت بس الحين دق على صديقه وقاله انا وزوجتي بنسافر وشرايكم تجي انت والعائله معنا وافقوا وانا صراحه تضايقت :30:ابي اجلس مع ىزوجي لحالي طبيعته يروح مع الرجال وانا مع الحريم وهكذا انا زعلت وعصبت قالي مافيه روحه انا الحين ان قلت مابيهم انحرمت وان رحت معهم انحرمت من جلسه معه يعني بين نارين يا اوفق ااروح معهم وانذل او انحرم من السفر وش اسوي تكفون ردو

 

[حب سلطان]

مرحبا أختي أول شي أستخيري ربك وبعدين ردي عليه ...وقولي له لوسمحت اذا الله كتب لنا السفر معاهم مابي اطلع مع الحرمة دايم ابي الطلعه تكون معاك ياتاج راسي وهناك حاولي تخلينه دايم يطلع معك وقولي حق الحرمة خل تقنع زوجها يطلع معها وزوجك معك والله يسر لك كل خيييييييييييييير

 

[الجروح]

أختي لا تضيعي عليك السفرة وتنكدي على نفسك

روحي وانبسطي وفي السفر قولي له ودي أتمشى معاك لحالنا

وكمان نخلي اللي معنا يتمشوا لحالهم .. مو حلو نكون لزقة فيهم طول الوقت

وربي ييسر أمورك

واكثري من الاستغفار لأنها تصنع العجب وتزيل الهم وتفرج الكرب

 

[نور زوجها]

مشكورات خواتي جزاكم الله الجنان ورضا الرحمن

 

[نهر الحياه]

لا تمي تحطي ف بالج انج ما بتستمتعي ف السفر

لانج بظل ع اعصابج طول السفره وتتنكدين

ما اعتقد السفرة وياهم بتكون مب حلوة بالعكس

احتمال ترتاحي ونفسية زوجج تتغير لانه حد معاه

يشاوره ويخطط معاه ف السفر

فلما يرتاج ريلج لسفر اكيد راح يريحج

وانتي حطي ف بالج انج بتكوني سعيدة ...عشان ماتتنكدي

وفرفشي ..الله يسعدج

 

[اااهات]

انا رايي انك تسافرين معاهم واذا وصلتي هناك حاولي تفهمينه انك متضايقه وتبين تجلسين معاه بلحالكم

 

[وحشتوني]

شوفي حبيبتي روحي ولاتقولين له انك متضايقه انكم معهم
ولم تسافرين بعده بكم يوم قولي حياتي زوجه صديقك تلمح انه وده
تطلع هي وزوجه بروحهم شريك نطلع معهم يوم ويوم نخليهم ع راحته
وان شاءالله اكون فدتك

 

[نور زوجها]

الله يوفقكم جميعا ويسخر لكم ازواجكم قولو امين ويسرامري امركم

 

[دلع قلبه]

لا تعطي زوجك انطباع سيئ ونكدي عنك
خلي هالسفره البداية والتجربة الاولى طاوعيه في الامور اللي ماتضركم او تضر علاقتكم
خليك ممتعه ومرحه قد ماتقدرين
عشان يحط في باله ويثبت في ذهنه ان السفر معك ممتع وحلو ويصير يايسافر معك او مايسافر
بعض النساء الله يهديهم تشتكي من بعد زوجها عنها ورغبة الدائمه بالهرب منها ومن البيت
وماتدري المسكينه انها السبب الرئيسي في هروبه
انا اقولك خذي الموضوع بمرح ومتعه ورحبي فيهم وقولي ضيوفك اكرمهم
ابدئي جهزي نفسك باافكار والعاب وخطط لسفره خليها ممتعه قد ماتقدرين
ومثل ماقالت الاخت اللي قبل تقدرين تقولين له يوم لنا ويوم لنا معاهم بس مو على طول اول روحي وشوفي الوضع
وبعدها تكلمي يعني انتي ماتدرين زوجة صديقة يمكن تكون مثلك مالها رغبه لكن غصب تعرفي عليها وجسي نبضها
وساعدو بعض في التفرغ لاازواجكم
وبعدين يمكن مقصد زوجك من صحبة زميله مصلحه الواحد مايدري وش يصير معه وش ممكن يحتاج رفيق السفر مافيه احسن منه
ولاتنسين الاستخارة في كل حال ولكل امر..
ربي يسعدكم ويسخركم لبعض..

 

[دن دونه]

لالالالالالالالالالالالالا وافقي وسافري وهناك قولي له انكم مولازم تضايقون الناس وانكم تخرجون لوحدكم

 

[كرتون طماط]

اما انتي عليك دلع
اقول جهزي اغراضك وروحي وانبسطي وهيصي
واذا رجعتي قولي له انشا الله مره ثانيه انا وياك الحالنا يا اغلى زوج

 

[بلسم الشافي]

حبيبتي -------انا بعد-----

ياعمري انت مرت علي ----كثير مواقف زي كذا وكنت اسوي زي ما الخوات يقولون ----
ولا ابين له زعلي ----بلعكس اضحك وانبسط ----وابسط زوجي معي---- واحيانا اقول له
خلنا نطلع مرة لوحدنا -----لانضاااايقهم -----ويطنش كلامي وكل مرة يطلعني لازم احد معنا
وكنت اقول لالالالالالاانكد علي وعليه ----بس لا حبيبتي اولا ادعي وكثري من الدعاء والله
يسهل لك الخير ----ولما تسافرين ----كلمي زوجته واتفقوا كل وحدة تقول زوجها يطلعون
لوحدهم ----والله يسعدك ويهنيك وترجعين مبسوطه يا عسل ------بس انبسطي وابسطي زوجك
وعيالك واترك كل شي وراك -----موفقه

 

[نور زوجها]

شكرالكم جميعا بس هذي مواول سفره معم دايم نروح معهم وانا ماارتاح يعني كل شي محسوب عليك وسفرتنا كلها اسبوع ييعني ماتسوى وانا زوجي بعيد عني يعني احس انهذي فرصتي اجلس معه وهو طبعه ان يناضر خاطر خويه بالسفر يعني كل ماقلت له شي قال اخاف يزعلون