ساعدوني بين النار والغار تكفون

[راحة البال مهمه]

السلام عليكم ورحمة الله وبركاته يااخواتي انا زوجي طلقني طلقه وحده ولي منه 5 اطفال ووماني حابه ارجع له حياتي ماهي مستقره نهائيا على كف عفريت والاان في واحد ناوي يخطبني ويساعدني بس عمره 58 سنه وانا 34 سنه هو صاحب رتبه ومكانه باالمجتمع عنده زوجتان واطفال واحفاد وهو مستعد يعطي زوجي الي يبغاه بس مجرد انو يخلعني منه يقول الخلع مافيه رجعه مره ثانيه بس مشكلتي يااخوات انه يبغى الزواج سكيتي بعقد يعني ملكه فقط يقول اروح واجي عليك لما سالتو عن السبب قال علشان اخذ راحتي معاك بااي يوم ابغى اسافر اسافر لك لما يعرفو حريمه لازم يعدل والعدل عندو شيء اساسي انا كلمته ورفضت الفكره وقال اولاادي اقولهم واخواني واخلي اولادي يكلموكي بعد وعذره انتي لازم تعرفيني راح اسويلك بيت كبير واذا تبغي اولادك معاك انا مستعد بكل شيء سوالي ياغاليات هل هذا مسياااااااااااااااااااااااااااااااااااااار وايش رايكم بهذا الرجاء انكم تعطوني رائيكم هو يقول انتي غيرتي نمط حياتي علما انه مايفضى ولا عنده وقت يقول انتي غيرتي اشياء كثيره بحياتي طبعا بيننا اتصال يوميا وانا احبه جدا حتى اليوم كلمني وقالي استخيري وقالي صيغة الاااستخاره ويقولي صلي وادعي وربي يكتب الي به الخير

 

[جونار]

استخيري
ماعقب شور الله شور

 

[الخط الفاصل]

استخيري ربنا يوجهك للخير

احساسي الخاص إنه لعاب..

أنصحك ماتكلمينه ولا تتواصلي معه علاقتكم حرام ..مابني على خطأ فهو خطأ.
عندي سؤال دامك مطلقة كيف يبي يخالعك منه ؟؟

 

[السماء صافيه]

والله قويه تكلمينه وماصار شي بينكم وانتي باقي في عصمه رجال
ماقول الا انتبهي لنفسك منه يمكن الشايب يضحك عليك بكلمتين
والله الرجال مالهم امااااااااااااان وينخاف منهم
وعلى قوله المثل عصفور في اليد احسن من عشره عصفير في الشجره
ويعد الطلاق مايصير الطلاق قوليله يكلم اهلك
احسن من انك تكلمينه وخافي الله من هذا الجانب (المكلمات معه)
والله يصلح حالك

 

[خلود بكر]

يابنت الحلال الحين عندك 5 اطفال وزوجك طلقك طلقه بس وجاي الاخ يقول اخلعي وبيعوضك والله انه كلام فاضي اش تحبيه وماتحبيه يابنت احلال حبي نفسك لاتزعلي مني بس انتي مو صغيره عشان احد يضحك عليك طيب نفرض وسويتي الي قاله وتطلقتي او خلعك وبعدين ماجاء وانكر كل شئ وش الحل وزوجك اخذ عيالك وش بتسوين انتي بهذي الحاله فكري زين وابعدي عنه من ترك شئ لله عوضه الله خيرا منه.................زحبي نفسك وحبي اولادك والله مالهم ذنب بلي يصير انتي تبغي تشوفي حياتك بس انتي مو لنفسك عايشه انتي الان عايشه ومعاك اطفال انتبهي يابنت الحلال اهتمي بنفسك وبااولادك وادعي ان ربي يهدي زوجك وصدقيني الحين تتوقعي ان في شخص بيهتم بااولادك اكثر من ابوهم الحين اذا الاب مايقدر على اولاده بيجي شخص بيقدر ويهتم فيهم .........................الله المستعان

 

[الله يعينا]

ما بني على باطل فهو باطل .. عزيزتي حرام انك تكلميه لانه اجنبي عنك ولانك باقي في عصمة رجل .. حبيبتي اتقي الله (ومن يتق الله يجعل له مخرجا.)

 

[فرح الشمالي]

ارجعي لزوجك ورتبي حياتك معاه من جديد عند خمسه اطفال وطلقه وحده بس والثاني يبغى الزواج من غير اشهار وهذا هو المهم في الزواج فكري عدل شكله يضحك عليك

 

[ندى 5]

رايي انك ترجعين لابو عيالك لانك لوحدك معاه محد مشاركك وبعدين بيبقى عليك عشان العيال لكن الثاني ممكن يستمتع كم شهر ويسيبك وهو فعلا الزواج اللي خبرك فيه مسيار ماانصحك ابدا بالزواج منه

 

[سـهام الجفا]

اي حياه اللي انتي عايشتها علاقه محرمه ماترضي الله >>>>هذا اول بلا

ثاني شئ فكري بعياالك ومصيرهم انتي ام والاولى بتضحيتك لهم
صدقيني يمكن انك بمرحله عاطفه عابره وصاحبك ماانصحك فيه فكري اول شئ عمره كم سنه وبيتقاااعد عنده حرمتين ومسؤليات واحفاد يعني فتره وراح ينشغل عنك هذا ان ماتركك
اسمعي نصيحتي وانا اختك ارجعي بيتك واسالي الله اخر الليل ربك كريم ويحيي العظام وهي رميم ادعي ربك يحنن قلبه عليك وابدي انتي بنفسك احتوي زوجك وابو عيالك فكري بمصيرهم محتاجينك ومافي زي ابوهم وافتحي صفحه جديده انتي وعيالك وابوهم واتركي صاحبك لله يعوضك الله حياه افضل

اسال الله وانا في ساعة متاخره من الليل ان يسخر لك زوجك ويختار لك الخيرة في حياتك ويسعدك

فقط اتقي الله واحسني الظن فيه

 

[احزان2010]

اختي كلام اختي سهام الجفا مية بالمية اتبعيه
:c016:ودعي ان الله يسخركم لبعض

 

[اميره.]

فكري بعيالك اهم اللي راح يتشتتون وش راح تستفيدي زواج بالسر
واي وقت ع كيفه يجيك لاحبيبتي فكري بنفسك وبعيالك والله يسخر لك اللي فيه الخير

 

[راحة البال مهمه]

يارب كل من رد علي او دعاء لي بظهر الغيب انك توفقه وتجعل له من كل هم مخرجا امين امين باذن الله راح اتبع جميع النصائح وجزاكم الله الف خيرررر