ساعدوني بخبرتكم

[صانعة الابطال]

:24:السلام عليكم مرحبا بنات انا مقدمه على شغاله ان شاءالله وبيتي صغير كيف اتعامل معها من ناحية البيت وزوجي بصراحة ماابغاها تقابله فهل هي تتقبل هذا الشي

 

[اولادي كل حياتي]

فهل هي تتقبل هذا الشي
مو من شانها تتقبل او ترفض ولاتعطيها مجال انك تساليها انت تعطيها الاوامر وهي عليها التنفيذ وبس
اول ماتوصل تعطيها جلابيات بكم وشرشف تغطي شعرها ورقبتها علشان لاتتحملي ذنبها يعني حجبيها
وتاني شي فهميها لما زوجك يكون بالبيت ماتطلع من غرفتها
وزوجك فهميه لو يبغى شي يطلبه منك وانتي تسويه له لاتعتمدي على الشغالة في طلبات زوجك ابدا
وعلميها الشغل بالبيت لما يكون زوجك بعمله وبعد مايجي تدخل الغرفة وتسكر الباب وتجلس تكوي او ترتب دواليب المطبخ اوخليها تنام بدري
وعوديها اي طلبات او حتى الراتب انتي منك وتعطيها هو وتفهميها انك المسئولة علشان تعملك الف حساب مجرب
والله يعطيكي خيرها ويكفيكي شرها

 

[الجروح]

كلام أختي " أولادي كل حياتي " سليم مية مية

وأزيد عليه لا تخليها تغسل ملابسكم الداخلية أبد .. أبد

وأول ما توصل فتشيها وخذي أغراضها كلها وبدليها بأغراض جديدة

وعامليها معاملة حسنة .. وإذا شفتي منها حركات شدي عليها

ووريها العين الحمراء

وخلك حريصة إنها ما تحتك بزوجك نهااااااااائي

ولا تطلعي مشوار وتتركيها بالبيت لحالها .. سواء زوجك موجود أو لأ

وربي يعطيك خيرها ويكفيك شرها​

 

[دن دونه]

مااقول غير البنات شي ماشاء الله كفو و وفو والله يعطيكي خيرها ويكفيكي شرها

 

[حناااان الكون]

لا جات لازم تاخذين شنطتها تخلينها عندك تقولين لها خذي الاغراض اللي تبينها الان الشنطه تخلينها عند الكفيل هذا

 

[ميمو*]

الله يكفيك شرها​

 

[حناااان الكون]

لا جات لازم تاخذين شنطتها تخلينها عندك تقولين لها خذي الاغراض اللي تبينها الان الشنطه تخلينها عند الكفيل هذا

لا جات لازم تاخذين شنطتها تخلينها عندك تقولين لها خذي الاغراض اللي تبينها الان الشنطه تخلينها عند الكفيل هذا نظامنا كل الشغالات كذا

حرصيها لا كانت بالمطبخ ودخل البابا بياخذ شي هي تخرج

غرفة نومك فهميها ما توقف عند بابها <<< زي هذه لا تقولين لها ع طول لا حسيتي انها تحوم حوالين غرفتك او تحاول تناظرها والباب مفتوح كلميها في وقتها


طبعا الشغالات اكثر شي ما يحبونه ويستغبون فيه ان الكفيله تلقنهم الكلام لذا كوني معها من الاول لا شفتي خطأ جا منها قولي لها هذا خطأ في وقته


انصحك اغراض زوجك اهتمي فيهم انتي من الى عشان ما يحس انه انتي قصرتي معه اول ما جات الشغالة ودايم خلي لمساتك ع اغراضه يعني لا كويت الثياب لزوجك لا تودين الملابس قدام زوجك لدولابه لا انتظري لين يدخل دورة المياه او ينام او قبل لا يصحى روحي جيبي الثياب وحطيهم بالدولاب يعني خليه يتعود لا بغى الملابس بيلاقهم بدولابه بيعرف انك انتي جبتينهم افضل من انه ينتظر ع ما يجي الثوب من عند الشغالة ..... واحرصي ع اكله انتي تزينينه وترتبينه له ​

 

[هيووووونه]

الله يعطيك خيرها ويكفيك شرها

 

[ياقلبي ترك الحس]

شوفي اول حاجه عامليها بعدل كأنك الرئيس وهي الموظفه وثاني شي لازم تفتشيها لا وتخلي مكان اغراضها الخاصه معروف عندك يعني لازم تعرفي ايش موجود بدولابها على طول وثالث شي اياك انك تعطيها جوال واذا بترمي الزباله راقبيها وحرصي عليها انها دقايق معدوده علشان ماقابل احد من بره من عمال وغيره ولاتظلميها وايضا لاتعطيعها اكثر من حجما يعني انتي تأمري وهي تنفذ ولا تغفلي عنها حاولي تراقبيها في عملها في بيتك وفي تصرفاتها وحاولي قدر المستطاع انها ماتحتك بزوجكوالله يعطيك خيرها ويكفيك شرها

 

[تررف القصيد]

:30::30::30:
خليك معي خطوه بخطوه
أنا قدمت على شغاله ولأول مره.......
أندنوسية الجنسية.........
كنت أدعي دائما في سجودي..
اللهم إني أسألك خيرها وخير ماجبلت عليه.......وأعوذ بك من شرها وشر ماجبلت عليه........اللهم أكفني شرها.....
طبعا وصلت على المطار وكان زوجي مسافر ورحت مع الوالد وأخويه نجيبها
قبل كذا رحت شريت عبايه ونقاب:24::24::24::24::24::24:والله وصلنا جوازات وطلبناها وشرفت بطلتها البهيه بنطلون جنز كويس مانشق وبلوزه مخصرة وحجاب مادري وش يبغى
وعلطووووووووووول لبستها العبايه والنقاب
:santa_1::santa_1::santa_1::santa_1:
وتعال شوفي العسكري بغت تطلع عيونه......باقي يبغى يستمتع عينه تحت ماراحت ولاجت عساهاالفقع
طبعا رحنا البيت وتكشخت وتركت كل شي على حالة مواعين الغدا والملابس الوسخة والكنبات حاسوها عيالي ولا لمستها ورحت جمعة حريم
رجعت وذهلت من النظافة وسةت كل شي زي مابغى وأكثر طبعا ولا كلمة مدح ولا شكر....................عادي شغلها ماله لزمة أشكرها
شرف أبو الشباب من السفر طبعا من أول ماجا ودخل البيت سكرت عليها المطبخ ...........بعدها صار ولدي إذا جا أبوه يقول أدخلي بابا جا.........بابا لاتجي الشغالة موجودة........
هو من النوع اللي مايتحرك من الغرفة ينسدح عند التلفزيون الين يروح ينام بحكم الدوام الطويل...........
طلعت أخذتها معي مستحيل تجلس البيت وهو موجود.............
ماأكلمها في السيارة أبدا.......
في البيت ماأسولف معها أبدا.....
بس ماقصر من ناحية بطاقات الأتصال شهريا تكلم أهلها.......وأجيبلهاهدايا من وقت لآخر ............
راتبها مايتأخر إلا برغبتها...............
القرآن والرقية من كثر ماأشغلها ......
صارت ماتشتغل إلا والقرآن شغال.....
أدعي دائما إن الله يكفيني شرها...ويعطيني خيرها........وسلامتك:40:

 

[صانعة الابطال]

والله مشكورات ماقصرتوا الله يسعدكم ويسخر لكم ازواجكم كفيتوا ووفيتو ا الله لايحرمني منكم بس على فكرة انا ماعندي لها مكان الاالمجلس تنام فيه بعدين ترتبه وفيه حمام خاص وقاطع اقدر اقفله عشان اخذ راحتي لان فيه غرفة ثانيه قبالي وانا ماابغاها كل ما قام زوجي الاهي قدامه ثانيا بخلي الغرفه لولدي ان شاءالله فوش رايكم

 

[اولادي كل حياتي]

مرة كويس ماشاالله خليها بالمجلس احسن بعيد عنكم وعوديها الباب دايما مقفل عليها وما تخرج الا لما تناديكي ولو تحطي لها راديو تسمع فيه قران ومنها تشغله وهي جالسة بالغرفة طول الوقت علشان ماتتسمع لكلامكم ويسليها

 

[فلووونا]

ماشا الله عليكم ماخليتوا شي

 

[كافيه لاتيه]

البنات ماقصروا

 

[وصية رسول الله]

موضوعك أفادني .. :20:
أنـــــا نفس حالتك ....
الله يعطينا خيرهم ويكفينا شرهم يارب