ساعدوني بجهازي

[سنوات الصفصاف]

مراحب صبايا

كيفكم :25:


البارح وصلني مهري 50 الف :35:


وببدى من السبت اجهز لعرسي ان شاء الله


انا قلت مابي اخذ ملابس ماركه كثير لان الماركات الحين متشابهه والعروس لازم تكون مميزه

بلبسها


المهم في بالكويت مصممه تصمم بدلات الهام الفضاله في مسلسلها اللي برمضان

فرصه ثانيه

وشفتلي كم بدله اعجبتني


والمصممه هذي لها فرع بالرياض وفرعها الثاني بالكويت وهي اصلا كويتيه متزوجه سعودي بالرياض زفاتحه لها مشغل خياطه


المهم ابيكم تساعدوني في كم احدد مبلغ لمكياجي وكم للملابس حق البيت او الطلعات
وهيك اشياء لان هالموضوع مراا موووووووترني :30:

وامي قالت حطي 20 الف للذهب وش رايكم مع اني انا اقول طقم واحد كفايه حق المسائيه

واشتري اسواره عريضه وحده مع خاتمها عاد افيدوني الله يستير عليكم



وسلامتكم حبايبي

 

[أم غـــلآ]

الله يوفقك ياحبيبتي ..
من رايي كثيره العشرين على الذهب بتطير مهرك ..
حلو تشترين طقمين نعوومين مره .. والشبكة البسيهآ بالزوآج ..
انتي اول شي ابدي بفستان الزواج بعدين التيورات والفساتين بعدين ملابس الطلعات بعدين ملابس البيت
وبعدين المكياج والعطور واشيائات الجسم .. بكذآ تقدرين تحددين ميزانيتك ..
والبنسبة للمصممة ماعندي خلفيه عنها ..
يآرب آحد يفيدك ..

 

[ضاعت دروبي]

ما عندي خبرة
ربي يوفقك قلبو
ماحبيت اطلع بدون رد

 

[احبة فديتة]

امممممم

انا اشوف تحطين 15 الف<<<اشتري فيها ذهب اشوف كفاية

5 الاف حطيها بالبنك ولاتشتري فيها ابدا

يبقى 30 الف

مثلا 5 الاف للفستان تفصيل سواء او جاهز او اذا حابة ايجار راح يكون ارخص لك

راح يبقى 25 الف انتي تصرفي قيها

بس نصيحة لاتكثري ملابس ولاتكثري عطور وحتى المكياج

اهم شي العطور والمكياج خليهم اخر شي

وطبعا دوري لك ع مشغل واسليئهم كم راح يسون لك المكياج والتسريحة والنقش +الحمامات وحطي لها ظرف
خاص بالملغ الي راح تتفقون علية

واحسبي كمان حساب المصورة وحطي لها مبلغ على حنب وكمان الديجية ونصيحة خليها طق بدون مسويقى
عشان ربي يوفقك

هذا رايي وانتي لك الحرية واتنمى لك التوفيق والف مبروك ..

 

[مشاعر مجهوله]

انا اشوف تسوين لك تقسميه خااصه بالمهر
خلي 15 ع جمب للذهب واذا عندك حاليا طقم مشي حالك فيه
يبقا لك 35
5 خليها للفستان بملحقاته من اكسسوار وجزمه ومسكه
وحطي ميزانيه للكوافير والكوشه والمصوره

والملابس اكتبي اللي تبغينه بالقطعه
بحط لك تقسيمه من عندي وان شاءالله تفيدك
البناطيل ) خذي اسود جينز واسود استريتش وكحلي وازرق فاتح وغامق واذا بدك ابيض وممكن كمان لون فرايحي احمر او اورنج انتي وذوقك

والشورتات 4 تكفي اسود وبيج وازرق جينز ورمادي
والنتانير القصيره للفخذ اسود وجينز ووحده لون فرايحي

والبرمودات خذي ابيض وجينز ارزق واسود
والنتانير الميدي او اللي لحد الركبه برضو خذي ثلاث اسود وجينز وممكن بيج

والتنانير الطويله خذي اسود وجينزازرق وابيض او رمادي او بيج << اختاري اللون اللي يعجبك

التي شيرتات والبديهات والبلايز هذي كثري شووي يعني عددها مو محدود لانها بنلبسها كثير وخذي للبيت والخرجات

واقمصه النوم انا اخذت روب اول ليله طويل ومعاه واحد ثاني وتكفيني
بااخذ القصيره بنوع دانتيل وساتان وحرير يمكن 10 وشوفي سيتي ماكس ورد تاغ عندها حاجات حلوه ورخيصه
والبجايم خذي شورت وبرومود وطويله ونوعي حرير وساتان وقطني
والملابس الداخليه انتي شوفي كم تحتاجين

ولاتنسي الشراريب والهيلاهوبات
وكمان الجزم والشنط
واكسسورات عاديه واكسسورات فخمه < حلقان وسلاسل وخلخال واكسسورات يد وساعات >

هذا اللي ببالي الحين واذا زواجك مطول ع الصيف يمديك تلحقين التخخفيضات بشهر 1 وشهر 7 ميلادي
والله يوفقك وييسر لك ياااااااارب

 

[مشاعر مجهوله]

ونسيت اقول حطي لكل شئ ميزانيه انتي اعرف بالمحلات اللي بتروحيها وكيف اسعارهم
وبالتوفيق
والمكياج والعطور لاتكثري
من المكياج خذي اللي تستخدميها بس اكثر شئ
والعطور اشوف 5 او 6 تكفي مع 2 عوده

 

[انسه طفشانه]

بقولك شي
20 كفايه للذهب
لان الحين الذهب ناااااااااااااار
والباقي مالي خبره فيه
موفقه

 

[عشق عتيبه]

اامممممممممممممممم

اسمعي يااقلبي نصيحة وحححححححححححده من قلب ولا تقولين هالبنت تقول شي ماتدري وين الله قااطه

انا تو خلصت تجهيزز


<<<

اسمعيني

اول شي بخصوص الذهب لاتشترين الحين ذهب حطي بصرافه فلوس الذهب واذا نزل الذهب اشتري

لان الحين ناار

يابنت انا شبكتي ب15 الف وربي يوم جيت وساومة عليها قالي 26 الف تخيلي من زوود ارتفاع الاسعاار

لذالك خلي بصرافه فلوس الذهب واذا نزل اشتري واكتفي بطقم واحد تشترينه الحين واذا نزل رووحي اشتري او خلي امك تشتري لك اذا ماراح تكوني عندها
حرام تضيع افلووسك بذهب الحين غالي بكره لو بغيتي تبيعينه بتخسرين ولا تستفيدي فهمتي





____________________________
الملابس حدك فيها 10 الالف <<من قمصان وجينزات وفساتين ونصيحه مني وانا اختك لاتشتري ماركات الا الجينزات والباقي اشتري من محلات عااديه

حتى قمصان النووم لاتشتري ماركات الرجال وش عرفه هذا ماركه ولالا بس بتضيعين افلووسك على الفااضي
يعني اشتري قمصان نوم من محلات عاديه وبالعكس تجنن موديلاته وتهبل بعد

وعبااياتك وجزمك وشنطك
_______________________________
امم مكيااجك قسم ماايتعدى كله مع كريماتك 3000 بس
صدقيني بس اذا بغيتي خبرتي بالمكياج بعطيعا لك وتشووفين كيف بتكفي افلووسك

وانصحك ادخلي موضوع اسرار بيني وبينكم <<كل شي يخص التجهيز واسرار التجهيز موجوده استفيدي منه لان كتبت خبرتي فيه وتجهيزي فيه

________________________

وحطي افلوس على جنب لمصورتك وكوفيرتك وكوشتك

وصلى الله وسلم وباارك

وحاولي تبقين بصرافتك افلووس خااصه لك

لاتلعبين بفلووسك


<<وخلي 2000 للاشياء اللي تحتاجيه وتكون طاااارئه فهمتي علي


تحياتي لك

 

[مَ عآد بيَ حيَل]

الله يوفقك حبيبتي

كلام عشوقه عين العدل لا تاخذين ماراكات والله فيه محلات عاديه احسن من الماركات بكــثير
انتي سوي لك جدول وقسمي مهرك وحطي لكل شي ميزانية ماتتعدينها واسماء المحلات اللي بتروحين لها

وحده من صديقاتي مهرها50 يوم خلصت تجهيز رجع معها 15 بس هي تصرفت فيه عدل

الله يسعدك يارب وعقبالنا

 

[غرامي نظرتكـ]

عشق عتبيه
اللي زوجها يفهم في الماركات ايش تسوي

 

[سنوات الصفصاف]

الله يووووووووفق كل اللي ردو علي


بس الحمد لله المصوره على اخت زوجي قالت اطلبي اللي تبينها وعلي الدفع


ومكياجي على امي


وخواتي مدرسات وبيساعدوني ان شاء الله

عاد وحده من خواتي قالت لاتشترين اطقم عطورات لانها بتجيك هدايا من صديقاتك


ع العمووووووووووووووم يسلموووووووو لكل اللي ردو علي لاخلا ولاعدم منكم ياحبايب قللبي