ساعدوني انا انزف وزوجي امطنشني

[(أم إلياس)]

هذي اول مشاركه لي في هالقسم
بدخل على الموضوع مباشره
انا جامل بالشهر الثالث وصايدني نزيف من 3 ساعات تقريبا وكان موجود امعصبني هو السبب مابسامحه اكتب لكم ودموعي على خدي

بكره علي امتحان صعب بخصوص التدقيق اذا خلصته ونجحت اخذ الشهاده بس ماراجعت شي من لمحاتى على الجنين ومن زوجي اللي امجنني

يعني مضغوطه من كل صوب

اقول له حبيبي فيني نزيف قوم انروح المستشفى قال لي لا صبري بيوقف بعدين يمكن من التعب ودخلت الغرفه اجهز اغراضي لأن يمكن يرقدوني المستشفى

وطلعت الا اشوفه مو موجود اتصلت له مايشيله اكثر من ساعه احاول

اتصلت لأمي وانا اصيح وقالت بتخلي ابوي يوديني وقت اكلمها اتصل لي وقلت لها اوكي خلاص اتصل لي سكريه وكانت الوالده امعصبه منه
قال لي انا مشغول امواعد ربعه مايبي يتفشل معاهم ويقول لي روحي بروحج يعني بنات عادي عنده اطلع هالحزه بروحي بالليل الساعه 10 وانا انزف يمكن يدور راسي واسوي حادث

يعني يخليني انزف ماعليه وربعه مايقدر يقول لهم مسامحه بروح لزوجتي مريضه

شسوي الحين اتصل للوالده مره ثانيه بس تعبتها معاي من المشاكل لو اروح بروحي المستشفى واتكل على الله محتاجه اروح المستشفى لشيئين اولا عشان اطمئن على الجنين وثانيا عشان يعطوني سيكليب عذر ان مااقدر اقدم الإمتحان بكره وبقدمه بعد رمضان

وزوجي شملي غربي وانا جنوبيه شرقيه

ملاحظه انا كنت قبل سنه تقريبا مريت بمشاكل خيانه وغيرها بس تعدل الحين بعد ماشافني امطنشته ومهتمه بنفسي اكثر

وهو دايما يتكل علي في كل اغراض البيت انا اشتري بروحي من السوق واي شي يخترب بالبيت اتصل لعمي او اخوي يعني انا رجال البيت وهو بس عليه لفلوس

لا تقولون عودتيه لا من اول مااخذته هو جذي

ونسيت ماقلت لكم انا متزوجه من 5 سنين وعندي بنت عمرها 3 سنين

ردو علي الحين بليز وقولو لي شنو ارد على زوجي واخليه يندم مايكررها مره ثانيه
وهذي مو اول مره يسويها حتى قبل مااييب بنتي كنت حامل ومثل الشريط انعاد لي بس ابوي اللي وداني

 

[قطـــــريه]

اختي وليش تحملين وانتي مب مرتاحه ولا مستقرة ؟ ريلج عارف ان لو ما وداج بتروحين بنفسج او بيودونج هلج .. وانتي قلتيها انتي ريال البيت وعودتيه لا تقولين لي هو كذا من اول ما خذتيه ريلج على ماتعودينه .. لو مكانج ما اروح لحالي ولا اخلي هلي يودوني .. انتظره لين يجي ويوديج بدليل انه يدق يبي يتأكد رحتي ولا لا ؟؟

 

[(أم إلياس)]

اختي وليش تحملين وانتي مب مرتاحه ولا مستقرة ؟ ريلج عارف ان لو ما وداج بتروحين بنفسج او بيودونج هلج .. وانتي قلتيها انتي ريال البيت وعودتيه لا تقولين لي هو كذا من اول ما خذتيه ريلج على ماتعودينه .. لو مكانج ما اروح لحالي ولا اخلي هلي يودوني .. انتظره لين يجي ويوديج بدليل انه يدق يبي يتأكد رحتي ولا لا ؟؟

مشكوره على ردج قطريه

اولا حملي صار من الله يعني ماكنا هادين روحنا سبحان الله لين الله اراد يصير واحنا متفقين لين تكمل بنتنا 4 سنين

انا كلمته من شوي قلت له اهلي مااتصلت لهم انت اللي توديني انا مابروح بروحي

سكت شوي وقال بنبره انه مضايق بييج الحين

 

[(أم إلياس)]

عطوني حلول عشان اخليه مايعيدها ويوديني وهو راضي

والله لو اهله او احد من خواته صار لها شي على طول يوديهم

اي شي يطلبونه ينفذه لهم انا صبرت وايد ماتهنيت بحياتي معاه افرح يوم وشهر اكون حزينه

سويت كل اللي يتمناه فيني تغيرت من داخل ومن بره اسلوبي بعد ماكنت هادئه وكل اصيح عل ىاقل شي صرت الحين قويه من هالمنتدى علمني اشياء كنت غافله عنها

والله لو تدرون اللي صار لي قبل حالتي حتى ماتسر عدو من خيانته لي مع العلم هو ولد عمي وكان ميت علي وعيشني عيشة الأميرات يمكن سنه وحده بعدين تغير علي وصار يطنشني وتغير 3 سنين وانا احاول اسامحه من خياناته لي

الله لا يسامح من كان السبب

 

[مريمار الشمس]

الله يكون في عونكروحي بيت أهلك وجيبيله ناس يحكوا معه

 

[بتوته توته]

يما حبيبتى عندج نشا كومى خلطى ثلاث ملاعق مع كلاس ماء وشربى اذا الياهل مافى شى يثبت الجنين من سقوط ودكى على اهله كولي لهم انزف وريلى ماادرى عنه وين وانه ابى احد يودينى لطبيب واذا ماتبين خلى اهلج يودوج اهم شى صحتج الحين خلى يولى صحتج اولى نشا يثبت الجنينين والله يبرد قلبج

 

[نــور2010]

الله يحفظك ويوفقك ويهدي زوجك ويصلحه يارب
وان شالله ما عليك شر

 

[حوسه مشاعر]

دقققققققققق طولي وانتي تدقييييييييييين قولي مره تعباااااااااانه تعالي
لو وحده من خواتك اكييييد مااترضا يصيرلهم كذا وانا عادددددددددددي
ولا خلي ابوي يعطيه كم كلمه تصحيه

 

[نور زوجها]

الله يعين قلبج ويهدي زوجج

 

[حبيبة ميرو]

جببتي شيلي يدك من اغراض البيت ولا تجيبين ولا شيء