ساعدوني الموضوع خطير

[ام جوان..]

السلام عليكم خواتي لفاضلات هذي اول مشاركه لي في لمنتدى واتمنى انكم ما تخذلوني زوجي مره عنيد وشايف ان كل شي حلال عليه وحرام عليه لدرجه انه يتحكم في البرامج الي والقنوات الي اتابعها بحجه انه رب الاسره ومن حقه يتحكم في كل شي مع العلم ان هذي الاشياء ما يمنع نفسه منها باختصار شديد يعاملني كاني بزره ولا لي اي حريه واذا قلت له خل لي حريه في الاختيار قال كله من البرامج الي تتابعينها يحرضون المراءه على التمرد تكفون يا بنات كيف اتعامل معه بحيث اني ما ادخل معه في نقاش حاد اندم عليه بعدين استنى ردودكم

 

[الخط الفاصل]

الله يفرج همك إن شاء الله الأخوات يفيدونك

 

[احتويني بحنانك]

الله يعييييينك ليش ماتقوليله وشلون حرام علي وحلال عليك تنااااااااقض​

استغفرالله واتوب اليه​

 

[جودالقلب]

لماذا لاتناقشيه بهدوء وتوضحي له أن الحياةلاتستمرإذا لم يكن هناك حوار_ولاتنسي اخيتي الاستغفار _الله يريح بالك_

 

[ام جوان..]

والله يا اخواتي حاولت مليون مره اتناقش معه بهدوا لكن زوجي من النوع الي يثور بسرعه واي كلمه مهما كانت تافهه تثير غضبه لدرجه اني اذا سمعته يدق الباب ارتجف اخاف ابطي عليه يسوي لي سالفه وشايف دايما نفسه صح ويقولي اذا ابديت رايي في اي موضوع وكان يخالف رايه انتي فيك شوفه نفس وانا والله امشي بجنب الحيط واقول ياربي الستر

 

[ورد من الألماس]

اختي ..
كل شي بالتفآهـم والأسلوب الحلو ينفع ..
يعني صعبه في كل امور حيآتكـ يتحكم فيهآ ويقرر عنكـ ..
مثل ماله حريه شخصيه حتى انتي لكـ ..
ومو من حقه ابدآ انه يمنعكـ من شي انتي ماتبينه ..
قولي له مثل مافي برآمج مو كويسه برضو فيه برآمج كويسه ومفيدهـ ..
وبعدين كل شخص عندهـ عقل يفكر فيه ..
اذا شفت او سمعت برنآمج مو معنآته اني اصدق او اقتنع بكل اللي يقولونه ..
وصححي المعلوميه الغلط اللي عندهـ ..
مو اي واحد يبغى تكون له حريه يكون متمرد ..
وش هالمنطق ..!
هل هذا معنآته انه متمرد ..
قوليه له نآقشيه في كلآمه ..
وان شاء الله يقتنع ..
مــوفقــه ..​

 

[ورد من الألماس]

ليش تخآفين لمآ تسمعين صوته ..!
وتمشين ع الحيط ..!
بيقطع رقبتكـ مثلآ ..!
حبيبتي عرفت ليش معتبركـ بزر مثل ماقلتي ..
شخصيتكـ هي اللي تخليه يتعآمل معآكـ بهالطريقه ..
حبيبتي ، انتي انسآنه عندكـ احسآس وكيآن وشخصيه ..
لا تمحين شخصيتكـ عشآنه ..
ترا والله مارح يذبحكـ ..
اذا كآن رايكـ مختلف عن رآيه وعلق عليكـ ، لا تسكتين تحسسينه انكـ مسويه غلط ..
انتي ماغلطتي قلتي رايكـ ..
لازم تقوين شخصيتكـ قدآمه ..
وتغيرين اسلوبكـ معآهـ ، يمكن صعب هالشي عليكـ ..
بس ترا ماينفع معه ..
هو تعود عليكـ الانسآنه الضعيفه ، اللي مالها راي ، وتطيع اوامرهـ وبس حتى لو غلط ..
​

 

[ام جوان..]

اختي ورده من الماس مشكوره يالغاليه انتي ماتدرين اذا ناقشته انه يقول انتي ترادديني كني عايش مع رجال في البيت ولما قلت له يعني تبغاني اسمع الغلط واسكت قال ايوه كل الحريم كذا ما يردون على ازواجهم تعببببببببببببت والله والمشكله اهلي مو متفهمين عندهم نفس تفكير زوجي ان المره مالها كلمه ابد

 

[طارق الاردني]

انا راح اعطيكي حل ......اول شي ادعي ربك ....والثاني حاولي تعملي حالك زعلانه منو ...او ما تهتم في ...وتالت شي الله يهنيكي

 

[الزوجه الاولى]

الله يعينج ويهدي زوجج

 

[طارق الاردني]

متى اسعبدتم الناس وقد ولدتهم امهاتهم احرارا.......المراه يجب ان تعامل باحترام مع احترامي لبعض الرجال وانا منهم ...الدي يعامل المراه كانها اميره هو قد تربى ان يكون ملك ...ولكن اين العقول عند الرجال ...يجب الاهتمام بالمراه واعطائها حقوقها ...لا حول ولا قوه الا بالله....الله يفرج همك

 

[ورد من الألماس]

الله يسخرهـ لكـ ويحنن قلبه عليكـ ..
ماشاء الله عليكـ ..
انتي ماتدرين وش بتحصلين من صبركـ عليه ..
بس الحمدلله ع كل حآل ..
الزمي الاستغفآر وان شاء الله بيفرجهآ ربي عليكـ ..
بس لا تيأسين ..
ياما فيه ازوآج عسرين اعظم من زوجكـ ..
وسبحآن الله تغيروآ 180 درجة ..
وتأكدي ماعلى رب العالمين شي صعب وبعيد ..​

 

[***ريتاج***]

الله يعينك عليك بالدعاء والصبر
بس احمدي ربي ان عندك رجال تعتمدين عليه وبتعرفن اذا جات المصيبه
الموت ان فيه حريم هم الي مسيرين ازواجهم
يمكن انه حابك وخايف عليك وكل راعي مسؤل عن رعيته
الله يصلح الي بنكم ويهدي سركم​

 

[ام جوان..]

اشكركم يا اخواتي على وقفتكم معي ولا تنسوني من دعاءكم لانه دايم يهددني بالطلاق او الزواج من الثانيه مع إنا في بدايه حياتنا ومالنا الا 3 سنوات لانه يبغى جاريه مو شريكه حياه

 

[نسائم الوجدان]

الله يكون بعونك يالغلا
اسمعي يا اختي فيه مثل يقول (الهون ابرك مايكون )
حاولي يالغاليه تسايرينه يعني اذا قال لاتتابعين البرنامج ذا لاتعارضينه
وشوي شوي صدقيني راح يمل ويترك لك حريتك
بس بشرررررط قوي انك تقوين شخصيتك وعلى فكرة قوة الشخصيه مو انك تردين عليه الكلمه بعشرة
لايالغاليه قوة الشخصية انك تصيرين واثقه من نفسك وتناقشينه باسلوب راقي بعيد عن العصبية والمشاكل
وتبينين له رأيك في الموضوع من غير ماتكونين متردده
مثلا أنا اتابع برنامج في قناة ابو ظبي اسمه خطوة وزوجي مايحب هالنوعيه من البرامج اذا قال غيري القناة اغيرها وما اعصب لا اقعد اقوله وش عنه الحلقه هالاسبوع وأيش المشاكل اللي تناقشوا فيها وحلها كيف كان وانتظر الاعاده اليوم الثاني الظهر وهو بالدوام بس احترم وجوده عندي وما أفرض عليه رأيي
اما بالنسبه أنه يهددك بالزواج فأتوقع انها رده فعل منه وأنه بس يبي يهدد
وأتوقع انه أستغل خوفك منه
الله يوفقك يالغاليه ودايما رددي اللهم اشرح صدري وييسر أمري وأحلل عقدة من لساني

 

[بائعة الرمان]

يارب يسخره لك وكل مافيه لك ويحنن قلبه عليك