ساعدوني الله يوفقكم

[محبة الطاعات]

بسم الله الرحمن الرحيم

السلام عليكم و رحمة الله و بركاتة

اممم انا ما عرفت وين انزل الموضوع و قلت انزلة هني لأنة حسيت هالقسم مناسب

المهم

انا بقول لكم مشكلتي انا وحدة خجولة لدرجة كبيرة محد يتصورها

و المفروض ان عقب فترة جريبه بنخطب و لازم اشوف المعرس و انا ما ابي

لأن انا وحدة مو اجتماعية و لو رحت مكان و حسيت ان في واحد سنة مقارب لسني قاعد يطالعني

جسمي يرجف و اتوتر و ما اعرف امشي و وجهي يصير احمر و اعرق و حالتي حالة

و يعني اذا المعرس بيجي ايشوفني اكيد بيصيدني نفس الشي

مو عارفة شسوي

ابي حل ساعدوني الله يوفقكم

اخاف يصيدني شي و اتفشل​

 

[محبة الطاعات]

شدعوة للحين ما في ولا رد

 

[شتات انسانه]

مع الايااااام رح يروح الخجل بعدين حلات البنت خجلها ورح يتعلق فيك المعرس اكثر
والله يتمم لك على خير
ادعيلي زوجي يهون عن البعثه​

 

[محبة الطاعات]

مع الايااااام رح يروح الخجل بعدين حلات البنت خجلها ورح يتعلق فيك المعرس اكثر

والله يتمم لك على خير

ادعيلي زوجي يهون عن البعثه​

مشكورة شتات انسانه على مرورج حبيبتي و الله فرحتيني بردج

و الله يستر و الله يسمع منج و يتمم لي على خير

وان شاء الله يارب الله يخلي زوجج يهون عن البعثة

و يسخرة لج يارب و يسعدج

قولي آمين​

 

[ماينلام من حبك]

خلي ثقتج بنفسج اكثر من جيه
والله يوفقج وزي ماقالت الاخت حلات البنت بخجلها
وترى الاشياء هذي تروح من نفسها تلقائيا بعد الخطوبه
يعني تنحرجين شوي بعدين يصير عادي
انا كنت كذا قبل الخطوبه مستحيل اشوف رجال غريب
فمابال اني اتملك ولكن بعده بمره والا مرتين تعودت
وترى كل البنات كذا ولكن شوفيهم ممشين حياتهم والا بيكون محد تزوج
والله يوفقج ياقلبي

 

[السدم]

ممكن تكون حاله مرضيه افضل انك تزورين طبيب نفسي