ساعدوني الله يعافيكم

[نور العاصمه]

السلام عليكم ورحمة الله وبركاته
مرحبا صباايا
كيفكم ان شاء الله منااح
المهم انا هذا اول موضوع اكتبه ف المنتدى وشفتكم متعاونين مع بعض قلت ان شاء الله يساعدوني
هذا قصيدة قصيرة مرسلها لي زوجي من تاليفه
انا احب الشعر بس ماافهم كل معانيه ابيكم تفهمونيها
القصيده هي

من زمن حبك مع الايام زاهر
في عيون اللي له الولهان عّمر
من جزيل الحرف اصداف وجواهر
اروع الابيات حين الشوق جّمر
هيه ياللي تدري ان البعد قاهر
طاري الفرقا عن الذرعان شمّر
اذرف دموعك ماهي حزة مظاهر
لا تكابر وانت خفاقك تدمّر
لحظة التوديع فيك الحزن ظاهر
يفضحك كفا على كفي تسّمر
والله ان حبك على النكران طاهر
مير حط عينك بعيني لا تذمّر
كيف ابي اقدر للوصل والوقت شاهر
في وجيه القوم سيفه ويتأمّر



بانتظار تحليلاتكم

 

[نبضة فرح]

ماشاء الله .. الله يخلي لك زوجك....

لاتزعلين من التحليل بس هذا توقعاتي وماأدري يمكن صح يمكن خطأ...


من زمن حبك مع الايام زاهر
في عيون اللي له الولهان عّمر
(يحبك بجنون)

من جزيل الحرف اصداف وجواهر
اروع الابيات حين الشوق جّمر
(ومشتااااااااق حيييل)

هيه ياللي تدري ان البعد قاهر
طاري الفرقا عن الذرعان شمّر
(أنتي بعيدة عن زوجك حالياً)

اذرف دموعك ماهي حزة مظاهر
(وتتظاهرين بالقوة وعدم الأهتمام)

لا تكابر وانت خفاقك تدمّر
لحظة التوديع فيك الحزن ظاهر
يفضحك كفا على كفي تسّمر
(وبنفس الوقت ماودك تبعدين بس تكابرين
والدليل حزنك يوم الفراق)

والله ان حبك على النكران طاهر
مير حط عينك بعيني لا تذمّر
(لأنك تبادلينه نفس الحب والوله وماتقدرين تحطين عينك بعينه
علشان ماينفضح الحب اللي فيها)

كيف ابي اقدر للوصل والوقت شاهر
في وجيه القوم سيفه ويتأمّر
(يتمنى رجعتك من دون مشاااااكل
ولا وسائط لأنهم راح يزيدون البعد بينكم))

هذا توقعي والله أعلم....

 

[نغمات النجاح]

ماشاء الله ابيات رائعة
نبضة شرحت باختصار جميل

 

[بـي بـي]

ماشاء الله عليك يا "نبضة فرح "..
أختصارك للأبيات ظريييف . ^^"

ونور العاصمه الله يخلي لك ابو العيال والرساله حلوووة =)

 

[نور العاصمه]

مشكورين حبيباتي الله يسعدكن
سعدت بردودكم
الله يخلي لكم من تحبون

 

[يااااارب]

الله بسعدك