ساعدوني الله يعافيكم يا حكيمات
أنا متزوجة من رجل أعجز اقول يحبني حب والله انا كل حياته ؟ وهو رجل بيتوتي يحب عياله مرة,وبعد فترة تغير والله ما يحط عيني بعينه ,وبعدها زوجي تزوج علي ,من صحبة اصروا عليه ان يتزوج او انه مو رجل وانتم تعلمون اذا وصل التحدي بالرجولة شنو يصير (صحبة تفسد ),ولأني كلي ثقة ان هذا الزواج ما راح يتم //وهو يعتقد اني لا اعلم بأمره ,واقول الشرع حلل أربع .لكن لم استطيع الصبر لأنه تمادى للميلان , هو نوعا ما أرتاح يعتقد اني لا أعلم , واني مشغولة بالمسؤلية وكانوا يزينون الطريقة اللي هو فيها .والله كل شوي اتحسب الله كان يسأل ليش تتحسبين الله ,أقوله دعوت مظلوم مابينها وبين الله حجاب ,والله كان نوعا ما يخاف ويقول حبيبتي انا مقصر عليك بشي ,كنت اطمنه واقول لا ,أعطيه مهلة حتي اواجه فيها ,طبعا هو من ناحية الكلام الحلو اللي يقوله لي من قبل ما عاد يقوله انشغاله و تحرصة على من معرفتي بموضوعة نساه هذا كلة بس والله اني اعرفه مو مرتاح يمثل الراحة امامهم حسبي الله ونعم الوكيل فيهم ,تشتت حتى عن امه ,كان يزور امه يوميا ,تتصل علي وتسأل عنه وكانت تعتقد اني اخذته منها وما تدري عني ومعلومة ترا أهل زوجي يحبوني وخاصا خالتي تفضل الذهاب والسفر ,معي عن بناتها والله تحس اني احن عليها اكثر منهن,وصار يطلع كثير وطلعاتي معاه نسفها خلاص ,يتأخر حتى تالي الليل ما يدخل الا الساعة 2:30 ,وكنسل روحتي للعمرة .بدون سبب بعدها اكتشفت في مكتبه بدرج خاص له ماكان له درج يقفل ,نسي ان يقفله تذاكر لدولة عربية طالما اتمنى اروح لها بس كان يرفضها بشدة ,حاجز له ولها لم استطيع ان اصبر اكثر ,صليت صلاة الاستخارة ,في مواجهتي له وسبحان الله كان ناوي يروح لها كالمعتاد من س9 حتى س 2:30بس خربت السيارة وما قدر, قلت جت الفرصة ,رحت اواجهه طبعا بعد ما نطرت يخلص مكالمة معها والكلام الحلو والاعتذاربأنواعه (زوجي طبعه من زمان ما يحب يعتذر لو غلطان)عندها يتغير المهم دخلت عليه فجأة تغير لونه وسألته تعذر بصديق له ,واجهته بللي سمعت واعترف بعدها ,الموقف كان صعب على طول طلبت الطلاق وانا كنت جازمة بالطلب صعق ما صدق ما سمع ويبرر ما فعله اني ما أكفيه والله اني اعرفه جيدا بس من باب التبرير , وكان يقول من الصدمة ما اقدر ان استغنى عنك ,اصريت على الطلعة , شاف الامر جد مني رفض ان اخذ عيالي(ورقت ضغط علي بس لازم اقوي نفسي) وتركتهم له وهذه صعق 2والقلب يتفطر ولاكنت اتوقع اني اتركهم ,قلت في نفسي ما راح يتحملهم ,لانني متعلقين فيني وانا متعلقة فبهم ,رحت لأهلي 3 أشهر ,لم يعلموا سبب جيتي ,ولا حبيت اني اعلمهم بالسبب حتى لا افسد علاقته باهلي ,ذقت فراق عيالي اصلي وادعي الله ان يربط على قلبي المهم عاند وانا اصريت ,ويرسل لي شلون انت ملتزمة وتطلبين طلاق المرأة ما لها ذنب قلت لا طلقها طلقني انا يجن ويعصب العيال كانوا يبكون يردونني بس يرفض ويأمرهم بالضغط علي ,علمت خالتي واخوه واخته, حاربوه وزعلو عليه فعلا والله حتى الكلام رفضوا ان يكلموه حتى امه حلفت عليه ان ما طلق الثانية ما تكلمه الي يوم الدين ,هو تحسف على اللي سواه كان يتصل ويقول ردي واوعدك اني اطلقها بعد فترة بس علشان كلام الرجال رفضت طلاقها وطلبت طلاقي وجاب الورقة اثبات انه طلقها وانه فعل ذلك غصب عنه ,تم عليها 3شهور من طلعتي حتى طلقها وحاول ردتي وكنت رافضة الردة والله بس بعد الحاح خالتي وان كل الشروط ينفذها لي ,رديت لبيتي بعد يومين من الساعة 2:30 جات رسالة ماعرفت من منو /سالته قال دعاية الصبح نايم ما ادري شنو اللي خلاني افتش الرسالة ما قدرت اقرأها بس اخذت الرقم ,وصارفي اتصال اشوف الرقم نفسه سألته من قال صديق لي ,قلت رد قال لا مو ضروري ونفس الوقت من الليل ارسلت رسالة شفت الرقم بس هذه المرة اصريت الا أقراها, قرأتها وياليت ما قرأتها صارت تسب فيني بكل قلت ادب بصراحة بكيت مومنها انه شلون يسكت عليها وهي تخطأ بحقي قال ماأبي ارد عليها متفشل من أهلها ما ابي اخلي مجال تواصل معاها ,وانا ما ابيك تقرئين رسايلها علشان مايضايقك بس انت اصريتي المهم بعدها زوجي تغير وصار غامض وحط خطين لتلفونه هل هذا هل يكلمها مع العلم انه يحلف ما يكلمها ,؟ كيف ارده مثل أول قلبي وانا من الداخل ما عاد اصدقه على اللي صار وهو يقول لازم تنسين ونعيش مثل اول شلون ؟ ماني قادره لا تهملون مشكلتي ؟؟؟؟؟؟؟؟؟
اسم الموضوع : ساعدوني الله يعافيكم يا حكيمات
|
المصدر : الأستشارات الزوجية العامة
