ساعدوني الله يخليكم

[مياري77]

السلام عليكم ورحمة الله وبركاته


صايره عندي مشكله وبيكم تساعدوني الله يخليكم شو اسوي

ريلي من خذته وهو يكلم بنات ويشوف افلام خليعه بس وانا مو فالبيت

وكم مره كشفته وناقشته بالموضوع ومارمس بعدها حد ولايشوف افلام وانا الحين من خذته

سنه ونص بس احس هذي الفترة كله التلفون ع الصامت وكله ناسنه بالسيارة واذا بيرمس

بالتلفون بالسيارة قريب لااركب ببند ويقول ربيعي انا اييني احساس انه يسوي شي غلط

واتم مضايقه ويطلع بالنهايه احساسي صادق لصراحه انا مضايقه وايد حاولت معاه وسامحته

وايد وانا حامل الحين بالسادس ابي طريقه احسسه بااني اعرف انه يرمس من وراي بس بطريقه

مايحس فيها يعني غير مباشرة وهو الصراحه مامقصر معاي بالناحيه المادية واي شي ابيه يشترية لي

بس انا ابي احس بالحب والحنان وتعرفوا دوامه اسبوع باسبوع من يروح الدوام وانا اطرش له

مسجات حب واعجاب بس مايطرش لي الا يوم اقوله انت ماتسوي شي وعقبها يطرش واذا حد ثاني

طرش له بيطرش على طول انا صدق مضايقه واللي يضايق اكثر يوم اقوله انا مقصرة يقولي لا مب

مقصرة بس ان حاسه عنده حد لانه كله برع بيقعد شوي عندي وبيطلع وكله التلفون بالسيارة او ع الصامت

واذا في شي خاشنه شكله يتغير الله يخليكم ساعدوني اترياااا ردكم بفارغ الصبر

 

[رموش نمله]

حبيبتي انا مانصحك تقوليله انك عارفه انه يكلم بنات لانه لو خبرتيه بيصير امر عادي بيصير يكلمهم لو قدامك عادي
حبيبتي نصيحه مني هناك شيخ الله يحفضه يتكلم عن مغازل ومواقف شباب مره حلو نصايح
والله نسيت اسمه بس بحاول ابحث عن اسمه وتسمعين نصايحه وتنقلين تجارب الشباب لزوجك
بطريقه غير مباشر
انشاء الله فهمتيني

 

[مياري77]

فهمت حبيبتي مشكورة على ردج لموضوعي

والله يصبرني ان شاء الله..

 

[الشقردية]

مااقول غير اللة يعينت ويسر امورت ويبعد بنات الحرام عن طريق ريلت انا حاسة فيت لاني امر بنفس ظروفت مافي يدنا شي اكثر من الي سوينة ادعي لة في كل صلاة ورددي هذا الدعاء مائة مرة ان شاء اللة يسخرة لت< اللهم اجعل لنا ازواجنا وذرياتنا غرة اعين واجعلنا للمتقين اماما> يارب يفرج علينا






تقبلي مروري

 

[مياري77]

مشكورة اختي على مرورج الغالي والله يساعدنا ويصبرنا ان شاء الله

ويهدي ازواجنا قولي اميين.

 

[بنت الكـــويت ~]

آخ من الخيانه يلعبون من ورانا ولايحسبون حساب لها المره اللي اسمها زوجته وام اولاده ويضحك ويسولف وغزل وكلام فاضح مع بنات مالهم حق بهالحجي ومايستحقون يسمعون هالحجي الا هالزوجه المسكينه هي المفروض تسمعه منه مو هالاشكال بس منو يسمع قلب قاسي بعيد عن الله وهو ماكلم الا من رداته وقلة عقله وماكلمته الا نفس حضه وشكله ورديه نفسه ماطاح الا انبطح والطيور على اشكالها تقع
والا بنت الناس التقيه العفيفه ماتحاجي شباب مهما كانت ظروفها وكذلك الشاب بس المتزوج ذنبه اكبر من الغير متزوج جنه قاعد يزني وهو مايدري وكل شي قاعد يتسجل عليه كل صغيره وكبيره وهو مايدري خليه يستانس خليه يمرح بس كل شي راح يطلع عليه وراح يندم قد شعر راسه قال تعالي(ووضع الكتاب فتري المجرمين مشفقين مما فيه ويقولون ياويلنا مال هذا الكتاب لايغادر صغيره ولا كبيره إلا أحصاها ووجدواماعملوا حاضرا"ولايظلم ربك احدا
الله يهديهم بس
وانتي لاتحرين نفسج هو قاعد يخون الله قبل لايخونج وادعيله بالهدايه وان يريه الله الصواب صوابا ويرزقه اتباعه وان يريه الباطل باطلا ويرزقه اجتنابه

 

[ام يوسف16]

الخيانة ابشع شى ربنا يعينك علية

 

[ahzan gulb]

والله الواحد شو يقول

الرياييل دومهم جي انا احس نفسي صرت ما اهتم طنش وعيش حياتك وبس

 

[محرومه من زوجي]

اهم شي حبيبتي,,انتبهي لايكون يعاشر النساء,,,,,,,,
حتى لاينقل اليك الامراض,,

 

[مياري77]

تسلمون خواتي ع المرور الله لايحرمني منكم ان شاء لله

اختي محرومه من زوجها تسلمين ع المرور وانا متأكدة انه مايعاشر حد

من النساء وهو من النوع اللي يخاف على عمره ويكفي انه يسمع عنها

عند الناس..