ساعدوني اعاني من التشققات بكثره :(

[أنوار النرجس]

السلام عليكم ورحمة الله وبركاته

هذا اول موضوع اكتبه ياريت اتساعدوني

اني متزوجه من تقريبا سنه وعمري 20 اعاني من التشققات البيضاء في فخذي ومؤخرتي:8:

واني منحرجه واايد دورت على كريمات عشان بس اتروح التشققات بس مامنه فايده الاني قاعده اضعف وامتن

حتى زوجي انحرج منه وما ألبس قصير او ملابس فاتنه:4: عشان بس ما تضهر الخطوط البيضاء

سااعدوني اعطوني حل
وامبي اي شي ايروحه بس اهم شي يكون مجرب
:frown:

 

[نوتيلا لمار]

هالخطوط لابد منها اذا خلصتي منها اللحين بتجيك إذا حملتي ~ واقع لابد منه
إستخدمي زبدة الكاكو مره يمدحوها وأهم شي الترطيب بعد الحمام وإشربي مويه كثير << حسيت نفسي دكتوره ههههههه
وترى حتى أنا فيه بس ياشيخه طز فيها ألبسي قصير وماعليك الرجال مايدققو بس إنتي لاتنبهييه عليها هههه​

 

[أنوار النرجس]

يسلموو نتويلا

بس انه التشققات للي فيني واضحه واايد واهو سالني عنهم قلت اله هذا كل البنات فيهم واني متضايقه الاني جذبت عليه

بشتري زبدة الكاكو انشاء الله تفييد

 

[لودي الحلوة]

فعلا زي ماقالت الاخت البسي وخليك واثقه من نفسك ترى الرجل يحب المراه اللي واثقه من نفسها حتى لو فيها عيب ماتنحرج منه وهذا اصلا مو عيب كل مخلوقه على وجه الارض لازم يجيها عاجلا ام اجلا انا فيني والبس وزوجي يموت علي وعمره ماعلق عارفه ليه لاني عمري ماحسسته اني متازمه من هالخطوط او التشققات فخليك واثقه من نفسك ولو علق هو قولي له عادي ايش المشكله كل البنات كذا وكل الحريم كذا مو شي غريب
تحياتي

 

[مشتاقتلي]

هلا حبيبتي اولا الإيقافات الي هي سترتشً مارك ماتروح للأسف مسسسسسستحيل تروح بس تقدرين تخفيفينها بكريم مدري واش اسمه
ينباع بالبحرين ب 40ريال يقولون يوخرها600٪ يحاول أجيب اسممممممه
ثانيا فيه جلسات عند أدمه والحبيب اسمها الفركسل فعاله بس مكلفه شوي
ثالثا والاهم ليه ماتلبسين قصير ياحلوه لازم تكوني فيك ثقه بالنفس كلنا ياشيخه فينا تتشققاق الا قبل
اهم شي ترطبينها بزبده شيا أو زيت زيتون علشان مايطلع ثاني ويخفي شوي
البسي واستمتعي قبل لايجي البيبي
لاتنسيني من دعواتك اذا تبين اي شي أنا بالخدمة**

 

[شمعة منطفئة]

هذي الكريمين قريت عنهم في احد المنتديات وحده تقول انهم خففوا لها التشققات مررره



وانا اقول بعد شكلهم حلوين لأنهم يرطبو البشره بشكل خيالي و سعرهم رخيص



إن شاء الله تستفيدي .. تستخدمي كل واحد لحاله بس يومياً,,



زبدة الكاكاو من فازلين بزبدة الكاكاو والشيا ملطف عميق للبشرة العلبة الدائرية



والثاني مجدد البشرة من فازلين ريتينول وبس ​

 

[jojo.just]

عاااااااااااادي والله الرجال مايهمهم اهم شيء نظيفه وريحتك حلووه تمشي معااهم

الله يسعد الجميع

 

[خلآص...!]

عاااااااااااااااااااااااااااااااااااااااااااااادي لاتشيلي هم
حتى لو استخدمتي شي خففها او شالها مردها تطلع ..
هرموناتك طالعه ونازله ... ووزنك طالع ونازل ... حمل وولاده ووو
اغلب البنات وهم عازبات فيهم فمابالك بالمتزوجات
عادي انا فيني حتى بصدري ومترهل بس ماهمني الا صحتي البش واتدلع وادلع جسمي ولبسي
اصلا ماتخطر على بالي افكر في حل > ماحس انها موووشكله ..

 

[nosa6-1]

لا ضايقين حالك ولا شى والبسى وانبسطى ولا تحسسينه انك منحرجة من منها خليك واتقة من نفسك واتعتبري كانه ما عندك حبيبتى هونيها وهى تهون والله يسعدك ولا تخلى شى يعكرلك حياتك

 

[حكاية مساء]

نفس المشكله مااااافي رحت للعيادات الكبيره وقالو مافي


اااخ بس

 

[تمنيتك حبيبي]

انا رحت لدكتورة قالتلي لا تتعبي نفسك بالكريمات كلها دعاااية

قالت المطاط تعرفيه لما تشديه ويتمغط تقدري ترجعيه مره ثاية زي مااكااان ... اكييد لااا

بس مع الوقت بيصير لونهاا مثل لون جلدك وتخف بس مستحيل ترووح نهااائياا

واهم شي تشدي جسمك وهي اتوقع نقص الكولاجين بالبشرة يسبب التشققات



بس بسأل للي جررررررربت انا طلعت فيااا لما حملت ...

لو حملت ثاني بتزززيد والاااا لااا .؟؟


والله شايلة همها تزيييد ..اللي فيني مكفيني ...


وبالنسسسسبة للبس البسي ولا تبيني له انك متضايقة منهااا ترى بينتبه لو مااالبستي



وربي يفرررج همممك

 

[اه يادنيا]

خليكي عادي وجيبي زيت زيتون اصلي وادهني جسمك فتره وشوفي اعرف وحده دايم تدهن جسمها ومافيه ولا تشقق ماشاءالله عندها 7اطفال

 

[فديت انفاسه]

انا فيني بس شوي
دايم ارطبهم وارطب جسمي كله عشان ماتطلع بمكان ثاني وعادي حتى لو شاف
يعني اهو الي جسمه صافي هههههههههههه
اهم شي لاتبينين له ان مضايقتك

 

[مدمنة صبر]

تشققات <زيت زيتون
يالغلا كيف نحفتي ؟

 

[beautiful]

انا زيك بعد وطفشت من هالتشققات اللي طلعت لي من الحمل استخدمت زبدة الكاكاو والحمدلله خفت شوي

لكن انت انسيها البسي قصير وفليها ترا الرجال ما يدور الكمال في المرأة اهم شي النظافة والريحة الحلوة وابدا لا تجيبين سيرتها قدامه ابدا

 

[أنوار النرجس]

شكرا كل وحده ردت عليي
وحزاكم الله الف خير

راح استعمل زبدة الكاكو وزيت الزيتون عسى بس تخف الان واضحه واايد

بنسبه لسؤال الأخت مدمنة صبر
هههه اجيني شهور ما اكل شي واضعف واجيني شهور تنفتح شهيتي واكل
من جذي قاعده اضعف وامتن

 

[مدمنة صبر]

:^^^^

مشكوره والله يثبت وزنك ولا يغير عليك الا بالخير ,,مشكلتي اخفف الاكل بس اذا عصبت لازم اكل:5: انا جسمي حلو بس الكرشه :4:

الحمدالله على كل حال اهم شي الصحه :35:

 

[خوووله]

استخدمي زبدة الشيا ممتازه

 

[ملكة زوجي وبنتي]

اي والله كلنه فينا كذا انا بطني من الحمل وخايفة من الحمل الثاني لاتزيد مااعرف وطيب انا بطني احسها كلها جلد يعني مثل المترهلة بس مو وايد اذا استعملت زبدة الكاكاو تشد وياريت البنات يفيدوكي ويفيدوني ربي يوفق كل من ترد

 

[زحل..]

سمعت عن البيو اويل انه يشيلها تماما بس ولا مرة جربته بصراحة
وكمان سمعت ان في خلطة تشد الجسم الا وهي العفص مع زيت الزيتون مع زيت الخروع ساعتين يوميا
وكمان قريت ان ليفة خشنه وزيت زيتون تحكينها بشويش تحمر الخطوط وتروح بس ترا انا ماجربت ولا وحدة فيهم يعني اسالي وابحثي بقوقل وشوفي
والله يحليك بعين زوجك يارب