ساعدوني ارجوكم انا في حيرة شديدة!!!

[طوق الياسمين]

السلام عليكم
انا متزوجة من عشر سنين وعندي اربع اطفال
المشكلة الي مسببتلي هذه الحيرة والضيق اني اكتشفت انه زوجي وبعد هاذي
العشرة يكلم وحدة بالتلفون وبعد ما نبشت بتلفونه اتضحلي انها الي تشتغل بالكوفي مغربية اتوقع او تونسية
مكالماتهم كلها بالليل وحتى الصباح مرات
انا بخبركم شو سويت وشوروا علي
والله اسودت الدنيا بعيني لما اكتشفت هالشي وضاق خلقي واااااايد
وكرهته ولا قدرت احط عيني بعينه
لما عرفت من المسجات خليت خليتهم مفتوحين بحيث انه لما التلفون يشوفهم على طول ويعرف اني كشفته وبينت وايد اني زعلانة ومتكدرة من روحاته للكوفي الي زادت بشكل يومي طبعا ما عبرني وراح الكوفي عادي
بالليل مسكت تلفونه لقيته حاط رقم سري قلت له يمكن صدفة قالي شو هي قلت له قريت اليوم فالجريدة انه من علامات الرجل الخائن انه يحط رقم سري لتلفونه ما رد علي طبعا وصار بينا كلام عالعيال وغيابه عن البيت وبعده عننا تطور الحديث لجدال وفي النهاية يقولي انتي حبيبتي وهذا الكلام
ترى زوجي دوامه شفتات يعني يداوم اسبوع ويطلع اسبوع اجازة وطبعا ماخذ راحته معاها وهو في الدوام
الحين انا ماعرف كيف اتصرف ؟؟؟
مرات افكر اتصل على الساقطة الي يكلمها ومرات اقول لا ، بكبر الموضوع
بس قلبي محرووووق وبموت من الضيق!!!
مااعرف والله محتارة!!!
وحاسة اني ضايعة !!!
خايفة من نفسي لاتهور واصارحه باني اعرف كل شي واخرب حياتي بايدي!!!
ما اعرف شو اسوي؟؟؟!!
ساعدوني ارجوكم
**

 

[المتامله]

انصحك اتى لا تتسرعيين ربما نزوه وتنتهى تابعى زوجك ولكن بذكاء لا تشعريه بمراقبتك له بالعكسوريه انك واثقه فيه ودايم قول عنه انته انسان مخلص لا تنزعى صورته امامك فيجاهر بمعرفته لها وقومى بنصحه بان اى بنت او اى امراه تتعرف على اى رجل هذى انسان لا يثق فيها الانسان لانها كما كلمت اول مره يمكن تكلم بعدها عشره اوانها تعرف اكثر من واحد بنفس الوقت وعفاك الله

 

[ليمونة فوشية]

لاحول ولاقوة الا بالله ..
عليك بالدعاء ربك قادر على كل شي ..
الله يفرج همك ويسخر لك زوجك ويبعد عنه بنات الحرراااااام

 

[بيبـــي]

لا تصراحيــــــــــــه ابداً بيصير شيء عادي عنده
وانتي حاولي تغيري اسلوبه الله يهديه
وعليك بالدعاء والإستغفار~

 

[طوق الياسمين]

والله قلبي محروووق !!!!
لو حد قالي ما بصدق ابدا!!!
بس كل شي شفته بعيني!!!
هاي اول مرة يسويها وبجرأة بعد
طيب لو انا صارحته بس بهدوء عشان ما يقول عرفت وسكتت
بكلمه بوضوح وصراحة
اريد اعرف السبب !!
ليش ؟؟؟!!!
والله خلقي ضايق وكارهة حياتي!!! والدنيا كلها

 

[بنت مكه 1100]

ادخل على قصة الاستاذه بدريه بقسم القصص والحكايات راح تفيدك ان شاء الله

 

[طوق الياسمين]

بنات انا واجهت زوجي!!!
ما قدرت اتحمل !!!
كنت وايد مقهووووورة!!
استجمعت قوتي وانتهزت اول فرصة وقلت له!!!
فالبداية أنكر انه ما مسوي شي!!
بس ولاول مرة بحياتي اقول هالكلمة ((دخلنا بالمعروف نطلع بالمعروف انا مش مجبورة اعيش معاك!!!))
هو سمعها وشكله تغير وتلون واستغرب!!!
وكأنه اكتشف انه الي سواه شي كبير
كان شايفه امر عابر مثل ما بررلي موقفه ، وقالي جسمي حقج انتي بس ، تأكدي ان الوحيدة الي
تلمس جسدي هي انتي ،
وتم يقولي انتي زوجتي وحبيبتي
انا انهرت تماماوانا اكلمه ، قلت له انت اهنتني ولا قدرتني ولا قدرت اي شي بيني وبينك
انهرت وصحت
وبعد هذا كله يقولي انتي صدمتيني قلت له ليش قال لانه انتي ما عرفتيني كل هاي السنين وما تثقين فيني ، هذا كان شي عابر وبياخذ وقته ويروح

قلت له ما سويت شي ولا كبرت الموضوع وردة فعلي عادية ،
بعد النقاش والكلام
حسيت بشي مش مريحني من هذا الموضوع
ما ادري ليش؟؟؟
نبشت فتلفونه عشان اتأكد منه ، هل قطع علاقته ولا بعده
ما لقيت اسمها لان هو مسجل رقمها باسمها (( على عينك يا تاجر)))!!!
بس انا كنت مخزنة رقمها عندي
دورت في الاسامي الي عنده فالمكالمات الواردة والصادرة ولقيته مسجل رقمها باسم واحد!!!
انا صعقت والله
ولا عارفة شو اسوي!!!!
واليوم داقه عليه العصر
وهو طلع العصر يتحلق!!
مع انه قالي بسير عند واحد
وتفاجأت انه رايح يتحلق!!!!
ما اعرف شو اسوي!!!
حاسه اني تسرعت يوم قلت له!!!
بس خفت يقول اني عارفة وساكتة يعني راضية!!!

شوروا علي ارجوكم!!!
انا محتارة !!!
وحاسة اني فقدت القدرة عالتفكير!!!

 

[طوق الياسمين]

ليش ما رديتوا علي!!!
مااعرف شو اسوي؟؟؟
وكيف اتصرف!!!
والله ظايقة بي الدنيا!!!
انا غلطت يوم واجهته
بس كان لابد من ذلك
لانه بيقول ساكته وعارفه بلي اسويه
يعني مب زعلانة وراضية وعاجبها
بنات نصحوني شسوي؟؟؟
فكرت اتصل عليها اهددها تبعد عن ريلي
لانه هي الي تلاحقه !!!
وهو على قولته يقول انا ما ارد حد ولا اقول لا لحد
وهي الي طلبت تكلمني
بنات بتريا ردودكم
لانه ما لي غيركم اشكيله!!!

 

[اماراتية دلع]

خدي رقم تلفونها و عطيه لحد من اخوانك خليه يشبك وياها و يضحك عليها
هذا حل مبدئي
و خليه يبين لها انه عنده فلوس و يريد يتزوج اجنبية و يعيشها فالاحلام

 

[اماراتية دلع]

و وزعيه على قد شباب العيلة بعد لو انا منج بفضحها و هو حسابه بعدين
اهم شي الحين يفترقو

 

[طوق الياسمين]

مشكورة عزيزتي دلوعه على ردج
اخواني معرسين والي مو معرس ما صدقنا الله هداه يبا العرس
بس مش صعبة
انا فكرت اواجهها بنفسي واهددها
بس خفت تكبر السالفة ويستوي من الحبة قبة!!!
الحمدالله على كل حال
قلت له انا باقية على عشرتي معاك
وهو رد بنفس الكلمة
بس الكلام شي والافعال شي ثاني

 

[الزايدية1]

عليك بالدعاء وبعدين حصني زوجك ونفسك وعيالك كل يوم لاني اخاف عليكم من السحر وبعدين غيري في حياتك في نفسك حاولي تسوين شي يشغلكم مع بعض سفر شي وبعدين تكلمي عن وحده انها تشوف البنات اللي يشتغلون في المطاعم في الغالب يسوون علاقات مع الزباين الدلوخ عشان يستغلونهم ماديا والدلخ اللي يخاويها مايدري ان معظم الزباين مطيحين مع خويته الله يوفقك ويعينك

 

[طوق الياسمين]

عزيزتي بنت مكة
القصة وايد حلوة وفادتني الى حد ما
لانه زوج بدرية شخصيته مو نفس شخصية ريلي

مشكووورة عزيزتي

 

[طوق الياسمين]

عزيزتي بيبي
انا صارحته وهاي الغلطة الكبيرة الي سويتها
حولت اتناسك وافكر بشي ثاني غير المواجهة لكنه كان يتمادى
ويزيد
وبعد المواجهة. لقيته بيكمل عادي بس بيتحايل علي

 

[المحبة لربي الله]

لازم هي الي تحسسينها بقوتج
لازم اتهددين وجودها في البلاد وهالنوع من الناس جباااااااااااان
انا ربيعتي مثلج ريلها متعرف ع وحدة في الكوفي وايواعدها بس الفرق انها فلبن
وسارت اربيعتي عند صاحب الكوفي وخبرته السالفه وانها اتخرب بيتها وتلعب ع الزباين وشرشحها صاحب الكوفي وادبها وقالها بفنشج
وربيعتي ماسدها طرشت مسجات تهديد ع تلفونها بالانجليزي والحرمة زقت العافية واصطلبت ها كله من غير ماتواجهه ريلها

 

[طوق الياسمين]

عندي شكوك في اشياء وايد
بتأكد من كل شي
وببدأ بشن الهجوم

عزيزتي المحبة لربي
مشكورة على ردج
الي وضح لي نقاط وايد غابت عني

مشكوورات كلكن
ربي ما يحرمني منكن يا احلى بلقيسيات