ساعدوني اذا عندكم معرفه بلييييييييييييز

[حور الشوق]

هلا وغلا يا حبيباتي البلقيسات
أنا عندي صديقتي الروح بالروح تعاني من مشكلة في المنطقة الحساسة وهي الحكة الشديدة في بعض الأحيان و يوم نصحتها تروح لدكتورة قالت أخاف و ما أقدر :33:
فقلتلها خلاص بطرح مشكلتك على المنتدى و ان شاء الله الاخوات ما بقصرون معاش
مع العلم انها بني غير مزوجه وعمرها 22

 

[ليليــــــــــا]

هلا حبيبتي ماحبيت اخرج من دون ما ارد
اول شي خبري صديقتج اذا كانت تستخدم الموس لازالة الشعر من المنطقة الحساسة تتركه حتى الكريمات المزيلة كلها موب حلوة اوك
وتستخدم غسول سيباميد الطبي تلاقيه باي صيدلية وايد حلو او اي غسول طبي تسال الصيدلي اذا مو عارفه ومحتارة
اذا ظلت المشكلة موجودة تراجع دكتورة مختصة افضل لها
ويارب يفيدها

 

[حور الشوق]

مشكوره فديتج على ردج

 

[حور الشوق]

وشو تستخدم لإزالة الشعر في المنطقة
لا تقولين الحلاوه لانها في نظري خطيره

 

[*همسة*]

عزيزتي

المنطقة الحساسة تحتاج لنظافة مستمرة

يعني تكون جافة تماما

مو مشكلة تستخدم الموس بس يكون استعمال لمرة واحدة فقط

ثانيا بكل مرة تروح لحمام لازم تجفف المنطقة بالمناديل الورقية

وتحاول انها ماتلبس ملابس داخلية باستمرار

اقصد انها تترك المنطقة تتهوي بين فترة وفترة باليوم

وتغير ملابسها الداخلية بعض الحريم تقعد بلبسها طوال اليوم وهذا غلط

اخير تتنقع بموية وملح مرة باللاسبوع

وتاخذ قطنة تغمسها بزيت لوز مرة وتمسح فية المنقطة بعد الحف

واذا ماخفت الحكة بعد هذا كلة في هذي الحالة لازم تروح للدكتورة لانها ممكن تعاني مستقبلا من الالتهابات

والله الموفق

 

[am zayed]

حبيبتي هذه بكتيريا
ومثل ماقالت الاخت المووس تشل مره بالاسبوع وتقعد على ماي وملح ثلاث مرات بالاسبوع
وفي الصيدليه يكون فيه معقم مثل الغسول للمناطق الحساسه تستخدمه
ويمكن هي دخلت حمام في مكان وقعدت في هالحاله تنتقل لها البكتيريا تنتبه

 

[حور الشوق]

أشكركم حبيباتي أكيد هذي النصايح بتفرح صديقتي
والله يفرج عليكم