اختي الغاليه ...
افيقي من الغفله الي انتي فيها واعزمي التغير , لان التغير يبدأ من نفسك وقرري من هاذي اللحظه انك تتغيري لان مهما اعطوكي الاخوات من نصايح ماراح يتغير اي شي اذا انتي مابذلتي اي جهد من اصلاح نفسك وحياتك ,,,
اهتمي بنفسك ووبيتك وقبل كل هذا زوجك قبل لا تجيكي صفعه تفوقكي من الي انتي فيه لا سمح الله , الرجال دامه وضح لكي انه متضايق فتأكدي انه فعلا مضايق , وممكن لا سمح الله يخلي من هالشي عذر عشان يبرر لنفسه الخطأ , ويغلط , وانتي تكوني السبب , ياما حريم كانوا احسن شي في كل شي وازواجهم دوروا عليهم غلطه وحده عشان يغلطون ويبرررون لهم غلطهم , فكيف انتي الي تقدمين لزوجك ع طبق من ذهب اغلاط كثيره تفتح له المجال لا سمح الله ,,,
ممكن يكون كلامي قاسي وقوي , لكن والله لمصلحتك ,,,
لا تقولين بسوي وبسوي وبنظف وبشيل وبحط , اول ماتجيكي الفكره قومي بلحظتها سويها وسبحان الله بتلاقين نفسك خلصتيها , دامك لا موظفه ولا تدرسي ولا في اطفال ولا في مسؤوليه معناته ان وقتك كبير وفاضي اشغليه بشغل البيت او بشغلك بنفسك , ما اقول اعطي التنظيف 100 بـــ100 من وقتك بس عندك وقت كبير تشغلينه بامور ثانيه ,,,
راح اساعدك بافكار ممكن تغير حياتك , زي ماوضحتي ان زوجك يشتغل يوم 12 ساعه وبعدها يومين بالبيت ....
اليوم هذا الي مايكون موجود استغليه بكل مافيه ....
مثلا :
صحيتي الصباح ومالك خلق تسوين له فطور وهالكلام اقلها ساندوتش جبن وغلفيه وحطيه بكيس مع عصير وحطيه له عند الباب , ماتعرفين تقولين كلام رومنسي : اشتري الكروت الصغيره درزن بالجمله ما يكلفك 7 ريال او 10 ريال وكل صباح حطيله كرت اكتبي فيه بشتاقلك اليوم , او بتوحشني وانت بعيد عني , او احبك , كل يوم جددي بعباراتك حتى مايمل ....
بعد مايروح الدوام , وتصحين امسكي غرفه غرفه بالبيت او ل شي واهم شي غرفه النوم رتبيها رتبي السرير والي ع التسريحه ومسحيها ع الاقل يكون الشكل الظاهري للغرفه مرتب , روحي لغرفه الجلوس غرفه قعدتكم رتبيها خليها مرتبه , روحي للمطبخ غسلي المواعين رتبيه ع الاقل اذا مانظفتي تنظيف دقيق يكون ترتيب وشكل البيت مرتب بعد هذا كله ارتاحي ع الاقل ساعه , خذي دوش وابتدي جهزي نفسك لزوجك , طلعي لنفسك ملابسك كانك رايحه لناس وحطيتهم ع السرير والبسي بجامه مريحه استشوري شعرك دهني جسمك بالكريمات اجلسي ع النت ساعه او ساعتين بالكثير حددي لنفسك وقت وحطي لنفسك قاعده اذا زوجي بالبيت اخلي النت واخلي الجوال واقعد معاه حتى لو انشغل جواله لا تنشغلين عنه باي شي , بعد كذا ياتريحين قبل لا يجي تاخذين لكي غفوة او تقومي تتجهزي ميك اب وتلبسي الملابس الي جهزتيها وقبل لا يجي البيت بنص ساعه بخري البيت او حطي فواحه لان هو اذا شاف البيت مرتب وشم الريحه ما بيدقق اذا كنتي منظفه بدقه او بدون دقه ,,,,
من ناحية الطبخ عشان تسهلي لنفسك سوي زي الموظفات فرزي كل شي قطعيه وفرزيه بالفريزر عشان يسهل عليكي الوقت وماياخذ منك شي ....
بعد مايرجع زوججك اول مايفتح الباب روحي له واحظنيه وبوسيه حسسسيه بشوقكك لا تقولين استحي لكي سنتين معاه خلي الحيا ع جنب , بعد ما يتغدا او يرتاح جهزي كاسيين عصير او كوبين كافي او شاهي الي يرغبه هو وترغبينه مع شيبس او شاكلت او مكسرات حسب ماتحبون وحطيهم بصيينيه واجلسي معاه مشاركتك معاه تحسسه بالدفء ,,
الرجل يحتاج الحب والدفء والسكينه والحنان ببيته عشان يرغب انه يحجلس فيه يحب الزوجه الي تهتم فيه باعتدال وتراعي وجوده , الرجل مثل الطفل يحب انه يشعر بقيمته عند زوجته او الانسان الي يحبه , عزيزتي انتبهي لبيتك وزوجك وتعوذي من الشيطان واستعيني بالله وابتدي التغير , عشان ما يجي اليوم الي تندمين انك تكاسلتي لاسمح الله وتكونين وقتها خسرتي كل شي ,,
اسال الله انه يعينك ويساعدك ويوفقك يارب ....
