ساعدوني أما منهارة

[راية]

السلام عليكم

قبل اسبوع توفت أم زوجي وانشغل زوجي بالمستشفى ليخلص معاملات الدفن ولأول مرة ينسى هاتفة النقال بالبيت ... وسوس لي الشيطان بأن أفتح على رسائله و أقرأ ما يوجد بها .. وياليتني لم أفعل

مسج هذا نصها : هلا قيج يا قلبي
زين فضيتي
أقدر أتصل الحين


بالله عليكم الرسالة تشرح نفسها من غير مساعدة
زوج خائن وما يستاهل العشرة وللعلم متزوجين من ثلاث سنوات فقط !!!
أخذت رقم هاتف العشيقة ومحتارة ماذا أفعل
لا أستطيع أن أفضحه فبالنهاية هو زوجي ولا أرضى لها البهدله

أنا منهارة للغاية ... ولم أبين له بأني علمت بالموضوع
تعبت من الإستغباء أمامه ... ودي أصرخ بوجهه يا خااااااااين الله ينتقم لي منك


ساعدوني وادعولي
ياربي ياربي دعوتك ورجوتك تفرج همي

 

[أحبه و يحبني]

جرحي من جرحك
ما لي شهرين من يوم ما عرف وواجهته مباشرة الان نفسيتي ونفسيتو سيئة للغاية وطول الوقت هارب عند امو اغلب الوقت

الله يا رب يطلع كلامك خطأ ويرد لك ويرد لي ثقتي بزوجي ولا يذوقك الحالة الي أنا فيها

بس اقولك خلي ثقتيك بنفسك كبيرة وبالله قبل كل شيء ولا توصلي للإنهيار مثلي

انا الشئ الوحيد الي خلاني اتماسك الامل في الله كبير ..بس ثقتي بنفسي انعدمت......................................


ما عندي حلول لكن حبيت اواسيكي

 

[nadoonah]

شوفي حبيبتي الله يفرجلك لا تواجهينه في ذي الفتره وراقبيه عدل وابدي غيري في نفسك اشياء كثيرة ما تعودها منك وحاولي تخلينه دايم يطلع معاك ويرجع للبيت بدري وتفنني في ذاك الموضوع والله يعينك وتذكري انه لك مو لها

 

[daydream]

الله يفرج همك ويرده لك اشاء الله ..ويبعد عنكم كل شر

 

[nonoura]

تاكدى من الرقم ليكون رقم اخته او خالته اوعمته لاتستعجلى بالحكم قبل التاكد

 

[الساعة اللماعة]

ما قول الا الله يعينا يا الحريم ع ذولي الخونه اللهم فرج همي وهم كل مهمومه ييييييييييييييييييييييييييارب

 

[الانامل الحائرة]

الله يعينك يا اختي .. وعسى ربي يفرج همك ..في البداية الجي الى الله الواحد الاحد ان يفرج همك وعليك بالدعاء وكثرة الاستغفار ... بعدها انا من رايي انج تعطين رقم هالحقيرة لاخوانج او اي احد من اهلج الرجاجيل خله يشرشحها .. ويبهدلونها لانها بنت شووووارع ..

وانتي عليك ان تسحبيه نحوك بهدوووء ..تقربي من زوجك هذه الفترة ... لا تحاسبينه على خروجة كثيرا ...راقبية بدون ما يحس واذا صار موجود عندك دلليه ..الى ان تعرفي هوناوي على ايش !!!!

وربي يكون في عونك

 

[راية]

مشكورات حبايبي على الردود إلي تبرد القلب

صارحته ..
نعم صارحته بطريقة غير مباشرة وما قلت له إني شفت مسج لهذا الرقم بجهازك بل قلت بأن قلبي ما ارتاح لهذا الرقم الغير مخزن مع الأسماء بجهازك واتصلت عليه وكانت إمرأة


توقعو ايش قالي ..............






























قال والله العظيم وبتوفيقي إني ما أعرفها !!!

صدق إنه طاح من عيني لأنه حلف كذب .... بس قلت يمكن شاف السالفة صارت صج وخاف يهدم بيته بنفسه























أسامحه يا بنات أو أكمل زعلي وأروح بيت أهلي








ساعدوني أنا ماقدر أصارح أهلي بالموضوع ما أبي أفضحه بالنهاية هو زوجي ابو عيالي

 

[عنقود عنب]

راية .... وش تبغينه يقول لك يا عزيزتي ؟؟؟؟

تبغينه يعترف ؟؟؟ مستحيل

انت مالك الا انك تصدقينه

اختي ...زوجك في ظرف صعب ...قفي جنبه و حسسيه بحنيتك ..ادري صعب

لكن احتمال كبير يندم انه سوى علاقة مع غيرك ..خاصة اذا شافك واقفة جنبه

وبعدين ما اسهل عليكت تتركون بيوتكم ...اختي نصيحة مهما حصل بينك وبين زوجك ...

انت لا تتركين البيت ...اذا ولا بد ...اطلبي منه انه هو اللي يترك البيت كم يوم الى ان تهدأ اعصابك

لكن اختي مو في هذا الظرف ...هو يمر في وقت عصيب بوفاه امه

اصبري عليه ...ولا تفتشي كثير وراه ..ما راح ينوبك الى وجع القلب

دام الرجال ما تغير عليك ...ولا شفتي عليه اي شي مريب ...فمالك الا ان تسامحي و تغفري

وربي يسعدكم

 

[حكمة الصمت]

الله يعينك ياقلبي ويصبرك بس اذا تبين نصيحتي لاتواجهينا ابد ودلليه بزياده حاولي تضقطين على نفسك بس بين فتره والثانيه عطيه تلميحات عن الازواج الخونه وشنو موقفك ونضرتك لمثل هالازواج تلميحات بسيطه من بعيد لبعيد

 

[اسرار الحب]

ماازيد على كلام عنقود عنب شي ،،،

ماشاء الله كفت ووفت ،،،

 

[راية]

الله يسعدكم والله بكلامكم تخلون أكبر المصايب تهون
أنا لي الحين ما رحت لأهلي جالسه عنده بس والله يابنات غصبن علي ما أقدر أحط عيني بعينه .. مادري ليش يمكن لأنه كذاب وحلف كذب
يحاول باستمرار يلطف الجو وأنا ثقيله عليه حيل مو زي أول .. أبي يتعلم بأن إلي صار مو شوي ومو بالسهوله أمرر السالفة عمياني

الله يفرج همي وهم كل وحدة انصدمت بزوجها الوفي الحنون الطيب !!

 

[بسمة الأمل]

اختي أنا أؤيد ما أوصتك به الأخت ( عنقود عنب ) بأنه مهما حصل بين الأزواج فعلى الزوجة ألا تترك بيتها ، فكثيرا ما سمعنا عن زوجات تركن بيوتهن فكانت النتيجة أنه وجد مبررا قويا ليحضر أخرى تحل محلها ... عليك أن تصبري و تلجأي إلى الله بالدعاء بأن يرده لك و تحاولي أن تهتمي به قدر الإمكان

 

[تصبيره]

حبيبتي برد عليج بهالابيات
منك نتعلم لعبة الصد ونصد
ما دام قلبك والليالي علينا
منك نتعلم ما نحفظ الود وتشوف منا ما تسويه فينا
والحين لازم تاخذ المساله جد
علمتنا نقسى وبتشوفنا قسينا
تخويف وتحذير للزوج فقط وبتخليه يفكر مرات قبل ما يفعلها مره ثانيه

 

[أحلى فراشه]

انا بقولك رايي

انا مع البنات اعتني بنفسك وغيري من اسلوبك لبسك صيري واثقه من نفسك جنبه

وسوي اللي عمرك ماسويتيه

وخلك واقفه معه في هالوقت الصعب لانك اذا نكدتي عليه خاصه بهالوقت راح يدور اللي بالشارع وبيكلمها وبيفضفض

لها

خليكي ذكيه ولاتسلمينها زوجك بايدك ومثل ماقالو البنات لمحي له من بعيد لبعيد رايك بالخيانه واللي يخون زوجته وانتي

تضحكين وبكل هدووء ومن بعيد لبعيد

حاولي تضغطين على نفسك لانك لو تركتيع بهالوقت انتي اللي خسرانه وهي الربحانه

لمن تلقين الوقت المناسب

اتمنى اني افدتك

وانشالله البنات يفيدونك

دعــــــــــــــواتي لكي..

 

[المميزة جدا]

يامسهل الكلام انا احاول واحاول تلقيني ساعه اقدر و10 لا بس بقلبي سؤاااال ليش ؟

اللي مجربه الخيانه وهي مسويت له كل شي ماعتقد تقدر اتمشي مهما حاولت واضغطت مردها تنهار

 

[راية]

خواتي ترى والله الكلام سهل ..
والله مافي زوجة تحب زوجها تقدر تقسي على قلبها وتمرر السالفة بهدوء
أنا أبغى أقرصه شوي على إلي سواه فيني .. بس أكيد راح أرجع مثل أول .. هي مسألة وقت لأني أعاني من صدمة نفسية كبيرة الحين ما أقدر أمثل عليه بأني مبسوطة


أما إلي تقولي غيري بنفسك .. والله إني حريصة على هالمواضيع وأهتم فيها لكن السالفة مو اهتمام كثر ماهي حظ !!

 

[دلع وكلي ولع]

غاليتي رايه:icon26:نصيحتي لك انك ماتفتحين معه الموضوع بهالوقت لانه يمر بظروف وفاه امه الله يرحمها ونفسيته تعبانه اوقفي معه وراعيه بيشيل لك الوقفه معه ويحتقر نفسه انه فكر بغيرك ثانيا اذا انتي قسيتي عليه وعاتبتيه تأكدي ان اللي متعرف عليها بتستغل الموقف وبتراعيه بزياده وبيلقى منها الحنان ومنك القسوه وبتمسك فيها اكثر فاكسبيه قبلها واذا هدت الامور ناقشيه بعقل وخوذي موقف جدا حازم:icon28: ولاتتنازلين عشان مايكررها فرج الله همي وهمك وسخر لك زوجك تقبلي مروري:cupidarrow:

 

[راية]

مشكورةاختي دلع ..
الله يجيب إلي فيه خير انشالله ويحط كيد العاهرة بنحرها ..
لا تنسوني بالدعاء

 

[طرايف]

لا تواجهينه نصيحه مني لانه بينكر وانتي بطيحيين معاه في دوامه السين والجيم وهو بيطلع وبيخليج وفي اللحظه هاي بيلجا للصدر الحنون الحبيبه وبتراويه انه هي الكفو واهي اللي تقدره ليش تحطين نفسج في المكان هذا حبي نفسج لا تتهتمي خلاص خله يولي يخونج ولا غيره اكتمي الغيره شو بتسوين بعد قولي انتي راقبي نفسج وقولي وتكلمي ليش هو خانج كلمي نفسج وشوفي بعدين قيسي الشي هذا وعن الفضيحه لا تفضحينها ما تعرفين هي زوجج شو قايلها انه منفصل مب متزوج ولا ماتعرف ولا ماتعرفين وحرام من ستر على مسلم ستر الله عليه دنيه واخره لا تفضحينه ما تستاهل لكن هي مالها ذنب هب ما ماتلحقه منوه الغلطان منو اللي يعطيها ويه منو اللي ما يوقفها عنده حدها زوجج يعني الغلط من زوجج هي حالها حال اي بنت ضايعه تبا حنان وزوج بس اذا فضحتيها وخبرتي اهلج ورديتي ريلج في عصمت البيت وخليتيه فتره وياكم ومسوي حاله عادي عنده مفارقنها لكن في داخله بيكرهج اكثر واكثر لانج تسببتي بفضيحته قدام اهلج واهله والبنت فارقته ولا بترجع له انتي السبب الريايل ضعاف النفوس انتي عندج بيتج واعيالج اهتمي فيهم وفي بيتج ونفسج استوي كل يوم حلوه زيدي من حلاتج صغري نفسج من مكياج وعطور ولبس وكشخه لا تهمتين له اقلعيه عيشي فترت جرحج مع هلج سيري لهي نفسك شويه اكيد هو بياخذ راحته لكن لين متى او انك تواجهينه وتخيرينه بس بالاول كلمي البنت انصحج وبعديها عن دربكم