ساعدونيدخيلكم بسرعة

[سفيره بجمالها]

السلام عليكم ورحمة اللة وبركاتة انا اليوم صارت معاي مشكلة مع زوجي كان يتكلم معاي اليوم بسخرية هو واخوانة الصغار يسولفون مع بعضعن الاشهر الهجرية بعدين قال زوجي اقص يدي لو انج حافضهم ويتمصخرون علي واخوة الصغير يرمي الكتاب بويهيويقول هاج غشي والثاني يقول سمعي وانا مندهشة وساكتة منصدمة فيهم واولهم زوجي واسلوبة القذرفي هذا الكلام بعدين عصبت وبكيت وقلت لهم وين احنا عايشين الناقص انكم تقولوا لي كافرة اذا انتو ما تعرفون عن دينكم شي لا تتمصخرون بعدين رحت غرفتي ياني زوجي الكريم وقال شنو هذا انا مو اصغر عيالج تكلمني قدام اخواني جذياحنا كنا نمزح وياج قلت في شو تمزح في امور دينك واقولها بعصبيةقلت اذا انت ماتحفظ شي هذا راجع لك بس لا تتكلم علي وانت ماتعرف شي وتقول قدام احوانك اقص يدي اذا حافضة شي وتقلل من قيمتي قدامهم بعدينطلع هو براوانا قعدت ابكي مااعرف شسوي جرحوني بكلامهم شسوي مع زوجي لمايرد البيت اكلمة ولا اطنشة دخيلكم افيدوني

 

[روعة روح]

اختي ازعلي بس بهدوء كلميه بجديه اكثر
واذا جاء يراضيك اطلبي يعتذربس اطلبيه بكل دلع ودمعتين

 

[الصبوره]

مواقف مثل هذه عزيزتي تحصل كثير وحصلت معاي كثير وكانت ردة فعلي مثلك فهو أكيد غلطان بس إذا تبغين تسمعين كلام أختك الصبوره أقول لك إذا صار موقف مثل هذا اعترفي بكل ثقة بأنك مب حافظة إذا فعلا مب حافظة وقولي أيضا ا"لصراحة نبهتني لشئ مهم وهو إني لازم أكون حافظة هذه الأشهر وبحفظها إن شاء الله". ثم بعد ذلك إذا كنتم لوحدكم في الغرفة أخبريه أن طريقته وأسلوبه وأسلوب إخوانه ما عجبك بس إنت احتراما له ما بينت زعلك وضيقك . صدقيني حبيبتي بيعتذر وما بيكررها لأن أسلوبك راقي في التعامل وكنت حاسمة معاه ولكن بذوق .

لما يرجع كوني عادية وكأن شيئا لم يكن وإذا فتح الموضوع قوليله إن إنت تعترفين إن ردة فعلك كانت مبالغة قليلا ولكنك لم تعرفي ماذا تقولين أو ماذا تفعلين وأنك ستتبعين أسلوبا أفضل في التعامل في المواقف المختلفة على أن لا يكرر فعله لأنه يجرحك.

 

[فستان أحمر]

أختي سفيرة بجمالها أذا رد ريلك للبيت كلامية ولكن بشدة حسسية أنك زعلانة :sadwalk:....وقبل ذلك كثري من لاحول ولاقوة الابالله والاستغفار فلهما الاثر العظيم في تفريج الهم ......ودمتم .:blow::blow:

 

[ريانية]

اهلين اختي...
بالنسبة لموضوعج...يتكرر شكثر وخصوص ان الجنس الثاني ما في عندهم شي اسمة مجاملات؟ومهم دايم ثقيل قدام الناس؟ويحبون يضحكون على اللي جدامهم؟عبالهم ان احنا من الربع؟شوفي انا اشوف انج تصارحينة بوقت يكون فية رايق؟وخلج طبيعية عادي؟وحاولي اذا دخل عليج تبينين لة انج منشغلة بشي؟لاتبينين لة انج قعدتي بحسرتج وهمج؟وبعدين على رواقة قولي لة؟وقولي لة بليز موقف اليوم ما عجبني ترى؟واذا حبيت تصحك معاي اضحك معاي بالغرفة مش تنقص من قدري واحترامي قدام ااي شخص؟وما يحتاج الموضوع فية زعلة؟
ونصيحة مني اي شي اقلبة ضحك؟عشان تمشي السفينة؟لان انا كنت في بداية زوجي كنت مثلج بعدين تغيرت؟ومحد يستاهل اضيق نفسي عشانة؟وكلامي طالع من قلبي انشاء اللة وصلج