سااااااااااااااااااااعدوني

[لجين عمر]

السلام عليكم ورحمه الله
حبيت احكيلكم حكايتي واتمنى الاقي من يفهمني وطبعا لاتحرموني من دعواتكم
انا الاخت الوسطه من 5 فتيات اختي الكبيره مطلقه بسبب خلافات متعدده من قبل زوجها
المهم انا ملكت من قبل 3 شهور تقريبا في البدايه عمت الفرحه البيت وكان الكل مبسوط
بس بعد فتره اهلي قلبو عليا ليش ما اعرف واللهي اني عمري ما اتكلمت عليهم كلام سيء صرت احس انهم يكرهو اهلي زوجي وزوجي من قبل ما يتعرفو عليهم (انا من قبيله وزوجي من قبيله اخرى)المهم انا ما كان عندي مانع اني ارتبط في والحمد لله خطيبي ابن ناس ومحترم الحمد لله
الي قاهرني في الموضوع اهلي مع انهم والله عمرهم ما سالوني كيف خطيبك بيتعامل معاكي هل هوا كويس ام سيء)
بس مررررررررره احسهم يكرهو زوجي واهله لدرجه ان اختي الكبيره المطلقه تطلب مني اني اتصل عليه واطلب منه فلوس اضافيه غير مصروفي الاساسي عشان اشتري غرض تااااااااااااااافه جدا طبعا انا مانعت وبشده
لانه الحمدلله ماهو مقص معايا معاملت اهلي معايا في البيت اختلفت جدا جدا مع اني والله ما سويت لهم شي كرهت اهلي بمعنى الكلمه لدرجه اني قلت اذا اتزوجت ان شاء الله على خير ما راح اكلمهم ولا راح اخليهم يشوفوني كثير والله يعوضني في زوجي خير يا رب
بس انا مستغربه ليش بيتصرفو معايا كدا ليش احيان احس غيره لان اخواتي الي اصغر مني وفي 2 اكبر مني غير متزوجات احس غيرانين مني بس نفسيتي تعبانه والله تعبت لدرجه ان معدتي صارت تعورني وخايفه انه يجيني مرض مو كويس لاقدر الله
اتمنى منكم النصيحه وجزاكم الله خير

 

[hghldvm]

الله يعينك ويفرج عليك اقري اذكارك وقرانك وتحصنى وماعليك من احد والله مارح يضرك شي وانت شوفي وش الاسباب تاي خلتهم يحقدوعليك واو انك انت حساسة حبتين الله يفرج همك دعواتك بشفاء بنتى والله يسعدك دنيا واخرةا

 

[perfume]

حبيبتي اذا ريال زين وماعليه خرابيط شباب هالأيام توكلي على الله وخذيه
والله يهدي أهلج يارب
كلنا عانينا من رفض أهالينا لأزواجنا
صح انه الزواج قسمة ونصيب بس أنا أحس انه الأهل يلعبون دور كبير في نصيب البنت....
الله الموفق

 

[انثى تعشق رجل]

هل انت تقصدي باهلك امك وابوك

ام اخواتك

اذا تقصدي امك وابوك فامرهم هين لان الاهل همهم الكبير سعادة بنتهم
انت اذكري محاسن زوجك امامهم
وصلي سلامه لهم ناقشيهم وضحي لهم وجة نظر اسأليهم شوفي اسبابهم
واقنعيهم
اما بالنسبة لاخواتك فالغيرة واردة بين الاخوات خاصة لو كنتو جميعا بعمر زواج
لكن اعلمي ان غيرة اخواتك لا تعني كرههم لك
لكن الانسان عند الغيرة يتصرف بتصرفات يندم عليها بعد كذا
انت اعذريهم ولا تذكري زوجك امامهم حتى لا يزيد الامر في قلوبهم
داري على نفسك وزوجك وراعي مشاعر اخواتك في نفس الوقت
واحمدي الله الذي اكرمك بالزوج الصالح من بين اخواتك وادعي لاخواتك بزوج صالح يسترهن​

 

[ام جيداء]

إلاعلاقتك بأهلك حبيبتي حافظي عليها ،ابحثي عن الاسباب اللي مخليتهم ياخذون هذا الموقف من خطيبك يمكن فيه اسباب ماتدرين عنها وعالجيها بطريقتك وخلي خطيبك يتودد لهم يزورهم ويهديهم في المناسبات لو بالتلميح له
حاولي قد ماتقدري تصلحي الوضع قبل ماتتزوجي
واكدعليك اهلللللللللللك لاتخسرينهم ياما ناس طنشوا وعاندو اهلهم وندموبعدها اشدالندم..موفقه

 

[لغيرك لاتخليني]

الااااااااااااااااا اهلك مااااااااااااااااتدرين ايش اللي يجيك من الدنياااااااااااااااا
اهلك ثم اهلك

 

[ام تاله وحلا]

غيرررره طبيعيه من اخواتك واهلك ما يكرهونك بس يراعون مشاعر اخواتك انتي عيشي حياتك واهتمي باهلك

 

[نضوج أنثى]

نصيحه بعد الزواج لاتسوين مثل ماقلتي وتقطعين اهلك عشان زوجك مايحس بشي صدقيني اذا حس بيوم انه بينكم مشاكل او علاقتكم مش ولا بد تهتز صورتك قدامه لا تجيبين سيرة المشاكل ابدا خلي صورتهم حلوه قدامه دايما وزوريهم واضغطي على نفسك عشان لا يحس انك ماتبينهم وبعدين بيقول مافيها خير لأهلها اكيد مافيها خير لي والأهل عزوه وسند حتى لو بالظاهر بس انتي حاولي دايما تقولين لهم انه يمدحهم ويحبهم ومايجيب سيرتهم إلا بكل خير عشان تقربين بينهم

 

[سما الصفاء]

لاتفكرين أن زوجك بيغنيك عن أهلك الأهل عزوة حاولي ترضينهم ويمكن خواتك غيرانات لاتلومينهم

 

[*999*]

حاولي انك تحببي اهلك في خطيبك وكمان العكس وكمااان امدحي قدامهم وامدحي اهلك قدااااامه نصيحة لا تذمي فيهم قدام خطيبك لانه مع الايام رح يدقك بالكلام