سؤال للجميع والاخص ناعمه لانها تايد الزواج قبل العشرين

[احب الورد]

السلام عليكم ورحمه الله وبركاته

مره ناعمه قالت في دوره من دوراتها زوجوا بناتكم صغااااار قبل العشرين...... ليش موب 23 او 24 على الاقل يخلصون الدراسه ويستمتعوون بحياتهم الدراسيه مثل ماستمتعنا وكانت احلى اياااااام ليش تبغينهم يزوجوون صغااار نتعبهم بالزواج ومسوليته وهمه ومشاكله
ملاحظه مهمه سمعت من شيخ مطوع يقول على الاذاعه ان اغلب الطلاق بسبب صغر سن الازواج
ناعمه انتي مصوره لنا ان الزواااااج راحه وجنه ويوم تزوجنا اكتشفنا حياتنا قبل الزواج احلي بوايد

 

[diable_blue]

كلامك صحيح يجب ان يكنمل نضوجها الاول

 

[@روح الورد@]

فيه زواج يختلف عن زواج

يعني البنت تتزوج صغيرة بس باتفاق انه ما يكون فيه اولاد الا بعد ما تكمل دراستها علشان تحصن نفسها وتنضج بسرعه
ويكون الريال على قدر كاف من الوعي وتفكيره شبابي وناضج ما تاخذ واحد شكله شباب وتفكيره تفكير شايب مثل شباب وايد موجودين

يعني زوجي ماشا الله عليه تفكيره متحضر وشبابي شكلا وجوهرا ويشجع على الدراسه وأتمنى لو اني عرفته من أول دخولي الجامعه كان كملت دراسات عليا وصارت درجاتي احسن
لأني كنت مراهقة وتفكيري متشتت وأهدافي مو واضحة ومشاعري متذبذبه ودائما نبحث عن الامن والحب
بالزواج الصح تحصل البنت على الامان وتنضج

 

[غنوجة بابا]

والله لو بنتك تصك ثلاثين سنه كان نلاقيكي تبكين الحين في قسم الاستشارات...
لو يخيرونك بين انها تتزوج عالعشرين..والاتعنس وتصك الثلاثين؟؟!!!
مااظن ذيك الوقت انك بتقولين بدري عليها والا باقي صغيره
عموما هذي وجهة نظري الخااااااصه

 

[o.o]

انا من رايي انها تتزوج اول ماتخلص جامعه وان انخطبت قبل خل زوجها ينتظر ...
فيه بنات ماشالله عليهم يعرفون يوفقون بين الدراسه والزواج .. بس عدد مب قليل اما يتركونها او ينطردون او يتخرجون بمعدلات نازله والله الزوج يشغل حيز كبير من التفكير مادري ليش
والدراسه مب نفس قبل بس امتحان والماده بالعربي ..الحين صارت اصعب بوايد الواجبات والبروجكتات والابحاث بالهبل يعني الدراسه صارت تلحق البنت لي بيتها ..
والله شفت ربعي مساكين المتزوجات كله تعبانين وكله يعتذرون ومعدلاتهم ناااازله غير اللي مسكينه تحمل وتتوحم واللي بتولد وتعتذر
واللي نص ايامها غايبه بسبب زوجها يقولها قعدي مب لازم يعني مب كل وحده بتحصل لها زوج يشجعها على العكس وايد منهم يقولون شحقه تدرسين ولا تشتغلين انا مب مقصر معاج ..
وان بغت تجيب نتايج لام تبذل ضعف الجهد يعني تعب في تعب
الحمدلله انا درست واستمتعت باحلى ايام حياتي في الجامعه نخلص الكلاس ونقعد لي العصر نسولف وناكل مسؤولين عن نفسنا وبس ...
​

 

[عجابة]

يا أختي الزواج ستر وعفاف ..
لو في المتوسط أو الثانوي ما في مشكلة وعندنا زواجات في السن هذا ومن أنجح ما يكون ..
إضافة إلى اختلاف نوعية الثنائي .. وما أجمل يكون الزوج اكبر من الزوجة يحتويها ويدلعها ويهنيها ..
وصدقيني المشكلة ليست في الزواج المبكر وما عاد فيه صغيرة الآن يعرفون البنات أكثر مما نعرف !!!!
المشكلة لاعنست البنت وقعدت من غير زواج وأمراض وعقد نفسية ليــــــــــــــــــــه؟؟؟؟؟؟؟؟؟؟؟؟؟؟

 

[احب الورد]

الزواج ستر للبنت ...... وانا موب رافضه الزواج لكن ليش ماتعيش ايامها الدراسه وتعرس في العشرين
الزواج في الثلاثين مبالغ افضل سن تحت ال ٢٥ وعلى فكره من اسباب سرطان الرحم الزواج اقل من ١٨

 

[لياال]

سلام

انا من وجهة نظري على حسب الوحده يعني فيه بنات في سن 16 و17 وماشاء الله عليهم يعتمد عليهم تحسيهم فاهمين وواعيين يقدرو يتحملو مسؤوليه وفيه بنات فوق العشرين وماهم متحملين حتى مسؤولية نفسهم يعني كل وحده على حسب عقلها وتفكيرها وقدرة تحملها.

 

[انين الجرح]

اسمعوني ياخواتي الزواج في السن المبكرة حرمان للبنت من اسعد مراحل حياتها ان جربت الزواج المبكر تزوجت في سن ال16 وفعلا حسيت بلظلم والقهر واني كنت محرومه من اسعد الاوقات مع البنات وتحملت المسؤلية الكبيرة بدري وربك كريم وعانني ولكن بصراحة:busted_red:بناتي مافكر احطتهن في هذا الموقف مافي زواج الى بعدالعشرين ولكم تحياتي.

 

[عجابة]

وعلى فكره من اسباب سرطان الرحم الزواج اقل من ١٨
سبحان الله لكل امرء فيما يشاء مذهب ..
والقسمة والنصيب والوقت والتحديد بيد الله تعالى ..
أما ماذهبت إليه فهو عجيب ..
سؤال : متى تزوجت عائشة رضي الله عنها ومتى دخل عليها سيد الخلق أجمعين ..
وأدري ليس أحد كرسولنا العظيم .. ولكن كيف تعامل مع طفولتها وسنها صلى الله عليه وسلم..

 

[حبيبي ربي]

الزواج ستر للبنت ...... وانا موب رافضه الزواج لكن ليش ماتعيش ايامها الدراسه وتعرس في العشرين
الزواج في الثلاثين مبالغ افضل سن تحت ال ٢٥ وعلى فكره من اسباب سرطان الرحم الزواج اقل من ١٨

هالمعلومة غلط حبيبتي بالعكس سرطان الرحم يصيب اللي مايابت عيال اكثر من اللي عندها ورضعتهم طبيعي
اما ان البنات يتحججون بالزواج انه عقبة جدام الدراسة فانا ضد هالشي
انا كملت دراستي الجامعيه وانا ام لاربع اطفال والاخير حملت فيه وانا ادرس والحمدلله بالتنظيم مشيت اموري وبالعكس كانت درجاتي افضل من البنات الغير متزوجات وماعندهم مسؤوليات
انا زمان كان رايي من رايكم لا للزواج قبل العشرين
اليوم مع اللي اشوفه من مصايب هالزمن عندي كامل الاستعداد ازوج بنتي من واحد كفء وعلى خلق ودين حتى لو ماتجاوزت العشرين يكفيني تكمل الثانويه العامه والجامعيه اتشرط على من يبيها انها تكملها
انا مع الاستاذه ناعمه عفه البنت وسترها صارت اهم من كل شي في هالزمن

 

[غاااااية]

أفضل الزواج في سن مبكرة مثلاً في سن 15 ومافوق
والله يوفقح الجميع

 

[* Um Jawad*]

سبحان الله

انا احس ان الزواج في سن قبل العشرين يقي من وايد اشياء
يعني تكون صغيره ولينه ممكن تتاقلم

وبعدين السيده فاطمة الزهراء بنت خير خلق الله تزوجت وهي صغيره في التاسعه من عمرها
فهل تضني بان النبي كان غير عادل ام ان النبي كان حكيم و ادرى مني و من الجميع
روحي له الفدا

انا مع الزواج المبكر
ويكفي الأمور التي تحصل في هذا الزمن المخيف​

 

[* Um Jawad*]

و ايضا

ها انا اكمل دراستي و انا ام و الحمد لله ​

 

[احب الورد]

اوكي شكرا لكل اللي ردو الهدف من طرح السؤال الاستفاده اولا زواج عايشه في سن التاسعه الغرض منه كان تعليمها الدين وحكمه دينيه طبعا وعائشه تزوجها افضل الخلق ...
بناتكم مابتزوجونهن في سن ٩ سنواااااااات مابتهون عليكم....لانكم بتحرمونها طفولتها ومرحله جميله من عمرها بتدخل عالم موب فاهمتنه ثاني شي منو هذا بيتفيق يربيها والبنت محتاجه تربيه موب زواج ...............

 

[o.o]

وبالعكس كانت درجاتي افضل من البنات الغير متزوجات وماعندهم مسؤوليات

هالبنات للي تتكلمين عنهم لو تزوجوا مستحيل يكونون بنفس المستوى صدقيني بيتعبون وبيهلكون
الحمدلله انه ربي وفقكم .. بس غيركم متعذب ويبذل جهد هذا اذا كملوا لانه عدد كبير مايكملون او ينضرون ...

وانا الحين حامل و كنت مسجله في دوره كلها رياضيات وتحليل وكنسلت خططي كلها لاني ماقدر اوفق بينهم .. بالموت اعدي كم خطوه اتخيل لو كنت ادرس بالجامعه وانا حامل !!! كانت معاي صديقتي مسكينه سقطت من كثر مشي الجامعه ..وحده من هلي نفس الشي بسبب المشي في الجامعه .. فلما حملت المره الثانيه كنسلت الكورس
وبنت خالي مسكينه حملت كانت متوحمه طول الكورس كثرت غياباتها واثرت على درجاتها واثر عليها الكورس اللي بعده وانطردت مسكينه عندي امثله واااايد ... القصد انه ليش الوحده تبهدل نفسها ...اذا جاها خاطب لازم تتفق معاه لو تزوجوا اهم شي مافيه اطفال في هالفتره .. ولو بعد نطروا وماتزوجت الا بعد التخرج يكون احسن لانه الزوج مسؤوليه

لازم لوحده تحرص على شهادتها ... ولو ماكملت.. وتزوجت وجابت عيال خل تكمل عقب لانه الشهااده اهم من الزواج الزوج يطير والشهاده تبقي وفيه عدد من البنات مب قادرين ينفصلون عن ريايلهم لانهم ماكملوا دراسه ولا بقادرين يستقلون عن ازواجهم ماديا ..





​