سؤال ع الطاير

[passion]

غاليات عندي سؤال او موضوع محيرتني وافكر فيها مع اني استشرت زوجي وصديقاتي بس بعدني في حيرة ممكن البعض منكم يقول موضوع سهل بس والله متعبني
​

ادخل في صلب الموضوع بدون مقدمات انا حاليا ادرس ان شاء الله شهر وبخلص عندي ثلاث حلول يا اشتغل يا اكمل واخذ الماستر (الماجستير) او اجلس مع زوجي وعيالي لاني مفتقدتهم صح انا معاهم في المسا بس والله احس بسعادة بقربهم زوجي عارض فكرة جلوسي في البيت قالي حرام كل هالسنين درستي وتجلسين في البيت الصبح عيالج بيكونون في المدرسة والصغير بيكون في الحضانة شو بتسوين في البيت بتملين وصديقاتي خوفوني قالولي ازواجهم رافضين فكرة يكملوا دراسة ويشتغلوا يعني تجلس في البيت تربي عيالها او يجيب ام بديلة يوم قلت لزوجي ضحك قالي ام بديلة من وين الاقيها الواحد ما يقدر يربي عياله بعد يبتلش بعيال من وحدة ثانية خلي هالوساوس ونتي غير والعالم غير والله لو فيج عيوب الدنيا انت بنسبة لي اول واخر حب كلامه فرحني بس احس بتانيب الضمير اقول حرام يخسر فلوسه علشان الدرس واخذ احسن شهادة وكون غير عن الكل فديت روحه

الزبدة هل اضحي واجلس معاه ومع العيال ام اكمل دراستي ام اشتغل ما اعرف(المادة مب مهمه عندي وعنده) ​

 

[مجموعة أنسان]

اختي زوجك يحب المراءة اللي عنده طموح يعني لوجلستي بالبيت ربما تغير نظرته لك واذا الدراسه تاخذ من وقتك المسائي شيء لاتدرسي اشتغلي احسن لان هو مثل ماذكرتي انه ماهمته المادة ولكن يحب انه تكوني نشيطه وعندك اهتمامات شخصيه ... والله يوفقك

 

[الملكه 22]

انا مع زوجك لاتتخلين عن دراستك وعيالك ماراح يضيعون

 

[ملكة ببلقيس]

حبيبتي انتي بين خيارين فقط
اما الجلسه في البيت بدون وظيفة و لا دراسه امسحيه من تفكيرك
ويبقى عندك خيارين فقط
وشوري لك انك تاخذين الماجستير وبعدها ان شاء الله تتوظفين
بالتوفيق .......

 

[هبـا]

اسمعي كلام زوجك

 

[أطياف الماضي]

استخيري

 

[صغرونه]

لاتخلين زوجك وبيتك

 

[تاغي]

نصيحتي الوظيفة ورأي زي رأي مجموعة انسان

 

[هديل001]

حبيبتي انتي بين خيارين فقط
اما الجلسه في البيت بدون وظيفة و لا دراسه امسحيه من تفكيرك
ويبقى عندك خيارين فقط
وشوري لك انك تاخذين الماجستير وبعدها ان شاء الله تتوظفين
بالتوفيق .......

والله هذا كان رأيي واللي فكرت فيه أصبت ياعسل :msn-wink:

 

[المنقبة]

شكله يحب المراة الي تشتغل يعني يحب المراة الطموحةو بعدين الرجل اذا في فكره يعدد الزوجات راح يتزوج سواء اشتغلتي انا سمعت مرة في برنامج لدكتور نفسي قال المراة لازم تتشتغل لانه الرجل بعد يحترمها اكثر وانا بصراحة مع المراة الي تشتغل
موفقة قلبي

 

[ثقتي عاليه]

هلا حبيبتي اتوقع زوجج جنوبي
كملي الماجستير افضل
وبالتوفيق

 

[حبيبي لودي]

حبيبتي كملي دام زوجك مشجعك لانك لو تخليتي عن طموحك بيتخلى زوجك عنك
تحاياي

 

[antelope]

استخيري ربج وبتتيسر الامور لج .. سواء تشتغلين او تيلسين

الله يوفقج

 

[المعلمة الراقية]

انا اعمل واشعر ان العمل يجعلك في رضى عن نفسك ويعزز شخصيتك فأنا مع زوجك في الرأي

وفقك الله:bye1:​

 

[شمعة لا تنطفيء]

تدرين يا اختي
زوجك من النوع اللي يحب المرأة الطموحه
وإذا قعدتي بالبيت تبي تطيحين من عينه
والله هذا رايي
والله يوفقك لما فيه الخير

 

[passion]

اختي زوجك يحب المراءة اللي عنده طموح يعني لوجلستي بالبيت ربما تغير نظرته لك واذا الدراسه تاخذ من وقتك المسائي شيء لاتدرسي اشتغلي احسن لان هو مثل ماذكرتي انه ماهمته المادة ولكن يحب انه تكوني نشيطه وعندك اهتمامات شخصيه ... والله يوفقك

كلامج صح هو يحب الحرمة المتعلمة ولازم طموحي يكون عالي ويحب اعدد علاقاتي وسبحان الله يموت في شخصيتي يقولي انت قوية وهالشي جدا متميز فيكي يسلمو حبيبتي ع النصيحة

​

 

[passion]

انا مع زوجك لاتتخلين عن دراستك وعيالك ماراح يضيعون

مشكورة حبيبتي ع الرد والنصيحة الله لا يحلرمني من ردودك الحلوة​

 

[passion]

حبيبتي انتي بين خيارين فقط
اما الجلسه في البيت بدون وظيفة و لا دراسه امسحيه من تفكيرك
ويبقى عندك خيارين فقط
وشوري لك انك تاخذين الماجستير وبعدها ان شاء الله تتوظفين
بالتوفيق .......

تقريبا نفس الحل اللي وصلتله مشكورة حبيبتي ع الاهتمام​

 

[passion]

اسمعي كلام زوجك

ثَآَنكَس عآلَمَروَر..~ ​

 

[passion]

استخيري

هيه والله هذا احسن حل ما خاب من استخار يعطيج العافية