سؤال عن قصيدة؟؟؟؟

[نبضة فرح]

.
.
.
السلام عليكم ورحمة الله وبركاته

سمعت قبل فترة قصيدة كان في كلماتها ...
أمممممم والله ماأذكر بس كان الشاعر يوضح أنه مايتزوج البنت المتبرجة حتى لو كان مهرها ريال...
ودي بها بس ماعرف بدايتها...
ياليت اللي عندها خلفية تعطيني خبر ...
ومشكووووورين ...

 

[نبضة فرح]

أبشركم لقيتها .... خخخخخ

رأيكم يهمني ....

القصيدة للشاعر /عبدالكريم الجباري
يابنت [URL="http://www.t-kjool.com/vb/forumdisplay.php?f=64"]ياللي [/URL]ماستر راسـك الشـال
وبزعمك انك مـن كبـار العوايـل
أنـا بقـول الحـق والحـق ينقـال
اللي تستـر هـي بنـت الحمايـل
ماهو في كشخه وخاتـم وسلسـال
الستـر لعيـال الحمايـل دلايــل
يابنت لو قلتي لـي المهـر بريـال
والله فـلا اعنـز عليـك السلايـل
والله لااخطب اللي على راسها جلال
لو كـان مطلبهـا ثمانيـن حايـل
انا ليا مني خطبـت أبغـي عيـال
أبي العيـال اللـي تشيـل الثقايـل
وليا خطبت أختار لعيالـي الخـال
والدين عندي هـو سيـد الفضايـل
قالـت قسـم بالله ماشفـت رجـال
مثلك بغى حجر السنيـن الاوايـل
قلت الصحيح يصح لو مرت أجيال
ركب الكدايش غير ركب الاصايـل
ماهو بذنبـي ماعرفتيلـك رجـال
ذنب الزمن خـلا النشامـا قلايـل
ولاني بلا رجعي ولا جيـت خيـال
ولا شايلن سيفي وصايـل وجايـل
إنسان متعلـم ومـن نـاس عقـال
وفتحت عن نهج الحضارات فايـل
أنا حضري ماني بنـازل ورحـال
لو أن ربعي بيـن ضلعـان حايـل
وأنام في بيـت ومكيـف جنـرال
وأسوق سيـاره وعنـدي موبايـل
ترا البداوه فعل ماهـي بالاشكـال
والسلم مانرضـى عليـه البدايـل
وتبعت سلم العود وأصبحت وبـال
ونقيت لي من الـذود دق وجلايـل
الطيب لاأهل الطيب يبقـاء ولا زال
وأعرف سلوم الطيب والشك زايـل
ولا شفت انا عقال السناعيس ميـال
غصب عليه عقال راسـي يتمايـل
السالفـه ماهـي بتمييلـت عقـال
السالفـه دمٍ بهـا العـرق سـايـل
يابنـت دام الـدم بعروقنـا سـال
كلٍ على عقله مـن الفكـر شايـل
لكن لو قلـت لـي المهـر بريـال
والله فـلا أعنـز عليـك السلايـل

 

[رمانه العود]

قصيدة حلوة
تسلمين ياعسل ​