سؤال جرئي بس مهم لوضعي

[ليت ألزمن يرجع]

صباح الخيرللجميع ماحب اطول عليكم انازوجه اولى وزوجي متزوج من خمس شهورمن ناحية الفراش مايهتم فيني ولايقرب لياابداواذاصارشي بعدشهراواكثربس بسرعه وكانه يتملل وكانه مغصوب ماكان كذاقبل الزواج كان يحب النوم معي لاتقولون يبنات اهتمي وسوي وسوي الحمدلله نظيفه وعطورات وقمصان اشكال والوان والحمدلله من ناحيه اللي تحت مسويه عمليه تجميل وكويسه تعبت نفسيتي منه وكنت احياناابادرانابس الاقي صدمنه سؤالي هل هذاشي طبيعي اوخلاص كرهني عشان عنده حرمه ثانيه والله اني كرهت انام معاه اذادخل الغرفه من قبل مااتكلم يقولي انااليوم تعبان انااليوم عندي بالعمل ظغط كثيروالله ماردعليه ولاتكلم اقول في نفسي خليه الله يحاسبه علاكل شي خواتي حبيباتي اطلب منكم الحل والمشوره كيف اتصرف وكل وحده جربت مثلي ومرت بمثل ظروفي الله يوفقهاولايحرمهاالجنه تعطيني خبرتها

 

[تاريمي]

والله ماحبيت اطلع ولا أقول شي بس..( الله يفرجها لك ويردلك زوجك مثل اول وأحسن)

 

[كولين]

اهلا عمري ..
حاولي معرفة سبب زواجه بثانية؟؟ومواصفات الزوجة الثانية وكوني افضل منها كي تستعيدي زوجك وحبه لك الله يوفقك

 

[اسيره الوحده]

حسبي الله الذي لا اله الا هو عليه توكلت وهو رب العرش العظيم

الله يسخر لك زوجك ويهديه ان شاء الله

عزيزتي انا مامريت بنفس وضعك بس عندي اقتراح

اعرفي نمط زوجك وعلى اساسه تعاملي معه

ومن راي انك يوميا تهتمي بنفسك والبسي قميص نوم وتعطري وتزيني ونامي واعطيه ظهرك يعني حسسيه انك مهتمه بنفسك لنفسك مو عشانه

ولا تبادرين ابداااا واذا بدا هو حياه الله بس انتي ابدااا لاتبدين واكثري من الاستغفار وصلاة الليل واكثري من الدعاء عسى ربي يفرج همك باذن الواحد الاحد

واصبري او اذا تحبي تتكلمين معه بالموضوع بشكل مباشر وتذكريه بحقوقك عليه هو تزوج بس لازم يعدل

عسى اني قدرت افيدك اختي

تقبلي مروري

 

[مجنونه زعلاته]

واااصلي وخليك مهتمه بنفسك وببيتك واذا جاء خليك انتي العروسه ....... هو ليش مايجيك يمكن يمكن انا مأأكد ولكن اقول يمكن لانها عروسه وتدلع وتلبس له كل اشوي لون ولبس وريحت غرفه النوم والبيت عطور وكل يوم ريحه حلوه وراحه وهدوووء ... وشكلها كمان يمكن لبسها ومكياجها وشعرها مريحه للنظر ,,, سوي كل هالاشياء وخليك داائما مبتسمه حتى لو صدك مره ومره وحينتبه وحيرجع احسن ,,,
ولاتطلبينه بالفراش قولا ولكن اجذبيه بالحركات () الامباشره ,,,
واولا واخيراا ادعي ربك والله والله لترتاحين وحيجيك قولي (( يارب حنن قلب زوجي عليا يارب سخر زوجي ليا يارب اجعلني احسن البنات في نظره يارب اهديه واصلحه ليا ))
يمكن لانها توها عروس عشان كذا متعلق فيها بس انتي خليك عروس بكل معنى الكلمه لان الرجال هذي مطالبهم والله الله بالسرير .............
وحطي دائم قناة السعوديه قران اللي فيها الحرم .......... بصراحه رااااحه للنظر وللسمع ..........
لمن تكوني عارفه انه حيجي عندك حصني نفسك واذا يشرب موي او شاي او عصير معين اقري عليها وخليه يشربها ..وانتي ريحي نفسك لاتقعدين متوتره ومنكده على نفسك انبسطي وتفاءلي وعيشي حياتك باذن الله حيرجع احسن من اول .........​

 

[أنفاس الليل]

حبيبتي الله يكون بعونك لايكون زوجته الجديده عامله له عمل وصارفته عنك الله يستر عليك
حبيبتي الوقت هذا صاير يخوف والخوف من الله زال من قلوب البشر ..الله يسخره لك ويرده لك رد جميلا
ابغى اعرف اذا هم موقد العدل ليه يعددون من الاساس حسبي الله ونعم الوكيل ..​

 

[حناااان الكون]

اعرفي سبب زواجه من زوجة ثانية .. اذا عرفتي السبب عالجيه عشان يكون رغبان فيك .... ممكن زواجه ماهو لسبب من اسباب العلاقة الخاصة لا , ممكن يشوفك فوضوية طول اليوم وعند النوم يكون شكلك طيب . قبل العلاقة يتذكر شكلك السابق فتكون عنده ردة فعل فيهرب من العلاقة

لذا اعرفي سبب زواجه الثاني وعالجي الاسباب​

 

[حلا ماركه]

الله يسخره لك ويرده ردا جميلا وتكوني في عينيه اجمل النساء اللهم ااااامين

 

[فروع الياسمينه]

أسأل الله ان يسخره لك ويرده لك رداً جميلا

 

[مَلآمِحْ حُلمْ]

أنا رأيي من رأي مجنونة زعلاته كلامها سليم ​

 

[الأزين أغلى]

الله الله بالدعاء والصلاة كل اللي قالوه البنات صحيح ومهم بس الدعاء والالحاح فيه له نتيجة ما تتصورينها وصدقيني ما تضيق والا وتفرج ومرده لك

 

[انت وبس!]

حبيبتي هذي فترة وتعدي

الريال مستانس مع العروس الجديدة وقاعد يجرب شي يديد

عطيه الوقت وبيردلج ان شاء الله

بس انتي لاتيأسين وتقولين ماكو فايدة من الللبس والكشخة

بالعكس لبسي وتكشخي وخليكي على سنغة عشرة دايمااااا

 

[سـمـاء]

اغلبيتهم لم يتزوجون زوجة ثاانيه
وكثير عايشت مثل هالموقف
يطيرررون فيها تقل اول مره يتزوج
ومع الوقت يرجع مثل ماكان وأحسن إن شاءالله

الله يصلح مابينكم
اللهم آمين

 

[ليدي إلهام]

أنا رأي من رأي أسيرة الوحده ...ومجنونه...


كل شي جديد يكون حلو حتى لوكان فيه عيوب وشيء فشيء يبداء يتملل ويرجع للقديم وأكيد بتكونين دايما في أجمل صوره بعد أن تعرفين نمطه طبعا لأنه سعات تلبسين وتهتمين وبنسبه له شكلك معقد أو كريه لعيونه عشان كذا تعرفين نمطه والي يحب والي يكره وتطبقين وخلي جمالك لك يعني ألبسي الي يحب دايما حتى لو ماكان موجود ممكن يجي فجئه ويشوفك في أحلى منضر بينبصط بس مايقول شيء فشيء بتشوفين إنه بيتغير وطريقة الكلام وطريقة الأكل والحركات والصوت كل شيء من وإلى لازم يتغير زي نمطه عشان تدخلين غصب عنه ولا تخافين بإذن الله يرجع ولو طالت المده بذكاء قصري المده وعيشي دايما مبصوطه يحب الرجل المرأه المبصوطه دايما مهما سار ولا تجبين سيرة شيء يزعل مهما سار من الأولاد وحببيه فيهم وقلي بابا يحبكم ويسأل عنكم يقول إنكم عقال واللام الحلو وهو الاب العكس يعني الاولاد يسألون عنك يقلون بابا وين وحشنا ونبغا نأكل معاه ونتمشى معاه المهم حببيهم في بعض ترى الاولاد نصف الحل وإنتي النصف الثاني الدعاء والصلاه في أخر اليل مع العلم إنه ربي بيعطيك مهما طالت الأيام وبتشوفين التغير

 

[ليت ألزمن يرجع]

السلام عليكم خواتي ومشكورات علاردودكم اللي تبرد القلب وحبيت اردعلاحبيباتي اللي قالواليااسئليه عن سبب زواجه ردعلي انتي مافيكي شي بس احب اغيرالشكل واحب اجددشبابي مااقول الاحسبي الله ونعم الوكيل ونسيت اقولكم هذازواجه الثالث قبل خمس سنين تزوج وجلست معاه ثلاث سنين وطلقهاوجلس بعدهاسنه وتزوج اللي يصبرني واناصابره عشان عيالي وهوااصلاماسئل لاعني ولاعن حرقت قلبي الله يعوضني الجنه ويعوضني براولادي

 

[huda khalifa]

اهم شي تكونين صبورة حبيتي

 

[am lamo]

اختي الجئي لرب العلمين الذي لايردسهام الليل ان يصخره الله لك واكثري من الاستغفار​

 

[أم نهيان*]

يا قلبي عليج .. الله يفرج همج

 

[المتغيرة للأفضل]

اختي سجلي بدورات الاستاذه ناعمه وستتعلمين الكثير

 

[شوق ونظرتي فوق]

ياحبيبتي الله يفرج كربتك ويسخر قلبه لك ومايشوف ويناظر لغيرك والله محد مرتاح هاذي اختي مثل كيذا وهوسفريات ومطنشها احمدي ربك واستغفري وادعي وانشاء الله يرجع لك...........
تحياتي لك حبيبتي........