سؤال بسيط..........

[احاسيس منسيه]

السلام عليكم...
لو سمحتوو بغيت اسألكم هالسؤال واتمنى من الجميع الرد ..لاني حاابه اسمع راااي الاغلبيه

لوو كنتي من النوع اللي يتغطي بالغشوه في الاماكن العامه فقط وتزوجتي وطلب منك زوجك انك تلتزمييين بالغطووووه في كل مكااان حتى وانتي معاه بالسياره وجدااام اخوانه ،
((لا تقووولوون لي هالشي لازم وواجب نحن في مجتمعنا عادي اهم شي اني اكوون مستتره ومتحجبه والوجه اللي تحب تتغطى على راحتها ))
المهم وغير الغطوه مايحب ياخذك لاماكن عامه وحجته الازدحام ويرتبك وانتي تمشين معاه اذا مشيتووو مكان فيه شباب ، ومانعك من الوظيفه المختلطه ، ومانعك مع الركوب مع الدريول حتى لو بوجود محرم ، هل هالاياء عاديه وتعتبر من غيرة الزوج على زوجته ام هالانسان يعتبر مريض من الوسواس؟؟؟؟؟؟؟؟

 

[NicE-GirL]

امممممم في مجتمعنا هالاشياء نسويها دايم

يعني الغطووة عن غير المحارم ..


اما الركوب مع السائق بحالة وجود محرم حلال ,, لانه هنا انتفت الخلوة بوجود المحرم


والله حبيبتي انا ما امشي على راي زوجي او فلان وعلان

امشي باللي طلبه ربي مني وامر فيه بكتابه الكريم ؟؟....

موفقة ,, حنا السعودية مذهبنا حنبلي ,, ويلزم بوجود غطاء الوجــه


اما غير مجتمع فما ادري موفقة

 

[حلوه باأخلاقي]

حبيبتي صباحك ورد
انتي اسالي نفسك قبل تسالين بلقيساتنا الجميلات الي تسوينه حرام ولا حلال وربي امر فيه ولا لا لانه يوم القيامه راح تتحاسبين ع كل شي ومافيه لازوج ولا شي الا عملك وعليك بطاعتك ربك صح يمكن العادات والتقاليد تجبرك بس مو عذر لربي يوم القيامه صح
والله يوفقك يارب
تحياتي

 

[عيون عزيز]

كل اللي قلتيه زوجي مطبقة علي وبالعكس مرتاااااااااااااااااحة......وهذا ما يمنع اني أصيع معاه في مواقف ثانية خخخخخخ......
ياحبيبتي أشتري دينج وافتكي..........وبعدين حتى لو كنتي تتحجبين بس نفرض مثلا فكرتي تحطين مكياج ...أهنيه تعتبرين فتنة .......يعني خلاص طيعي ريلج وارتاحي وريحي...شلج بالعبالة ....

 

[تااامي]

كـنك توصفين زوجي00نفس التحكم والممنوع00

والله تعبت00يعني الي بيركب مع الدريول وجدام الناس وين الخلوة

هاذي سيارة مش بيت او غرفه00الناس مو راضيه تفهم معنى الخلوة

الخلوة معناها خلوة في مكان منعزل مش في سيارة وجدام الناس

بس في رياييل تفكيرهم محدود00والسموحه

 

[وردة ذبلااانة]

ايه لازم نتغطى
لان هذا اللي امرنا فيه ربنا في القران والسنه
امتثلي لاوامر ربك سبحانه وتعالى وبتجدين الراحه والاطمئنان صدقيني
وبالعكس اللي يسويه زوجك دليل غيرته واونه مايحب احد يشوفك ويغار عليك حتى من الاقارب
والغطى عن كل الناس مو بس بالاماكن العامه !!
حتى عن اخوان الزوج هذا اللي امرنا فيه ربنا والرسول عليه الصلاة والسلام
يعني لازم الغطوة وربي انها افضل لك
وبالنسبه للسائق عادي الركوب معه بمحرم مو حرام هذا شي حلال
بس انا اتوقع ان هذا من غيرة زوجك عليك
الله يخليكم لبعض:24:
​

 

[جوووووودي]

اممممممم

الغطوه من اخوانه وفي الاماكن العامه ... من حقه وكل زوج يغار على زوجته

ركوبك مع السواق مايرضى , نقول من باب انه يخاف عليك,, لكن اذا معاه اخوك الصغير او كنتي مع امك او اختك مافيها شيء!!

العمل المختلط .. اغلب رجال الخليج مايرضون ومنهم خطيبي,, على ان اهلي كانو موافقين لكن هو منعني وتقبلت هالشيء

سالفه انه ينحرج ويرتبك لمن يكون معك في الاماكن العامه .. بصراحه غريبه
بس يمكن توكم متزوجين ,, ويخاف يشوفه احد من ربعه

 

[الوردهـ الخجوله]

ايه لازم نتغطى

لان هذا اللي امرنا فيه ربنا في القران والسنه
امتثلي لاوامر ربك سبحانه وتعالى وبتجدين الراحه والاطمئنان صدقيني
وبالعكس اللي يسويه زوجك دليل غيرته واونه مايحب احد يشوفك ويغار عليك حتى من الاقارب
والغطى عن كل الناس مو بس بالاماكن العامه !!
حتى عن اخوان الزوج هذا اللي امرنا فيه ربنا والرسول عليه الصلاة والسلام
يعني لازم الغطوة وربي انها افضل لك
وبالنسبه للسائق عادي الركوب معه بمحرم مو حرام هذا شي حلال
بس انا اتوقع ان هذا من غيرة زوجك عليك
الله يخليكم لبعض:24:​

ممتـــــااااااز

 

[وهم79]

من حقه يغار ومن حقه طيعيه لكن لو تبي تغيري هذي الصفه الي فيه تجيه بالحسنه يعني تطيعيه بالاول ثما شوي شوي تحاولي تقنعيه حبه حبه

 

[فراشة طائرة]

ماقصروا البنات قالوا اللي ابغي اقوله

 

[Markit_7oob]

حـــــــــــب التسلط