سأظل ارفع موضوعي حتى تردي علي يادكتورة ..

[بائعة الورد]

عمري ما فكرت اكتب مشكلتي لاحد او اشكي

لكن اذا الموضوع تجاوز كل الخطوط الحمراء





ستــــــــــــوب





ساعتها اما حريتي
او حل مشكلتي




المشكلة لو بكتبها اكبر من الحروف نفسها
الكل يظن اني مبسوطه بحياتي
لكن الله أعلم بحالي
ما احب اطلع أسرار بيتي عشان ماأحد ينظر لزوجي أو لأولادي نظره سيئة
أو أكسر خاطر أحد
أنا أعترف فيني شي يشبة القوه
لكني ضعيفة من الداخل
مشاكل كثيره بحياتي مالها حل سكتت عنها
حتى بالنت ما أحب أكتبها
لكن هذي المشكلة عقدتني
وطلبت الحل من الدكتورة ناعمه
بجرب حلها لمشكلتي كيف يكون ؟
مو اختبار يادكتورة
فقط تجربة

وأعذريني

( مشكلتي الحالية اللي ابحث عن حل لها وهي مو الكبيره
ان زوجي مايحب يطلع فيني لشي
ممكن يسافر - يطلع بر - يطلع منتزهات - اي شي ________ ومع اي احد الا معي
الا اذا كان معنا عائلة ثانية
وحجته اننا عائلة قليلة وما ننبسط بروحنا
خاطري اطلع معاه لبر لمنتزه
حتى السفر ينكد علي اذا سافر فيني



يمكن تقولي سواليفي ممله
بالعكس
حتى جربيني
اوسع الصدر ............:bigsmile: :bleh:

اه من ايام نكد علي فيها عشان يسافر يومين مع اصحابه
ويوسع صدره ويروح استراحات
زوجي مو من النوع اللعاب لكن احس اصحابه هما بيلعبوا عليه


وعنده حب مقدس لاهله
شي ما يحتمل


ما اراح اطول بالسالفه واي سؤال انا حاضره

لكن علميني كيف اخليه يحبني وهو اللي يطلب يطلع معي
طفشت من الصبر حتى انو من كثره مشاكلي معاه افكر بالطلاق
اقبح شي تحس فيه المرأه انها منبوذه من عالم زوجها

 

[بائعة الورد]

على فكره يادكتوره
زوجي متعلم لكن ثقافته وتفكيره مو شي

متقلب المزاج احيانا افهمه واحيانا مادري كيف يفكر
يبغاني على مزاجه
وانا لي شخصيتي الخاصه
اذا تخانقنا اطنش المشكله ولا كأن فينا شي
لأني مليت من الزعل وهو ما يراضيني
تعبت حياتي

وهو ما يراضي اطلاقا يضل زعلان وعصبي
واذا ما راضيته
يقول بلهجته المعهوده :
( انا ما اقدر اصبر على هالحياه , روحي لأهلك وانا بدور على الانسانه
اللي تسعدني )
وانا عاد كرامتي تثور
اقوم اصارخ ( ايوه بروح اصلا انت مفتعل المشاكل عشانك ماتبيني
طلقني و.....و.......و........................................)
لين تنتهي المشكله
الحقيقه ماعندي اهل اروح لهم
او بمعني اوضح اهلي مشتتين وهو يدوس على الوتر الحساس

كيف ارجعه
ما اقدر اجي للامارات
ياليت الاجابه تكون واضحه بخطوات
مو صعبه


وشكرا

 

[نسائيات]

ختي اولا انصحك بقراءة موضوع الغاليه الاخت القلب الكبير عن انماط الشخصيه وبعدها اكتبي لنا عن طبيعة شخصية زوجك
بالنسبة للطلعات شكله زوجك يحس بالملل في الطلعه معاكم
كيف طبيعة تصرف اطفالك في الطلعه يصيحون ؟؟؟ يطفرون الواحد ؟؟؟
زوجك شكله من النوع اللي ما يحب يتحمل مسؤولية ويوم تطلعون يحب تطلعون جماعه لانه ما يحب يتحمل مسؤولية الاطفال ولعبهم ويرمي المسؤولية عليج واكيد هو يتلها مع الناس اللي انتم طالعين معاهم
اختي ابدئي من المنزل يعني كوني شريعه ممتعه من المنزل بعدها سيتطور الامر لخارج المنزل
الموضوع ليس مجرد سوالف وكلام
بل مغامرات و اعطاء نفسك فرصه للابداع يعني ما تتقيدين تسوي كل اللي في خاطرج ولا تحاتين البرستيج سوي اللي يتوقعه زوجك منك واللي ما يتوقعه منك
شاركي اطفالك متعتهم في الالعاب واطلبي منه مشاركتكم
هو يشعر بانك لن تستطيعي ان تكوني مغامره وغيرك افضل بكثير منك وبامكانه الاستمتاع معهم في امور لا يستطيع او يعتقد بانه لن يستمتع بها معك

 

[بائعة الورد]

لما كتبت اولادي اقصد باذن الله مستقبلا
وانا حاليا ما عندي الا ولد واحد الله يخليه عمره سنتين
مو مزعج وايد معاه خدامته اللي ما آخذها الا حسب الرحله وين بتكون
هذا اذا فكرت انا لوحدي انو لما نطلع
يعني الحلم المستحيل

شكرا لك حبيبتي

بعدين حبيبتي يعني ايش ابداع
انت حتى الان ماحسيت بحجم المشكله
هو يطلع باهله.. باقاربه
لكن ينفر يطلع معاي بالذات
ليه ؟ لو كنت اعرف كان حاولت احل المشكله
زوجي يحب الجماعه
في هذي الطلعات
وانا زي اي حرمه ابغى اطلع معه مع ولدي
يكفي اني انحرمت اطلع معاه السنين اللي سبقت ولادتي لولدي


يمكن الان انا ثائرة لان الحين رجع لهذا الطبع مع كثرة الكشتات
والا يمكن بمشي الموضوع
لكن احيانا ما اظن لانه صار جرح
احس جواتي احساس يقول اما ان الرجل يبغاني واكون زوجه بكل معناها
او ما ادري انا فعلا متردده
اخاف آصل لحاله نفسيه سيئه
لاني الى الان اضحك واجامل واروح بس السوق والعمل
ومع ذلك مجروحه
وتعرفين الانسان اللي يحمل جرح مهما عاش يظل الحزن موجود

 

[عنقود عنب]

كان الله في عونك اختي بائعة الورد

كم سنة لكم متزوجين ؟؟؟

ولي عودة

 

[aldana]

عزيزتي ::: هدي نفسك ...واضح إنك ثايره على مشكلة ربما تكون تراكمات لمشاكل سابقه لم تذكريها لنا .

الزوج لا يخرج مع زوجته لأسباب معينه ... إما أنه يخجل من شكلها ..( " إحتمال تكونين أطول منه ") .

أو,, لا يستطيع مجاراتها لأنه لا يفهم ما يسعدها في هذا المكان .

ربما الحوار بينكم شبه معدوم ...لا يعرف بماذا يتحدث معك ... ربما مستواك الثقافي أعلى منه ...أو أنه ينكر بينه وبين نفسه أنه متزوج ويريد أن يظهر للمجتمع بثوب الأعزب مع عائلته الكبيره ... هناك عدة إحتمالات من الصعب اختيار أحدهما لعدم درايتنا بشخصية زوجك .

 

[بائعة الورد]

متزوجه من 7 سنوات
وبالنسبه للشكل هو يفتخر فيني مابين اهله
طولي حلو وانا حلوه وذوق
يعني بالنسبه للشكل

توب
100 %

وبالنسبة للثقافه ما احاول احرجه عند احد
انا ثقافتي عادية بكل صراحه

انا ما قلت انو مابيننا حوار
ماشاء الله زوجي ثرثار
وبعض الاحيان ما اعطية وجه وانا ادري اني غلطانه
( كيف اسكته ؟ )

وبعض الاحيان عادي
وقليلا صامت
وكثير اذا تخانقنا

لكن اشتكي بعدم حبه للطلعات الترفيهيه معي
اما المناسبات والسوق عادي جدا

 

[أ.ناعمة الهاشمي]

مرحبا بك،

ألمس من اسلوبك في عرض مشكلتك جوانب عديدة من شخصيتك، ومنها والله أعلم ما قد يكون سببا في نفور زوجك منك،
لقد استخدمت عبارات وسرد يوحي بشخصية نسائية معروف بأنها لا تستطيع كسب قلب الرجل
لا اريد أن أكتب لك بالتفصيل لان الامر يبقى مجرد تحليل لشخصية لم ارها بعد

زوجك كما هو واضح طيب وحنون ويميل إلى المراة المسالمة اكثر.​

 

[some1]

والله الرجال هالأيام غريبي الأطوار ، صدقيني ما ينعرف لهم طريق ! وكثير مثلك يعانون من غموض الأزواج و لكن الصبر جميل و الله يعينك والحمدلله انه في صفات جيدة - كما ذكرت أعلاه - وان شاء الله الأيام كفيلة بتغيير الوضع من حسن لأحسن باذن الله ،،،

دعواتي لك من الأعماق ،،،

 

[صــدى الصمـت]

حاولي تفهمي نوعه شو يحب وشو يكره انا افضل انك تاخذين استشاره خاصه عند الدكتوره لانه كلامك موجز وانتي شكلك متضايقه وايد

انصحك بالهدوء والتاني وتاكدي كل شئ بيتحسن بس يبي له صبر

دعواتي لك بالفرج القريب

 

[بائعة الورد]

والله ضحكت من قلبي لما شفت ردك يادكتوره
كنت متوقعة منك نقد
حبيت نقدك
لاني ما احب المجاملات
واموت في الصراحه
لذلك خسرت الكثير

لكن عجبني فيك كلمه زوجك طيب
صحيح طيب
لكن تصرفاته زي الاطفال

معليش ما اقدر اجي
ما سبق لي زرت الامارات

فسري لي كيف اتعامل مع زوجي
ولو مؤقتا
حتى استطيع اقناع زوجي اني ازورك بالصيفيه
على فكرة يادكتوره
تحليلك صح
ما اقدر اكسب قلب الرجل
رغم انني احاول لكن عصبيتي
وجنوني يمنعوني
وما قدرت احقق الا القليل
لكني ولله الحمد محبوبه منه وفي العمل
وفي جميع مراحل دراستي



وشكرا ياحلوه
ويا افضل دكتوره

 

[عليا الشمري]

انا اقول اطلعي رحلات مع صديقاتك
وشفي اذا ركض وراءك واغلب الرجال
كذا صديقتي مثل حالتك ويوم سافرت
مع اهلها مسك ولدها معه وقال سافري
لوحدك علي باله انها بتتراجع ولكن ماطقت
له خبر اليوم الثاني ارسل الولد
والله يعينك

 

[بائعة الورد]

شكرا لكم جميعا

 

[غدير الحب]

عزيزتي الحل موجود واختصرته الدكتورة

وهي انج انتي تتغيري

دام انه مسالم وانتي العصبيةعيل انتي صيري مسالمة وهادئة

اناكنت قبل جي اعصب وهوطبعه طيب بس انا فكرت وقلت ليش لازم هويسوي لي كل شئ وانا ماتغيرت

فغيري من نفسيتج واستمري لفترة ترا عادي مرةمرتين زوجج ما بيصدق انج مسالمة

بس لازم تتغيري من الداخل

وعقب بتشوفينه مابيفارقج بس خلج طيوبة

والله الموفق

 

[birin]

الله يعييين