زوج جنوبي يعشق السفر

[مغناجة]

السلام عليكم ورحمة الله


أنا سعيدة للغاية بالتسجيل في هذا المنتدى الإكسترا أوردينري.. :a194:

أكبر تحية لكم مني وأعدكم بالبقاء عضوة فعالة ونشطة بالمنتدى..



المهم مشكلتي أن زوجي يعشق السفر.. وأظنه جنوبي..

ويعشق أصحابه أيضاً..


أنا مثله.. أعشق السفر.. وأرغب باستكشاف العالم.. حلم حياتي..:14:

وأعشق صديقاتي والزيارات والطلعات..:36:



والمصيبة أني سعودية :icon1366:

ممنوع أسوق السيارة.. وبالتالي محبوسة بالبيت..

وممنوع أسافر خارج المملكة إلا بإذن ولي الأمر..

وما أدراكم ما ولي الأمر :icon28:

مستحيل يسمح لي..

ولو سمح مع مين أسافر؟ كل صديقاتي ما يسافرون..


ما أعرف ايش اسوي.. ولا كيف أقنع زوجي الفاضل إنه ما يسافر إلا معاي..

مع انه لو قال لي جهزي الشنطة بنسافر قلت يالله ما عندي أدنى مشكلة..

على فكرة.. أنا في بيت أهلي من أكثر من ثلاثة أسابيع :4:

بسبب مشاكل مع زوجي.. بس أحبه وما أبي غيره بحياتي..


أنتظر شوراتكم اللي ما في مثلها..


محبتكم.. مغناجة

 

[ـأخت ـأخوها]

والمصيبة أني سعودية :icon1366:

ممنوع أسوق السيارة.. وبالتالي محبوسة بالبيت..

وممنوع أسافر خارج المملكة إلا بإذن ولي الأمر..

اعوذبالله وليه مصيبة يعني !!!!
وخير ياطير اذا ماسقنا
انا سعودية ورجلي برجل زوجي ومرتين طلعنا برى المملكه
مرة شغل ومرة سياحة وتونا لنا بس سنة متزوجين
ويازينها من سفره مع ولي الآمر
يعني ودك تطلعين بدونه !!
انتي تقولين بنفسك زوجي يحب السفر
يعني نص المشكله محلولة
الدور عليك بالآقناع
وخليك ذكية عاد تراه جنوبي
الله يوفقك

 

[مغناجة]

ايه اذا زوجي بيسافر مع اصحابه انا مستعدة أسافر بدونه


وعالأرجح زوجك هذي طبيعته يحب يسافر مع زوجه يعني رومانسي سواء معك او مع غيرك..

وشغله برضو يحكمه انه يسافر

أنا زوجي ما يخرج عن شور أهله وأصحابه


وسافرنا مرتين سياحة

بس انا ودي اطوف العالم كله وزوجي سهل ياثرون عليه اللي حوله

صار بالاخير يقول انا غير وانتي غير الرجال يطلع والمرة تقعد بالبيت

عشان كذا مصيبة اني سعودية

لو اني من اي بلد ثاني بالعالم بلا استثناء كان ما ضاق خلقي بالبيت وانحبست

عشان خاطر يرضي اهله واصحابه

سحقاً لهم


شكرا لمرورك

 

[دمعة الغيمه]

مشكلتك انك غير مقتنعه بذاتك
ولو انك برا السعوديه مو سعوديه على قولتك كان انتي
الحين متضرره بل اسيرة الجدران بسبب المظاهرات والتي بكل مكان
هل منتي تريدين ان تكوني سوريه كي تبكي ليل نهار على الازمات هناك؟؟؟
ام فلسطينيه تنعين كل يوم شهيد؟؟؟
ام يمنيه انهكتها الايام والاحتجاجات هناك؟؟؟

غيرك تريد ان تسكن في بلد الحرمين بدلا عن اشتات بالخارج

اكرر مشكلتك عدم ثقتك في ذاتك وتحبين التملك

 

[مغناجة]

صراحة ودي أكون اماراتيه.. فديت الامارات وأهلها..

احب الحرية واعشق الاستقلالية.. شخصيتي مو ضعيفة بس مو مرة قوية..

ما ادري اذا كنت احب التملك او لا..

لكني أحب يكون لي مثل ما يكون لزوجي واكره الانانية..

وفي سفره للخارج مع اصحابه قمة الانانية منه..

لانه أولاً يقصر في حقوقي الزوجيه.. ويتركني ببيت أهلي..

ومن غير داعي..

طيب خذني معك يا رجل.. انا مثلك احب اللي تحبه..

وما راح اكلف عليه لاني موظفة..

وما انبسط لما سافر مع اصحابه لكن لا يزال يعشق اصحابه..

وما راح استسلم إلى أن اقنعه انه ما عاد يسافر الا معاي..

وان شاء الله راح اكلم مركز بلقيس للاستشارات واشوف اذا امكنني اني احجز موعد هاتفي مع الدكتورة ناعمة فديتها..

وما راح اعيش تعيسة علشان اعيش بمواصفات الزوجة السعودية القنوعة المثالية..

اتعس نفسي عشان ارضي اللي حولي؟ هذا الناقص

 

[مغناجة]

طيب يا ناس افرضوا اني مبسوطة عشاني سعودية..

اصلا عندي ملابس وطنية وأعلام وأشجع المنتخب..

السالفة ماهي سالفة مواطنة..

السالفة اني مثل الطير لا انحبس مات..

ما اقدر انحبس في البيت وحدي انكتم اختنق واموت..

ماتت اشياء كثيرة في شخصيتي وما انتعشت لحد ما رجعت بيت أهلي..

الحين انا ببيت أهلي بديت أحس بنفسي وكياني مرة ثانية..

والله يالزواج اللي مثل زواجي انه يخنق


ابي اعيش الحب بدون اختناق

 

[طيبتي سبب عذابي]

انا معك لازم تحاربين سفر زوجك مع اصحابه لان السفر للخارج مافي غير الدعاره وماعندهم مثل السعوديه هيئه مراقبه حتى وقت الصلاه جميع الدول ماتقفل محلاتها تسمعين اغاني بأعلى الاصوات

بس كيف عند اهلك تتونسي مافهمت عليك

 

[مشتاقتلي]

الله يهديك بس لاتتركين بيتك ترا ان راضاك اليوم ماراضاك بكرا
انتبهي لزوجك ترا البنات أعوذ بالله مايصدقون يلاقون رجال لا
ومتزوج وزوجته برا البيت الله صيده
الله يهديك

 

[مغناجة]

تركته بعد ما جنني..

ما تركته عشان السفر وبس..

آه يا خوات لو تدرون..

أولاً سافر بفلوسي وأنا يا غافل لك الله..

وبعدين ما قال لي أنا عرفت من الناس..

ولما واجهته طلقني ولم أغراضي وطردني..

وفوق هذا كله صبرت وآخرتها يهجرني بدون سبب..

غير إهاناته لي في الأماكن العامة وأمام أهله..

لإني نسيت نفسي..


أنا مبسوطة ببيت أهلي لأني رجعت لطبيعتي وصرت أقوى وصرت أجمل من الداخل للخارج..

والحين أنا بأسافر للمنطقة الشرقية أقضي الإجازة مع الأقارب وأمتع نفسي..

وهو بكيفه محد حده يطلقني بدون سبب..

ياهي كبيرة وتحز بالنفس مرة..

بس سامحته الله يغفر له بس..

يشفع له إنه جنوبي يعني حبيب ومهما كان حنون وفيه شوية رومنسية

 

[مغناجة]

مشتاقتلي أبشرك ما راضاني ولا جا على باله..

وأنا ماني مهتمة مصيره يرد لي طال الزمان أو قصر..

لأنه ما قدر يطلع فيني العيب لا هو ولا أهله لو تسمعون كلامهم عني..

يدينهم ما يدينني..