زوجي يهددني بالطلاق ...

[طماطه خضراء]

كيفكم حبايبي انا بقول مشكلتي اللي ماخذه كل تفكيري انا ام لاربع بنات اكبرهم عمر 11 سنه واصغرهم سنتين ونصف زوجي رجل متقاعد بعد ماتقاعد اصبحت حياتنا جحيم يدقق في كل شي يتلفض الفاظ جارحه ويراها عاديه يزتفزني بالفاظه وافعاله نظامي اوامر ونواهي لايراعي مشاعري ولايحس بي عديم الاحساس اختي بنفس المدينه ينظم زياراتنا مااشوف اختي الا بعد شهر واهلي بمدينه ثانيه يقول ماتروحين لهم الا بالسنه مره وبدون عيالك مده اسبوع منذ فتره كسر جوالي قبل ثلاثه شهور وانا الحين بدون جوال وساكته وماكله تبن ويشيل الرسيفر ايام الدراسه ومايرجعه الا اربعاء وخميس واللي قاهرني بدا يهددني بالطلاق بين كل فتره وفتره وابكي واسكت عشان بناتي قبل يومين جيت من مكه رحت معى زوجي انا وبناتي لانه يبي ياخذ عمره واخذ عمره هو وبناتي لاني انا معذوره شرعا عاد تعرفون .وبعد مارجعنا قال بعزم اخواني بزوجاتهم قلت خلاص وراح عزمهم اليوم الثاني انا ماتوقعت انه بيعزمهم اليوم الثاني لانه كان فيه ملكه ابي احضرها واهله بعد معزومين بعدين قلتله كان خليتها بعد يومين لاني ابي احضر الملكه قال اهلي مابيحضرون وانتي مع زوجك قلت طيب كان قلتلي من بدري لان الثلاجه فاضيه ابي اسوي حلى واشياء لانهم بيتعشون قال انا خلاااااااص معد اتحملك اختاري يا انك تروحي لاهلك لمده شهر تفكري بالموضوع ،ولا تاخذي ولاوحده من بناته حتى بنتك اصغيره والخيار الثاني انك بعد ماتطهرين من الدوره اطلقك وتجلسين معاي بالعده عاد اذا بنرجع لبعض والا خلاااااص والمشكله يقول انا صراحه لي شهر وانا استخير الله فيك اني اطلقك اخرها وانا بالعمره وانا خلاص ماني بحريص عليك انتي اللي تحرصين علي وعلى بيتك ..آآآآآآآآآآآآآآآه وش رايكم بكلامه تعبت مهي كلمه قويه .علمت امي قالت امي تعالي وخليه وش تجلسين مع واحد مايبيك بس خذي بنتك الصغيره وخليه عشان نوقفه عند حده ليه هاذي اهانه لك وانا الحين محتاره ماادري وش اسوي والمشكله الحين ماكانه سوى شي يجيني ويسولف بس انا ماعطيته وجه انام بغرفه بناتي وش الحل ؟؟؟؟؟؟مع العلم انا قلتله اني ابي اسافر بس رفض ان بنتي تروح معي الصغيره قالت امي اذا رفض انا واخوك بنجي ناخذك انتي وبنتك بدون مايدري...وش الحل مع العلم اني اصريت ىالسفر لاهلي يقول الاسبوع اللي جاي لان عندي اشغال وراح احيب التذكره لك انتي بس وقلت انا وبنتي الصغيره قال لا هي مع اخواتها بتجلس لان كفايه البنات بيفقدونك وماابيهم يفقدون اختهم كفايه انتي ..بعدين جاء وقال من جدك خلاص طيب نعطي نفوسنا مهله شهر يمكن تتغيرين قلت ليه انا اللي اتغير وانت لا ورفضت.. بس قال انا حاس اذا سافرتي اتوقع 90 %مانتي براجعه وانا الحين محتااااااااااره ماادري وش اسوي وامي تقول تعالي وحليه وهو مايدري اني علمت اهلي بس ياليته اعتذر يلطف شوي الجو بس مافي امل ...آخر كلمه قالها لي (تري انا حازم) ...ابي اراءكم دلوووووووووووووووووووووووووني اسافر والا لا.........

 

[وردة الامارات90]

اختي سافري هاي شخص ما يستاهلج

 

[روامس]

الله يكون في عونك
ويسخره لك
انشاالله البنات يفدونك​

 

[نور نت]

الله يسير اموركم اكثري من الاستغغغغغغفار وصلاة اخرالليل والله يوفقك ويحنن قلبه عليك

 

[نســـرين]

طيب ليش وش اللي غيرة عليك يعني هو من متى بدا يمل ماشاءالله وبدا يستخير على كيفه الحياة قولي طيب عطني سبب مقنع واخليلك حتى البنت الصغيرة بس خليه يقنعك ...
وبعدين يمكن شافك حريصه انك منتي هادمه بيتك وقام ييلعب براسك خير تقضين من الدورة ويطلقك وتجلسين عنده الين يفكر ليش كذا اللعب بالمشاعر،،
ياقلبي عصبت والله من حرتي

 

[الشتاء الدافئ]

مااعتقد ابدااا ان الحل انك تسافرين وتتركين بناتك عشان رعونة وتهور زوجك اللي مايحسب كلامه ...وبعدين شخص مثله متهور وقاسي يمكن بكل سهوله يتزوج ويدخل وحده على بناتك تقهرك وتقهرهم وياكثر البنات اللي رضوا يتزوجون مثل زوجك ويدخلون على غرفة نوم زوجته الاولى ولاهمهم ..ابحثي عن الاسباب الحقيقيه اللي خلته يتصرف معك بهالاسلوب ..هل عنده مشاكل ماديه او صحيه ؟ ام السبب فقط انه تقاعد وحس انه رجل بلا قيمه او دور في المجتمع ...اضغطي على نفسك شوي وساعدي زوجك يعدي هالازمه لانه كما واضح بيقلبها عليك ...واضح انه يحبك وندمان ولكن مشكلته يحس انك ماقدرتي تفهمينه او تحتوينه ...المفروض طبعا تتحاشينه هالفتره وماتستفزينه والغي من بالك انك تتركين بيتك ...صدقيني بيعتذر لك ووقتها طلعي اللي في قلبك كله ...غيري اسلوبك معه تماما واحتويه واغدقيه بحنانك ورعايتك ونظمي وقتك بحيث تتفرغين له اذا صار موجود بالبيت وبالكلام المعسول والروقان والاثاره والاناقه تقدرين تخلينه عصاك اللي ماتعصاك ..لاتصير نظرتك قريبه وسريعة الانفعال ولاتكثرين التذمر واللوم وامتدحيه دااائما ...زوجك قوي وعنيد واسلوبك معه خطأ ...كوني حكيمه وفكري ببناتك وخليهم فوق اي شئ ..

 

[الدمعه الحزينه4]

عزيزتي
روحي لاهلك حتي بنتك الصغيره خليها
وخليه هو يجيب التذكره يعني هو الي يرسلك
لاتخلين اهلك يجون ياخذونك بعدين تنقلب السالفه عليك
روحي لاهلك هذا واحد مريض
خليه يعرف قيمتك
اما يهدد وانتي تقعدين
اذا ماعزيتي نفسك ماحد راح يعزك
والله لو انا منك لاروح واتركه هو وبناته حتي لو اعتذر لي اهل يدفعون عني
علي فكره انا سويتها مره ورحت وتركت عيالي وبعدين عرف قدري
وهو الحين يقول لك نعطي نفسنا مهله يدل انه خايف يخسرك بس اصملي وروحي لاهلك
وطمنينا عنك

 

[حلا ماركه]

مااعتقد ابدااا ان الحل انك تسافرين وتتركين بناتك عشان رعونة وتهور زوجك اللي مايحسب كلامه ...وبعدين شخص مثله متهور وقاسي يمكن بكل سهوله يتزوج ويدخل وحده على بناتك تقهرك وتقهرهم وياكثر البنات اللي رضوا يتزوجون مثل زوجك ويدخلون على غرفة نوم زوجته الاولى ولاهمهم ..ابحثي عن الاسباب الحقيقيه اللي خلته يتصرف معك بهالاسلوب ..هل عنده مشاكل ماديه او صحيه ؟ ام السبب فقط انه تقاعد وحس انه رجل بلا قيمه او دور في المجتمع ...اضغطي على نفسك شوي وساعدي زوجك يعدي هالازمه لانه كما واضح بيقلبها عليك ...واضح انه يحبك وندمان ولكن مشكلته يحس انك ماقدرتي تفهمينه او تحتوينه ...المفروض طبعا تتحاشينه هالفتره وماتستفزينه والغي من بالك انك تتركين بيتك ...صدقيني بيعتذر لك ووقتها طلعي اللي في قلبك كله ...غيري اسلوبك معه تماما واحتويه واغدقيه بحنانك ورعايتك ونظمي وقتك بحيث تتفرغين له اذا صار موجود بالبيت وبالكلام المعسول والروقان والاثاره والاناقه تقدرين تخلينه عصاك اللي ماتعصاك ..لاتصير نظرتك قريبه وسريعة الانفعال ولاتكثرين التذمر واللوم وامتدحيه دااائما ...زوجك قوي وعنيد واسلوبك معه خطأ ...كوني حكيمه وفكري ببناتك وخليهم فوق اي شئ ..

هذا الكلام الصحيح

 

[طماطه خضراء]

عادي هوبيطلق ماعنده مشكله لان اهله بنفس المدينه اللي انا فيها بيجلس عند اهله هو وبناتي ومافكر

 

[نضوج أنثى]

الرجال إذا جلس في البيت فاضي يعمل قاضي ترى مايبي يطلقك ولا شي بس بيتسلى شكله عليك مع الطفش أو أحد لاعب في مخه بس يبي له تأديب عشان ماعاد يكرر الطلاق على لسانه ابدا هو متوقع إنك ماتبين الطلاق عشان كذا مآخذها سالفه على لسانه ع الطالعه والنازله لكن إنتي فاجئيه قولي له انا بسوي زي ماقلت بروح بيت اهلي شهر احجز لي حتى الطفله الصغيره ماني مآخذتها إذا شاف الجد ومسؤولية البيت والبنات على راسه صدقيني بيتأدب وإذا حجز لك روحي اضغطي على نفسك صدقيني مايقدر يتحمل البيت والبنات بدوونك وبيترجاك ترجعين وساعتها انتي تحطين شروطك وتريحين نفسك من النكد وسواء سافرتي اولا بكل الحالات انتي كسبانه لانه مو متوقع منك ردة فعلك ومن اليوم لين يحجز لك سوي واجباته بس لا اكثر ولا اقل ولاتدلعينه ولا شي وركزي على نفسك وبيتك وبناتك وارجعي غرفة نومك عشان لايتعود مثل ماهي غرفته غرفتك بعد مايبيك خليه هو يطلع ينام بأي مكان المهم انتي تنامين معززه مكرمه بغرفتك وهو طنشيه ولا تعطينه وجه فتره وبيراجع حساباته

 

[مدري مين انا]

معليش ليش هي اللي تترك البيت
وتروح عند اهلها وتخلي بناتها ؟؟؟؟؟؟
خليها جالسه في بيتها وهو ما يبغاها مع السلامه
قوليله انا ما اطلع من البيت هذا بيتي وبيت بناتي
واذا انت ماتبغاني شوفلك بيت ثاني
انا ابدا مو مع اللي يقولون روحي واطلعي
قوليل طلعه من البيت ماني طالعه وانت شوفلك حل
بناتي وبيتي مااتخلى عنهم
والله يهديه ان شاء الله​