زوجي يناديني باسم وحده ثانيه

[TheOne999]

السلام عليكم
بنات مدري احس ودي اضم احد واصيح

بس انا مملكه واكلم زوجي
وكان يتكلم ويعاتبني بسالفه وبالنهايه قال اسم وحده غيري ودلعها بعد
هو اذا جاب طاري اسماء بنات جاب هالاسم بعد
بس انه يناديي باسم غيري وش تتوقعون
يوم قلتله انا يا ايش؟؟
قالي تركتي كل الي قلتله وركزتي على هالكلمه
وجلس يكمل
انا ماعلقت ابدا ولا احب اتكلم بشي يخرب علي طبعا
بس احسها شوي غصه بقلبي ولا ودي اظلمه
لان مافي من اقاربه بهالاسم حتى
وشرايكم بنات

 

[foz]

اعتبريها غلطة مطبعيه ومشي حياتك ........... بس تحري عن الامر بذكاء ومن غير مايحس عليك

 

[TheOne999]

فوز شلون اتحرى بذكاء الله يخليك
ماودي انا اجيب طاري الاسم او اعلق عليه
مابيه يعلق بذهنه ولا ابيه يحس اني شاكه ابد

 

[mesk-nader]

نصييييحه لما يعلق بكلمه حتى لو غلط مرريها عادي واضحكي , المهم تحسبيين كل غلطه عليه حتى تجمعين الدلائل , لا تعكرين الجو امبيناتكم خلييييييييييت ذكيه , واضحكي معاه وسولفي وولا كأنك عرفتي شي , وكل مايصير كذا موقف او شيء يبين غلطه مرريها حتى تجمعين كافة الدلائل وتتأكدين من الشيء انه صاااااااير عندها تقدرين شو تقررين بعدها​

 

[TheOne999]

شكرا ياقلبي فوز ومسك نادر
انا مادوي يصير شي مو كويس
ودي انها صدفه وغلطه
توني ببدايه حياه ولا ودي شي يجرحني او يتعبني
يعطيكم العافيه

 

[روح النسيم]

صدقيني حصلي نفس الشي..بس انا ما مررتهالو وقتلو مين هي..قالي هي وحدة تشتغل معاي..وهالايام عندي كثيير اشغال معاها فعلشان هيك غلطت..وقالي هي كبيبرة..بس بصراحة انا ما اقتنعت..ومن ايام كمان عم يسميلي اسماء بنات جابلي هالاسم..انا مش ساكتة بس قاعدة اطبخله اياها على نار هادية..ادا غلط مرة ثانية قصدي ثالثة ما يلوم غير نفسه..حاولى تعرفي هالشي من غير ما تبينيله..ولا تخليه يحس انك مهتمة بالموضوع..اعملي حالك نسيتيه..دمتي بود..

 

[mesk-nader]

نصيحه لاتتهاوني في هذا الشيء , حاوليي تتحرين من وراه , قبل لاتكبر​

 

[TheOne999]

مااتهاون ؟؟؟؟؟
يوووه خوفتوني انااقول اكيد غلطان
انا هالمره بسكت
وبشوف ان عادها مره تانيه
انا لان ماسالته ابد وعديتها ولا كانه قال شي على اساس ابين ابي واثقه وهادي خرابيط
بس عشان اتاكد من هالسالفه يبيلي اكيد ايام واسابيع ويمكن اكتر
واعتقد مستحيل تبدا مني لانها تبدا من زلاته هو

 

[اعلامية طموحة]

رديها له بس بذكاء

اذا غلط مره ثانية .. اختاري اسم شييييين وقديم .. وقوليله يا( .... ) .. وضحكي على الإسم .. وبعدين دلعي الإسم حتى لو ميتدلع .. وضحكي

واذا ناقشج فالموضوع .. قوليله عيل انا اسمي (.....)؟؟؟؟ وقولي الإسم بالدلع علشان تكون التهميزة من ايدج حلوه
واذا حاول يزعل ويكبر السالفة قوليله انته ما مسكت الا هذي السالفة؟؟
خليه يشرب من نفس الكاس من غير مايحس

وصكري السالفة بعدين حتى لو حاول يبرر لا تعطيه مجال يخبرج عن شي لايقدم ولايأخر

لا تنسي ان حن كمسلمين مانسأل عن أمور إن تبدوا لنا تسيئنا

راقبي بس لا تسألي وايد

​

 

[gara3]

يمكن حبيبتي قاعد يختبرج؟ يشوفج شكثر تغارين عليه ؟

يعني اذا كررها اكثر من مره، بس ما فيها شي اذا سألتيه على ضحك ولا تبينيله انج محترة ابد

ومن طريقه الرد اكيد بتعرفين

 

[bo0oja]

انا رايي ان كررهااا مره ثانيه .. قووليله بجديه انا اسمي فلاانه و ما احب احد يناديني بغير هالاسم .. ولا تعطينه فرصه انه يبرر مووقفه رااح يتعود كل مره يغلط يبرر .. و غيري الموضوع .. و لا تسألين منو هي .. و تتعبين نفسج .. و مثل ما قالت الاخت اعلااميه لا تسألي عن شي ان يبدوولنااا يسيئلناااا ..