زوجي يكره أهلي!!

[rain drops]

السلام عليكم يا أخواتي

أدخل في الموضوع مباشرة لأني فعلا أريد حل!!
خلاص تعبت

وأرجو من الأخوات الاستشاريات الدخول والرد بما ينفعني وينفع كل من تعاني من نس المشكلة..

مشكلتي..
زوجي ما يحب أهلي .. لا يحب يتكلم مع ابي وأخواني.. ولا يحب يساعدهم بأي شي مهما صغرت.. يمكن يحس أنهم مستغليني؟! لأني موظفة؟ واعطيهم جزء من راتبي!
ليش هوه متزوجني أنا ولا راتبي؟!!:icon1366:

انا أوثق فيه وبطاقة السحب تبعي ف جيبه!
يس في الفترة الأخيرة ما عندي ولا فلس!

ويقولي اذا تريدي أي حاجه انا اوديك واشتريلك اياها!:dunno:

والله اريد احس مثل الناس والعالم واعرف فلوسي وين تروح واعرف كم باقي لي واعرف اصرفها بروحي

بس هوه المشكلة على باله ان اي حاجه معي تروح لأهلي

أففففففففف... مليت ..

ومالي حد اشكيله غيركم لأني ماريد حد يعرف أسرار بيتي
واي حاجه تصير بيني وبين زوجي:icon1366:

وارجو الرد بما يفيدني ويحل مشكلتي

شكررررررا​

 

[ريف قلبي]

خذي بطاقتك عنه

بكل بساطه قوليله ابغي بطاقتي

انا قلتله أبغي بطاقتي وعطاني اياها بدون نقاش

كنت حاسه مثلج بالقهر والندم اني عطيته وما كنت اعرف فلوسي وين تروح.. صح ما كان يقصر بس بعد غير يوم تصرفين من تعبج وتعرفين فلوسج وين راحت

 

[الكيان كيانيه]

اسمحيلي لكن انتي اللي معطيته الفرصه انه يسوي فيك كل هذا

وبداية المشكله انك الصرافه بجيبه ليييييييييييييييييش؟؟

الا اذا كان هو يسمحلك تاخذين صرافته هذا شي ثاني !!!

حبيبتي صرافتك خوذيها وخليها معك ببساطه لانها لك انتي

فهميه بهدوء واذا مارضى يفهم

وقفيها من عند البنك وطلعي غيرها

واذا سوا مشكله عشانها قوليله اقنعني!!!!!

صدقيني مابيلقى شي يقوله لك لان اساسا مافي اي سبب يخليه ياخذها

واذا قالك انتي ماتوثقين فيني ؟؟ قوليله اذا هذا الشي الوحيد اللي يبينلك ثقتي فيك معناها للأسف انت ماتوثق فيني لانك ماتعطيني صرافتك.. وقوليله انا انسانه مستقله وفي اشياء خاصه مثل الصرافه

اسمحيلي بس انتي اللي مخليته يستغلك..

الله يعييييييييينك

 

[امل الحياة]

خذي بطاقتج منه ماله دخل فيهاااااا .
خلج قوية هذا مصروفج وتعبج ياختي
والله يهديهم ان شاء الله

 

[موزة خلفان]

كما قالت لك اخواتك خذي بطاقة الصراف الالي منه لكن بهدوء ودون صراع و مشاكل
فهذا حقك فانتي تعملين وتتعبين من اجل هذا الراتب
وفي المقابل قول له اهلي ربوني وما قصروا فيني فليش اقصر معاهم دامهم محتاجين ؟؟؟؟
وعليك وضع ستار على مساعدتك لاهلك وخط احمر لا يقترب منه زوجك
في المقابل اخبريه لو اعطى اهله مصروفه كاملا فهذا امر لا يعنيك اطلاقا
فكما يحب اهله ويريد مساعدتهم بالقدر المعقول فهذا ايضا حق اهلك عليك

وتذكري ان لا تخلقي صراعا بسبب الماده اطلبي حقك وكفى لان الماده ان دخلت بين الزوجين وبشكل سيء دمرت العلاقة ​

 

[العروس]

الله يكون في عونك

اولاً : ما في داعي زوجك يعلم بكم ساعدتي اهلك .
ثانياً : هناك في البنوك خدمة الرسائل وهي خدمة تعلمك بأي حركة لحسابك من سحب أو ايداع
ثالثاً : اذا سحب زوجك اساليه هل سحبت اليوم ، واخبريه انك لا تمانعي لكن لا بد من اخبارك

 

[المنقبة]

الله بكون بعونج

 

[هواها شرقي]

صراحهياأخواتي انتم تركتم الموضوع الاهم وهو كرهه لاهلها .البطاقه مشكلتها اهون من انها تحس ان زوجها ما يحب اهلها .بس ابغى اعرف سبب ذلك علشان بس انك تعطينهم فلوسك ولا هناك اسباب اخرى .لازم تقويين العلاقه بينهم وايش موقف اهلك منه .والله يعينك ويفرج همك ويسخرلك زوجك

 

[ترانيم الألم]

انا مع رأي الأخوات خذي بطاقتك ..............لا تظنين انك اذا ساعدتيه ماديا بحبك اكثر وبيقدرك .......اقري القصص في المنتدى وشوفي الي زوجها اخذ فلوسها وبنى البيت وتزوج عليها وطردها والي تزوج عليها وال ي رخصها ومب عامل لها اي قيمه...........الرجال يبي وحده يصرف عليها وتحسسه بحاجتها له مو العكس تعطينه المال في ايده وتتنازلين عن حقج......طبيعي بعد فتره بيحس بوفرة الفلوس وبيدور على وحده يصرف عليها.........وبعدين حبيبتي انتي ماوضحتي ايش سبب كرهه لأهلك..............هل لأنك تساعديهم بالمال؟؟؟؟؟؟؟؟فيعتبرهم منافسين له على راتبك ولا كيف؟؟؟؟؟؟؟؟أو لانه من الأساس كرهنهم عشان كذا رافض اي مساعده منك لهم؟؟؟؟؟؟؟؟؟؟؟

 

[rain drops]

شكرا اخواتي وااااسفه ع التأخير...

سبب كرهه لأهلي ربما يكون فعلا الراتب أو أني أساعدهم بفلوسي..

شكرا ع نصائحكم

والله يعينني

 

[ام يامن]

اولا: الله يعينك ويصبرك على ها الزوج الاستغلالي
ثانيا: اطلبي منه بكل هدوء بطاقتك وان ما رضي حاولي تكبري الموضوع وتدخلي احد كبير بينكم
ولازم توضعي حد لهذا الموضوع ولا صدقيني راح يتمادا ويخليكي انتي الي تصرفي على البيت

 

[haven]

استغفر الله انا اكره شي عندي زوج يستغل ويتحكم فزوجته بهالطريقه