بين خبايا القدر
New member
- إنضم
- 2010/11/25
- المشاركات
- 35
السلام عليكم ورحمة الله .....
كيفكم بلقيسات
تخيلوا امس جالسه انا وزوجي كل واحد على لابتوبه كنت انا واياه نشوف مقاطع مضحكة في جهازة ودايم ايميله ظهور دون اتصال وانا دايم مفتوح ويفتح الرسايل قدامي وكلها انجليزي حسب شغله
فجاه صديت عنه ودخل مدري مين وطلع رساله فورية
سوري كنت نايمة انا لقطت هذي الكلمة بالرساله الفورية
وجاء قال اففففف ناس قديمين وسكت انا ماحبيت اقول شيء وانا مو متاكده
انا خلاااص شفت الموت والقهر وقتها كان بيطلب عشاء ودق عليهم وجلست طول الفترة اللي نستنى العشاء فيها وانا ساكته مقهورة
وجابوا العشاء للبيت ونزل يجيبه وكان الايميل مفتوح
رحت انا اشوف واعرف بتقولون ليش تتجسسين
آآآآآآآآآآآآآآخ يابنات رحت شفت المسنجر حاط ( خاص ) فيه 3ايميلات بنات حسبي الله عليهم الله يهديهم ويفتح على قلوبهم بهالمدة قدرت اخذ ايميل واحد من ايميلات البنات بس
لان قبلها بيوم كان سهران وانا رحت نمت اول مرة اروح انام واخليه
وكل ماغفيت قال لي قومي نامي ترا بزعجك وخلاص مقدر اقاوم النوم
المهم قبل مانتعشى غصب عني بكيت وانهرت قال وش فيك
قلت له انا شفت فيك حلم ومانمت كويس امس
قال وشو قلت انا شفتك كأنك مت واجلس اصيح واصيح وهو يمسكني استهدي بالله كل الناس يموتون لسا انا فشبابي قلت الموت مايعرف صغير وكبير
وقتها جلست اشاهق وهو يقول عادي يابنت الحلال تعوذي من الشيطان وانا خلاص مو عشان الحلم عشان اللي شفت
المهم تعشينا وخلصنا
ورحنا ننام وجاب جواله يارب جعله يتكسر
جواله بلاك بيري وانا مستلقيه بجانبه ويفرفر فجواله يعني شوفي مين عندي
فيه اسماء وقروبات جيت سالت مين هذا ..؟؟
قال ناس اضفتهم مدري مين
ويفرفر وانا اشوف وانا ساكته
قفل الجوال وحضني ونام واول مرة ينام ومايتركني يعني يحضني
وش رايكم اعطوني حل تكفون وربي ميته قهر
طول امس اقول ياربي رضاك والجنة
والا الرجال مانهم الا الغثاء اففففففففففففف
بليز ساعدوني
بليز
بليز
بليز
