زوجي يحرمني من الصالون ويبغاني ريحتي زفر في الفراش

[القطرية2]

لاول مرة زوجي يمنعني من الصالون ........بالعادة اخبره وين مااروح هالمرة قاله بكل صراحة انا ماابغيج تروحين الصالون والصراحة خواتي انا يوم اروح الصالون استنانس على روحي يعني احب اكشخ واتنظف واتعدل له عشان اليوم هو بيشوفني .......عاد يااخواتي انا انصدمت واستغربت يوم قال لي لا :sadwalk: ويوم سالته عن السبب مافي شي يعني اروح له والريحة زفرة عنده هذا اللي يبغيه ....عاد انا حاولت افهم معاه بالهدوء مافي رد ، لما عصبت وسكرت التليفون بويهه وقلت له اليوم ماراح تشوفني لاني كنت قاعدة في بيت هلي وقام يتصل في ابوي وطلع المشاكل القديمة اللي مالها اول ولا تالي يعني على اتفه الاسباب ...........ماحد يقولي روحي واتصل به لان لو اتصلت به نفخ راسه علي ..........واحب اضيف من قبل السالفة كان يسال علي مثل اللي شاك فيني وين بتروحين ومتى بتجين؟ لان اللي قبله كنت رايحه مع هلي الحديقة مع اليهال والجيران واصدقاء الوالده ..........الصراحة اخواتي طفشت زهقت من قبل مسويلي سالفة الدكتور والحين طالع بسالفة الصالون يااخواتي شو هالعلة شو هالمرض اللي فيه. غصب يبغاني اكون خاينة عشان يطلقني واهو مرتاح والا شو سالفته؟؟؟؟........وزوجي من النوع يتاثر باافكار ربعه وهله ومايفكر بمصلحة اسرته.لا تقولين حاولي وجربي بالهدوء واقعدي معاه حاولت حاولت كثيييييييييييييييير:tears: لكن مامن فايدة كل كلامي عنده هله وربعه ​

 

[شنكوته العسل]

صراحة انا مستغربه يعني ياتروحي تتنظفي في الصالون ياريحتك تطلع 00يعني في البيت ماتقدري تتنظفي وتتسنعي وتتعطري اذا كانت روحتك للصالون عشانه مو عشان عندك مناسبه انا اشوف عادي اكشخي في بيتك ولاتصير مشكلة بينكم 00 الزوج لما يمنع زوجته او يسال عن مشاويرها مو معناه انه يشك فيها او مخونها بالعكس الطبيعي انه يسال انتي تخافي من اللي مايسال ولا يدقق في خروجك 00الله يصلح حالكم ويسخركم لبعض

 

[قلبي نفسي]

الصالون له حل ...ويمكن يخاف عليج من كثر المشاكل إلي يسمعها ...والتصوير وغيره

الحل سهل اتصلي بوحده تي تخلص امورج في البيت ...من حف ...وتنظيف بشره وغيره

لا تعقدين الموضوع ..

 

[القطرية2]

الصالون له حل ...ويمكن يخاف عليج من كثر المشاكل إلي يسمعها ...والتصوير وغيره

الحل سهل اتصلي بوحده تي تخلص امورج في البيت ...من حف ...وتنظيف بشره وغيره

لا تعقدين الموضوع ..

لا وانتي الصاجه شك ومرض وغيرة على الفاضي ........اذا منعني من الصالون ترى يقدر يمنعني من مشواري اللي اصلا مو قادر يسويها وبعدين مااحب ادخل وحدة غريبة في بيت هلي

 

[قلبي نفسي]

انتي تعقدين الموضوع شو تدخلين وحده غريبه لبيتج هي بتبات عندكم ؟؟؟ساعه بالكثير ولا تسولفين معاها
والبيوت اسرار ومحد يطلعها غير اصحابها ...

بدال ما تورينه انه عادي عندج معنج ما بمنعج انتي ما تتايقين وتلقين لج حل ...على طوووول
لان بهالطريقه هو بيفك عنج ولا بيحاسبج
المفروض اول ما يقولج لا تروحين الصالون تقولين له واااي فديتك والله صدقك ..زحمه ولوعه وتيني وحده البيت
احسن لي لو ان شوي اغلى لكن اضمن واستر ...ما ادري كيف انته تفكيرك عجيييب

انتي جذيه بتقلبين الموضوع لصالحج ..ما فيها شي ..

بس بتعندين وبتصكين في ويه علشان صالون انتي بتخربين حياتج بإيدج

 

[معشوقه]

حبوبه إنت توج مالجه يعني ما تزوجتي ما أدري أنا فهمت من كلامج جذي ... على كل ترى غالبية الرياييل يعترضون على الصالون مو الكل يوافق عليه بس ترى مو كل الحريم يستنفرون مثلج ترى عادي موضوع الصالون و بعدين إنت قلت يسأل عليج وين بتروحين وبين بتيين يعني سأل أحد غيرج ولا سألج إنت ؟؟؟ ترى تفرق يعني اسألج إنت مو غيرج .. يا الغالية كل الرياييل يحبون يسألون عن حريمهم و إلي ما يسأل ينخاف منه أو صدقيني ما تحس الحرمه معاه بأن الوضع طبيعي لأنه من أبسط حقوقه على زوجته إن يعرف ترحكاتها ...

يمكن زوجج مزودها اشوي بس اسلوبج معاها ماكان الإسلوب الصحيح يا الغاليه هدي إشوي و خلج ريلكس و على فكره أنا فهمت من عنوانج شي ثاني وايد بعيد عن السالفه إلي قلتيها و إن كان فهمي صح ..؟!! ترى فعلا في رياييل تستهويهم الحريم إلي على قولتج ريحتهم زفرة ... يعني يكون هذا كيف عندهم ... و يحبون يستمتعون بريحة جسم الحرمة الطبيعية و يتعود عليها و أصلا أنا وايد قارية مقالات تنصح بهالشي ..

يعني إذا تعطرت زوجته ما تهز فيه إشعره لكن لما تكون على طبيعتها مجرد رائحة جسمها تثيره على كل أنا ما راح أقولج اتصلي عليه لكن أقولك فكري بالكلام إلي قلته كله و قعدي وازني أمورج الرياييل مو سوى و أفكارهم مختلفه يعني إذا في حياتج رياييل طريقتهم غير عن زوجج مثل أبوج أخوج زوج أختج فزوجج مختلف و تفكيرة مختلف لكن المهم في الموضوع إن يحبج و يخاف عليج وما يهمه شكلج كثر ما يهمه يحافظ عليج تعوذي من بليس يا الغاليه و إذا عجبج كلامي ممكن تبعثين له مسج توضحين له وجهة نظرج كلها و تعتذرين على تسكير التلفون بوجهة لأنه عيب هالحركة زوجج لازم اتعلمين تحترمينه .. في معانا في المنتدى إلي زوجها يضربها و في إلي يخونها ولا وحدة فيهم تتجرأ اتصك التلفون بوجه زوجها ... هذا رأيي أتمنى إن أفدتج ...

و ربي يوفقكم ويسخركم لبعض و يصلح أحوالكم اللهم آمين

 

[x.v_v.x]

حبيبتي الصالون مب شي جباري وبعدين اتعرفين عن سوالف الصوالين الي صايدينهم في قطر الله يكفينه شرهم ويمكن هو خايف من هاي الناحيه

وتقدرين تتصلين لهم ايونج لين البيت وبيكون احسن لج << ماتروح ايونها من كثر بلاويهم صرنا انخاف

واجوف انه ماله داعي اتناحسين وتقولين له اليوم مابيك اتيني بسبت صالون ّ!! لهدرجه ماتقدرين اتخلصين نفسج بروحج شدعوه !!؟

 

[القطرية2]

حبيبتي الصالون مب شي جباري وبعدين اتعرفين عن سوالف الصوالين الي صايدينهم في قطر الله يكفينه شرهم ويمكن هو خايف من هاي الناحيه

وتقدرين تتصلين لهم ايونج لين البيت وبيكون احسن لج << ماتروح ايونها من كثر بلاويهم صرنا انخاف

واجوف انه ماله داعي اتناحسين وتقولين له اليوم مابيك اتيني بسبت صالون ّ!! لهدرجه ماتقدرين اتخلصين نفسج بروحج شدعوه !!؟

صدقتي فديتج مب سالفة صالون سالفة اثبات رجولة علي يعني كان فاقد شخصيته من زمان وجاي يترجل علي .......واصلا ماعنده شي اسمه سر يقولج انزين وابشري وعقب انا يوم اروح بيت هلي اشوف المشاكل تتزايد علي وينقلب ضدي......اناعن نفسي ماشيه صح يعني اهو مستغرب البعض من الحريم يختربون بعد الزواج وانتي بعدج مثل ماانتي محترمة وشريفة ودوم يوم اشوفه يقولي قصة الديورل ومعزبته اللي يخونون وانا عاد بدوري اقوله سالفة العوانس اللي هم" اخواته" اللي يخونون اهلهم وحدة بوحدة.........يااااااااااه شي يجنن في هالزوج ......اصلا الاستقرار معاه ضايع بس عايشة عشان بنتي الصغيرة

 

[سـحـاب]

الله يهديكم ويصلح بينكم يارب
شكلك عنيدة وزوجك حاب يوريك إنه يقدر يفرض سلطته
عليك كزوج وماحد يلومه لو منعك حتي لزيارت جارتك أو حديقة
مثلاً وترى الصالونات مهي مهمه اكثر من بيتك وزوجك الله يهديكم لبعض ..<< يمكن انتي مقصرة معه ويبي يلفت نظرك له

 

[انحناء السنبلة]

انتي شكلك شايلة على زوجك كثير

عشان تشوفي كل تصرفاته معاكِ اثبات رجولته اللي ضايعة مثل ما تقولي


بعدين لازم ترروحي الصالون ؟؟؟؟


ولعلمك طاعة زوجك اولى من كل شي


يقولك روحي روحي ما تروحي يعني خلاص لا تروحي


والنظافة في بيتك استر واريح لك وبدون وجع راس


انا ما اعتب الصالونات الا وقت قص شعري واقعد على اعصابي لحد ما اطلع

اش يضمن الوحده اش يصير هناك !!


وامكن زوجك سامع شي عن اللي يصير في الصالونات

لا تغضبي ربك عشان شي تافه

 

[انا اعترض]

صراحة انا مستغربه يعني ياتروحي تتنظفي في الصالون ياريحتك تطلع 00يعني في البيت ماتقدري تتنظفي وتتسنعي وتتعطري اذا كانت روحتك للصالون عشانه مو عشان عندك مناسبه انا اشوف عادي اكشخي في بيتك ولاتصير مشكلة بينكم 00 الزوج لما يمنع زوجته او يسال عن مشاويرها مو معناه انه يشك فيها او مخونها بالعكس الطبيعي انه يسال انتي تخافي من اللي مايسال ولا يدقق في خروجك 00الله يصلح حالكم ويسخركم لبعض

صح لسانج اختي ..

بس الصراحه انا اشوف بعض الحريم بس يبون من ازواجهم السمع والطاعه مع ان على الزوجه هي اللي تسمع لزوجها وتطيعه .. يا اختي يوم يامرج قوليله حاضر ما بسير اللي تامرني عليه .. وبعد شهرين ثلاثه بينسى السالفه واطلبي منه تروحين الصالون بدلع وهو بيرضى .. يا اختي ريلج يبي يحس انج تسمعين له علشان جي يطلع عليج سوالف يبي يحس انه ريال يامر وينهي .. لا فيه مرض ولا شي عفانا الله ..

 

[يحق لك]

استغفر الله العظيم

 

[miss_elegant]

عنيدة وشايفة نفسج علية

 

[همس25]

احس ان فيك شي غريب

 

[نحو المستقبل]

ما ادري شقول
الاخوات كفو ووفو


كل على همه سرا

 

[اسيرة الشوق23]

اختي اذا قال مافي صالون ولا حتى من البيت لازم تقولي اوكي حبيبي مو تعاندي واذا كنتي مطيعة راح تخليك تروحي عادي انا زوجي على طول يسألني وين رايحة ومع من ومتى تجي ؟
العكس انبسط لاني اعرف اني مهمة عنده ويخاف علي ويغار علي

 

[تـ ـ ـ ـرانيم]

حبيبتي طنشي الصالون عشانه
مهما يكون زوجك وحاولي تزيني نفسك بنفسك
في بيتك تقدري تغيري بنفسك على كيفك بدون صالون وعندك الف حل لكن لا تهملي نفسك ولا تعانديه باي شي
ترى الرجال يكرهون الي يعاندهم

 

[كنز حبايبي]

والله صحيح كلام اخواتي الاعناد والله مايجيب شي

 

[زوجةاسير]

يااختي احس انك مكبرتها شوي يعني اذا ماخلاك تروحين للصالون تسوينها سالفه طيب سوي انتي نفسك انا زوجي من عرفته وهو مايخليني اروح للصالونات على قولتك بس مومعناه انه يشك فيني ولا جادلت معه هالشيء لان الرجااال يسمعون هالبلاوي من ورى الصالونات ويخااافون على زوجاتهم وسعي صدرك واحمدي ربك انه يخاف عليك ويسال عنك

 

[لاتعلمني]

ليـــــــــه ماكو حمام في بيتكم ... ترى فيه اختراع اسمه حمام :shiny:

لا ترى امزح معاج لا تزعلين وش فيج زعلانه<< احاتيجج قطري :icon26:


لا عاد من جد ماتتنظفين الا في الصالونات.. ليه ماعندكم شامبو:smoke1:

طيب تدرين اني اتنظف في بيتنا << احللللللفي:a084:


لا واسوي تقشيــــــر وحمام مغربي وسونا وحمام زيت للشعر كل شي:smile:


شفتي اني شطوره ,,, :blush-anim-cl:​