زوجي يتذمر من حركاتي أبي مساعدتكم

[أم أنوسه]

السلام عليكم مساء الخير كيفكم بنات اتمنى ما تطنشوني انا ابي استشارتكم في وضعي مع زوجي انا احبه وهو بعد بس انا اشك فيه واشك في حبه لي مع انه يحلف انه يحبني بس ماقدرت اصدق مادري ليه المهم امس كنت عند ناس ورجعنا البيت الساعه 11 ودق جواله وقال خلاص مرني انا تفاجات لانه بيطلع اول مره يسويها ويطلع في وقت متاخر كذا زعلت ولما رجع الساعه 2 ماقدرت اكلمه دموعي تسبقني لدرجة انه قال انا مليت من غيرتك وشكك لازم تتغيرين انا تعبت وش اسوي تكفون ردو علي ......

 

[مطرية]

والله مثل مقالك لازم تغرين من حالك ههههه

يمكن انتى فاضيه ماوراك شىء تشغلين وقتك بيها فكل تركيزك عليه

حاولى تنشغلين تداوين

 

[أم أنوسه]

انا مو فاضيه عندي ولد عمره 8 شهور بس الغيره والشك ذبحتني

 

[عنأقيدالوفا]

عادي انازوجي كذافاي لحظه يبي يمشي يمشي

وحتى مااعرف شي عن اتصالاته ولاربعه ولاشي

وكنت مثلك

بعدين قررت اغيرنفسي لانه هووومل مني كثير لدرجة انناتراجعناوانتكسنافي علاقتناوحبناوكل شي في حياتنا

ولوفكرتيفيهاشري اذاكان يسوي شي غلط ربك رحيكشفه وربك اللي بيحاسبه موانتي فاااانسيه لمايتصرف كذاا

وحطي فباللك انك موانتي ربه وهوموووبززززر وبس

 

[وصية رسول الله]

لاتدققين عليه وتسألينه في الطالعه والنازله
لانه بيمل
ويتعقد ويصير فعلآ مايحب الجلسه معك .... كل واحد يبحث عن المكان اللي يرتاح فيه
وبقولك شيء:
إذا في راسه خيانه بيخون سألتيه ولا ما سألتيه ... غرتي ولا ماغرتي
فـ ريحي بالك
وعيشي حياتك
وخلي عنك الشك ... أكثري من قراءة القرآن الاستغفار
الله يسخرك لزوجك ويسخره لك
يآآآرب

 

[ملـامح ..!.]

فعلا لازم تتغيرين
الشك اذا زاد عن حده بيهدم لك
بيتك و بيتحول لمرض في حياتك
حاولي تثقين فيه و بالعكس حسسيه
بها الشي و انه قد الثقه الي عطيته اياها
عشان لو بغى يغلط يقول لا هي وثقت فيني
بس اللحين لو يفكر بيقول هي شاكه شاكه
يعني خاربه خاربه

الله يسخر لك و يسخرك له و يوفقكم بحياتكم

 

[مشكلتي حبك]

عزيزتي لازم تغيرين من نفسج لا تخلين الرجال محور حياتج..في مقوله قريتها بالمنتدى اهنيه من ناعمه الهاشمي معناتها خلي حياتج مثل ما هي دراستج واهتمامج بنفسج وصديقاتج واهلج وصلاتج وكل شي يخصج بس ضفي اليها رجل..متى ماجا هلي ورحبي واذا بيطلع خليه قوليله ما تشوف شر..واذا طلع وانتي ماعندج شي اشغلي نفسج بالصلاه او حطي ماسك وسبحي ولدج أو اقري ..
في اشياء واجد تلهيج لين يرجع..أنا اول كنت نفس طبعج..بس الحين لا غيرت نفسي ..والحين احسن بواااااااااجد..
وارجو اني فدتج..

 

[نور كندا]

الله يعينك على عقلك ازا ضليتى على هالحال بتهججى الرجال او بيتجوز عليكى او بيطلقك هزه الاحتمالات الثلاثة قائمة طوال ماانتى على عقلك

 

[همس وانس]

ياحبيبتي هوني الامور اغلب الرجال كذا مايحبون احد يسألهم وين رايح ومن وين جاي ؟
بس خليك وسط لا تعطينه حريه اكبر من اللازم ولا تتدققين ع كل صغيرة وكبيرة
يعني بمعنى اصح لا تتركينه ع كيفه وبنفس الوقت لا تغثينه بكثرة الاسئلة
لي 11 سنه مع زوجي وكنت زيك بس الايام علمتني ان حقي وحق اولادي آخذه وبنفس الوقت ما احرمه طلعاته مع اصحابه وزملاء عمله وهو بعد كان يقول لي مافيك عيب الا انك كثيرة اسئلة
اسال الله لك التوفيق.

 

[ريانه*]

ياقلبي
انا لو مكانك راح افكر مثلك وليش وليش واول مره وطبعا الشيطان بياخذ مكانه مظبوط هنا
نصيحه الرجل لما يحس بثقتك فيه..راح يكون وربي قد الثقه
بس لما يحسك مو واثقه ولو انه اي رجال..الفكره هذه ممكن تكون براسه مع الزمن
استغفري ربك..ولما يطلع بيوم مره ثانيه مثل كذا
اشغلي روحك..تحممي سوي حمام مغربي..روووحي نامي..غسلي ملابس..رتبي البيت..اقري كتاب..طالعي التلفزيون..ولمي غدا بكره..سوووووووووي اي شيئ..الا انك تفكرين وينه وين راح حاولي الافكار الشيطانيه هذه تروح عن بالك..

ونصيحه اكررها لكل بنوته..خليك واثقه عند زوجك انه مافي امل يلقا مثلك..وصدقيني من جواه راح يحس ويقتنع انو مافي مثلك...الرجل يحب المراه الواثقه بنفسها..
انتبهي ياقلبي
وحاولي تتغلبي على هالمشكله
تراها مو مشكله كبيره
حلها اشغلي وقتك..
وبعدين اذا كنتي متضايقه ابكي بروحك عشان تفضفي بس انتبهي لما يرجع تبكي عنده
وضحي له انك عادي واذا طلع..طلع مع خويه عادي
هنا راح تكسبي راحتك..وتكسبي كمان احساس الثقه المتبادل
وربي يوفقك وييسر عليك^^

 

[الزوجه الاولى]

لاتدققين عليه وتسألينه في الطالعه والنازله
لانه بيمل
ويتعقد ويصير فعلآ مايحب الجلسه معك .... كل واحد يبحث عن المكان اللي يرتاح فيه
وبقولك شيء:
إذا في راسه خيانه بيخون سألتيه ولا ما سألتيه ... غرتي ولا ماغرتي
فـ ريحي بالك
وعيشي حياتك
وخلي عنك الشك ... أكثري من قراءة القرآن الاستغفار
الله يسخرك لزوجك ويسخره لك
يآآآرب

انا مع الخت كلامها صح

 

[أم أنوسه]

تسلمون على الردود والله حسيتكم مثل أخواتي الله يسعدكم دنيا واخره

 

[دلوعة عمرو]

طيب ليش تزعلين دامه طلع يعني تبغين الرجال يقعد مقابل وجهك 24 ساعه لازم يطلع ويروح ويجي عشان ما يمل منك

بعدين ليش مو واثقه انه ما يحبك يعني تبغينه يبوس ارجولك مثلا خلاص دامه قال يحبك وحلف يكفي

ما ادري كيف تفكرين ؟؟​

 

[الاميره البيضاء]

تعوذي من ابليس هو اللي يوسوس لك

 

[حلو القصيد]

مالك الاتتغيرين
والله يساعدك

 

[عاشقةليل]

والله احس مافيها شي لو قال بطلع ممكن هالامره جات بباله الطلعه

 

[أم عيالي]

نصيحة لاتتعبين نفسك وتتعبينه معك طبيعي راح يمل ويطفش منك وليش تشكين فيه

 

[اصغرزوجة]

اصبري الصبر زين ولمايطلع مع ربعة شوفيلك شي يشغلك بدل ماتجلسي تحرقي باعصابك وهو جالس مستانس

مع ربعة والزمي الاستغفار يفرج رب العالمين همك​

 

[sesebombom]

يعني ازا مره كل فتره عااااااااااادي............
حبيبتي في رجال كثير بروحوا عالبيت للنوم فقط لاعير حتى اخبار زوجاتهم وعيالهم مابيعرفوا فيها.........
بس الظاهر انه زوجك خانك ؟؟؟؟؟لانه الشك مابييجي من فراغ....
هدي نفسك واقراي قران وازكار وان شاء الله بتصيري احسن

 

[هيلينا]

نفس كلام الاخوات مادام حلف انه يحبك ثقي فيه


الله يسعدكم