زوجي و الشكوك

[fotoon99]

حبيبتي الأستاذه ناعمه, أنا أول مره أكتب بس دائما أحب أطلع و أقرى والله يساعد كل وحده و يعينها. أنا الحمدالله متزوجة من فترة طويلة و مرتاحة و سعيدة مع زوجي و عيالي بس فيه شي محيرني و هو انه ريلي دائما يحس اني أراقبه . مثلا, اذا كنت أطالعه من الدريشة يسألني ليش تراقبيني, و مره كنت يايه من الدوام و هو كان قدامي و أنا أصلا ما كنت أعرف انه ياي فهالوقت , فسألني ليش كنتي تمشي ورايي , و اذا كنا قاعدين نسولف فأشيا عاديه يقولي ليش تحققي معايي و تجرجريني بالكلام , لؤين تبي توصلي بأسئلتج؟ و أشيا بع ما أذكرها. و أنا مو عارفه ليش هالشي مع انه الحمدلله ما أشك بخيانه أو شي حرام ( لا سمح الله) لأنه ريلي الحمدلله من النوع المتشدد و الملتزم. بس يمكن انه طبيعة و ظيفته ( محقق بالشرطة) تلعب دور ولا لأ؟ و حابه أضيف شي : بعد سنتين من زواجنا عرفت انه كان يدخن و مازال طبعا صار موقف و زعلت و ........ لكن الأهم أبغي أعرف سالفة الشك هل وراها شي أو انه شي طبيعي و كيف لازم أتأكد و شو المفروض أسوي؟ أرجو المساعدة و أطلب الله دائما أن يقدرك على عمل الخير و المساعده.

 

[نونو 75]

شوفي عزيزتي لاتفكرين وايد فالموضوع ممكن طبيعة شغل زوجج تاثر وممكن طبيعته هو جذي بس انتي حاولي ما تتسببين بمشكلة وخليج عادي........... دايما اذا شك انج تحققين معاه اجلبي الموضوع سوالف وغيري الموضوع واذا شافج تشوفينه من الدريشة قوليله ادعيلك انه الله يحفظك ومن هالكلام............. انتي تقولين انج مرتاحة معاه فلا تخربين على نفسج ولا تفتحين على نفسج ابواب الشك....... والله يسعدج دايما:22:

 

[i can do]

هذي من ثاثير طبيعه عمله .. كل شخص يتاثر بشغله ..
لاتشيلين هم .. هو لانه تعود على التحقيق والمراقبات ,, فيحس ان كل اللي حوله كذا

الله يكون في عونك ..