زوجي ولا اهلي دلوني

[تـ ع بت أشتااق]

السلام عليكم ورحمة الله وبركاته
كيفكم انشالله بخير انا من المتابعين لهذا المنتدى وادمنت عليه بصراحه واقراء مشاركات البنات ومشاكلهم وجاء اليوم الي اعرض فيه مشكلتي لان احس انكم قريبات مني مره وارتحت لكم فارجو منكم تعطوني رايكم بصراحه ابغى ارتاح لاني مره محتاره
انا متزوجه وام لطفلين وفي مشاكل بين زوجي وابويا ومستحيل تنحل وكل مالها تكبر لان كل واحد اعند من الثاني ويحاول ينتقم وانا الضحيه بينهم وابويا اشتكى على زوجي بالمحكمه بقضيه فلوس والتزم زوجي فيها بس تاخر مره بشهر مادفع الابنهايته لاكن ابويا راح اشتكى مره ثانيه وزوجي انقهر وجاء حط حرته فيا ويسب فيه وانا ماادري ايش اسوي انقهر لما يتكلم عليهم وفوق هذا منعني من زيارتهم اول سمح لي والحين بعد الشكوى الثانيه منعني دلوني ايش اسوي مع ان زوجي يحبني بس احس بداء يشيل على من تصرفات ابوي انا فحيره من امري دلوني ايش اسوي مليت مابغى انحرم من اهلي ولا اقدر اتركه

 

[سـحـاب]

لله يعينك ويفرج همك ويصلح بين ابوك وزوجك

أختي أنتي اللزمي الهدوؤ في هذي الفتره العاصفه لين ربك يفرجها من عنده ...

 

[اجمل شعور]

الله يساعدج
شو سالفه البيزات ما فهمت ؟؟؟؟؟؟

 

[أمـيـرة الـحـلا]

الله يسـآعدك ويفرج همك يارب ..

بس فهمي زوجك انه انتي مالك ذنب باللي يصير بينه وبين ابوك ..

وكلمي امك اذا تقدرين انهـآ تكلم ابوك ليش يشتكي عليه للمره الثانيه وهو ملتزم بالأدآء لكنه تأخر شوي ..؟؟

وقولي لهآ انه هالشئ صار ياثر على حياتك معـآهـ ..

والله يفرج كربك ويوفق بين ابوك وزوجك على خير ..

ودي ..~

 

[شمعةالحب]

الله يعينك ويسخرهم الاثنين لبعض صعبه والله بس ان شاء الله البنات يفيدونك وانتي لاتنقلي كلام ابوك لزوجك والعكس انسي الواحد فيهم في حظرت الثاني والله يسهل دربك

 

[شيخه بنت شيخ]

انا من رائي انك تصيرين مع الحق ان كان زوجك غلطان فهميه غلطه وان ماله حق يمنعك من اهللك
وان كان ابوك اللي غلطان كلميه انتي بنفسك لاتخلين بينكم احدو سيط لاامك ولا اختك كلمي ابو وفهميه انك انتي الضحيه يمكن يرحمك ويحن قلبه عليك وصدقيني كل ابو يدور مصلحت بنته

 

[ام عمــر]

انا رايي اول شي لازم تفهمين زوجك عدل انك مالك دخل بالي يحصل بينهم دخلي امك خليها تعقل ابوكي شوي قولي لامك صارحيها قولي لها اخاف ينخرب بيتي اذا امك حكيمه خليها تتدخل وانتي من بعيد لاتدخلي حالك وشده وتزول ان شاء الله ومره ثانيه مش حلو لما يكون شغل بين الاب وزوج بنته قد ماتقدروا ابتعدوا خلوكم حلوين من بعيد الله يسعدك ويوفقك وان شاء الله خير ادعي الله والله ماهيضيعك ان شاء الله

 

[حلا ماركه]

الله يكون بعونك ويهديهم

 

[مودي روحي]

ياحياتـــــــــــــــــــــــي أنتي ....الله يهدي أبوك ...واذا زوجك منعك من أهلك اصبري لاتسوي مشاكل عــــــــــادي كثير اعرف ناس زي سالفتك وفترة وتعدي لاتخربي حياتك وتشتتي بناتك ...وكلمي امك او اخوانك يكلموا ابوك

 

[تـ ع بت أشتااق]

الله يجزاكم خير واشكركم على ردودكم وسالفه الفلوس يااجمل شعور اجار متاخر كنا ساكنين عند اهلي وصارت المشاكل وطلعنا وابوي ماصبر لين نجمعها له وراح اشتكى بس امانه يابنات دعواتكم ليا وحكاية وسيط مافي امل حاولنا

 

[الطيرالمهاجر]

الله يهديه ابوك المفروض انه يتساهل معاه شوي علشانك على الاقل اشرحي الوضع لابوك وقولي له انك انتي الضحيه بينهم وبالنسبه لزوجك لايحس انك في صف ابوك بعدين ينقلب عليك اشر قلبه
الله يهديهم