زوجي وضياع حلمي ووالدته ..... ساعدوني

أحلى تشكيلية

أحلى تشكيلية

New member
إنضم
2010/02/25
المشاركات
628
السلام عليكم ورحمة الله وبركاته ...


أنا حابه استشيركم بموضوع كثير مضايقني ...

انا مبتعثه لدولة امريكا لدارسة الماجستير وخلص أغلب اجرائاتي مابقي لي الا الفيزا

واسافر لي تقريبا سنه احلم وابحث واجمع معلومات عن المدن وافضلهم كم ناحية

المعيشه والامان والدراسه واستقريت ولله الحمد والحين لي سنه وخلاص بسافر

على شهر 24 - 5 ... حصل مالم يكن بالحسبان ...

أخبرني زوجي انه ما راح يقدر يسافر ويترك امه مع العلم اننا مو ساكنين عند والدته

وان امه متزوجه وعندها غيره سته 3 بنات و3 اولاد الاولاد 2 متخرجين من الجامعه

يعني كبار واحد توظف والثاني باقي يدور على وظيفه ...

يعني مو محتاجه شي من ولدها من الناحيه الماديه والمعنويه اكيد صح بنحزن بس اذا فكرنا

بايجابيات سفرنا وتعلمنا برا وانها فرصه الكل يتمناها واني لو مارحت هالمره راح يضيع

كل شي ومايمديني اقدم تاني على البعثه وانا حلمي اني اكمل خصوصا ان التخصص الي اتمناه

موموجود بالسعوديه وتخاصمنا والسبب امه قالتله انا موراضيه عليك لارحت طيب وانا

اضيع حلمي عشان امه ماتبي تفارقه وانا كلمتها وقلتلها ياعمه فكري بالايجابيات الي

بنلاقيها لا تطورنا علميا وغير كيذا بيترك التدخين لانه هناك مو مثل هينا بكل مكان يدخن

ونرتقي وظيفيا ...

وفوق كيذا ما سمعت مني ...

وش رايكم اكلمها تاني ولا شو انا ابد ما اراح اتنازل عن حلمي بتكملة دراستي خصوصا

اني عندي مشاكل بالنسبه للحمل واحتمال يتأخر وابي اشغل نفسي بالدراسه بس مين

يسمع كلمته واتفقنا انه يكلمها اننا نروح بس سنة اللغه ولا رحت ان شاء الله بحاول معاه

هناك وهوا بعيد عن امه اننا نكمل الماستر ....

بس وش رايكم اكلم امه تاني اولا او اتنازل عن حلمي ارضاءا لوالدته ....

والله اني مابي ازعل زوجي ولا امه بس اني اتنازل ما افكر ابد لو وصلت للانفصال ....


ياريت تدلوني على الطريق الصحيح ..
 
والله ماآآدري شقولك..الله يكتب لك الخير ياآآآرب..
 
شوفي ياعمري هذه مستقبلكم انتي وهو لازم توسطين احد من اهلك يتدخل

وهذي فرصة العمر ثاني شئ حاولي تقنعينها انو فرصت العلاج للحمل انشاء الله مضمونه

بعدين حاولي لاتياسين

قوليله بتزعل امك بعدين راح ترضي وهو رجل وله قراره يعني مو معقوله تتحكم فيه كانه عزوبي

لازم يفهمها انو رجل ما هو صغير وهذه مستقبلكم انتو الثنين عادة الام تضل تشوف اولادها صغار لما احد ينبها

الله يساعدك لاتضيعين الفرصه حاولي الله كريم يحل الازمه
 
مشكورات حبايبي على المرور مشاركتني الرأي ...

والله هذي اول مره تدخل فيها وانا خايفه انها تتعدو وهو بعد يتعود يروح لها ويشاورها بكل اموره

ادعولي الله يوفقني وييسرلي الخير .....
 
الله يكون بعونك ويحققلك اللي في بالك ياقلبي والله يسخر ام زوجك لك واكثري من الاستغفار
 
السلام عليكم

يا االغاليه حاولي تشوفي طريقه علشان ترضي فيها اكسبيها علشان تكوني ربحت زوجج وامه وراح تكبرين في نظلاه انك شايره رضاها ونفس الوقت استخيري الله ما خاب من استخار الخالق والله ما راح تخسري ابدا وادعي وان شاء الله ربي يسير كل امورك يا رب
 
الله يسعدكم على مروركم ....

مشكورات حبايبي وربي يكتب لي الي فيه الخير ....
 
كلميها تاني عشان ما يجي يوم و تحسي بندم و تقولي ياريت حاربت اكتر عشان دراستي
اعرف وحده صار فيها نفس الشي و ما راحت عشان امه
بس لليوم تندب حظها على دي السفره
والله يختارلك الخير استخيري
و انشاءالله تفككم و تسافري
 
حبيبتي هذا مستقبلك وربي راح تندمي لو ضاعت منك هاللبعثه اذا زوجك مو ناوي يطلع معك كلمي اي احد من اهلك اخوكي ااو ابوكي المهم احد يطلع نعك ولو شافك زوجك جاااااده اكييييييييييد حيطلع معك ..... الله يكتب لك اللي فيه الخير يارب
دعواتك لي انا كمان يجيني بعثه واكمل دراستي
 
يا قلبي لاتروحين الاوامه راضيه ترى زعل الام مهوب هين ونتي حاولي معها مره واثنين جيبيلها هديه وقوليها رضاك اهم شي عندنا وعطيها من ذا الحكي الزين وانشاالله يتحقق اللي في بالك
 
اختي استخيري ربك يمكن مايكون لك خير فالسفره وادعي كثير وبتشوفي العجيب العجاب بتنحل بكل سهوله واطلبي الله الخيره دائما
 
حبيبتي اتمسكي بحلمك لااتتنزلين اقنعيه بالكلام الطيب الله يوفقك
 
مادري ليه احس انها تبغى تكيييد ولا وحده تربط مستقبل ولدها برضاها وبغضبها
لاتسكتين حااااااااااااولي بكل الطرق لانك رح تندمييييييين لان الفرص تجي مرررررررره وحده فالعمر
ومستحييييييل تتكرر
ادعي بالليل وبالنهااار
واستغلي مواطن وتحري اوقااااااات الدعاء والاستجاااابه
=========
تفكيييييييييييييييير جاااااااااااااااهل
 
مشكورات حبايبي جميعا على تعاونكم معي ومشورتكم لي ...

انا ابدا لن اتنازل عن حلمي مهما كلفني الامر .....

واذا كان على الهديه انا كل فتره اهديها وهي طيبه معاي بس ما ادري ليه

ماتبينا نسافر هي اول مره يبعد عنها ولدها عشان كيذا لأنه يوم عندها ويوم

ويمكن من الشوق بس هاذا مصير مانفكر بيه بالعواطف نفكر بيه بالعقل ...

انا ان شاء الله زوجي جنبي وراح اكمل وهي بكلمها مثل امي وبشوف وش السوات

اذا ما ارضيت بكيفها خلي ولدها عندها ...

لأني ما اقدر اجلس كيذا لا اطفال ولا وظيفه وربي التفكير بيجنني .....

ادعولي ربي يسهلي اموري ويكتب لي الخير ....


انا احتاج منكم الدعاء فلاتبخلو علي .....


الله يوفقكم دنيا واخره جميعا ... ويرزقكم من حيث لاتعلمون .. يثبتكم على طاعته سبحانه ...


اللهم امـــــــــــــــــــــــــــــــــــــين
 
الله ييسر امرك يارب ويكتب لك مافيه خير وصلاح في دينك ودنياك.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل