وسام الحزن
New member
- إنضم
- 2008/07/19
- المشاركات
- 262
بطرح لكم مشكلتي وابيكم تساعدووني
انا وزوجي ساكنين بديره واهلنا بديره المهم حنا كنا رايحين لهمولما جا وقت رجعتنا قلت له ودي اجلس عندهم الاسبوع ذا لانه دايم يقولي اجلسي وانا ارفض هو بالاول رفض وبعدين قال اجلسي امي كانت مسافره للعمره وجلست عند اخوي وزوجته المهم اليوم الاول قالت مرت اخوي بنطلع لمنتزه عوايل عشان بناتها يلعبون المهم يوم دق علي الظهر قلتله بطلع معهم قال المكان ذاك ماتروحين له مع اني متعوده اطلع له دايم مع اهلي اول وهو يدري المهم قلت ليه قال بس اسمعي كلام يروحي لاي مكان نسائي بس قلت سم المهم قال اخوي بنطلع قلت انا لا ماني طالعه قالو ليه قلت زوجي مايبني اروح لذاك المكان اسكت اخوي رحنا واليوم الثاني نفس الحكايه وقام يهاوشني لاننا مارجعنا الا الساعه ثنتين بالليل واليوم الثالث جت امي ورحت بيت اهلي وارتحت ومايبيني اطلع قلت انا جالسه عند اهلي عشان ابي اطلع لا جيت عندك ماحنا طالعين قال موب كل يوم الطلعه وهو كان معيي علي اروح مع امي للعمره بعد ماقالي روحي رفض قهرني واليوم الرابع نفس الحكايه سالفتنا لاتروحين لاتطلعين خليك بالبيت قالت امي بنروح لمنتزه نسائي قلت اوكي ورحنا اشوا ماقال شي والاربعا جا وتغدى عندي ورحت معاه مع اني المفروض اجلس عند اهلي لانه بينام ونام ولا صحى الا الساعه ثنتين بالليل وانا جالسه الحالي طفشانه المهم كا ن مسوي لي مفاجاه انه ماخذ اجازه وبنروح للعمره قلت حلو فرحت المهم رحنا جلسنا ثلاث ايام ورجعنا اخذنا شاليه ثلاث ايام استانسنا الحمد لله بس لازم شي ينكد علينا بس احسن من لاشي المهم بعد مارجعنا من الشاليه قالت امه بروح العصر للجيران بتروحين لاهلك انتي قلت انا يمكن قالت اذا منتب رايحه لاهلك ماني رايحه قلتلها لا روحي المهم قلت لزوجي ودني لاهلي ماقال شي بعد ماصحا العصر اخوانه ينتظرونه بيروحون للمزرعه جميع قلت انا قايلتلك بروح لاهلي قال لا تقعدين قلت ليه امك بتطلع مابي اجلس الحالي المهم انا انقهرت وقام يهاوش علي وبالاخير قال البسي ودان لاهلي ارسلي رساله قال ماتستاهلين كل الي سويته عشانك وتركني بيت اهلي ثلاث ايام وادق عليه مايرد وارسله رسايل شي يرد وشي يسفه فيني واخر يوم جا ياخذني وقام وهزاني بالسياره وانا ساكته ويقول اقدر اطلقك واخليك انا محد متكلم عني انتي كل الناس بتتكلم عنك وانا جالسه اصيح ويقول قولي شي تكلمي وانا ساكته وبالاخير قام يسولف عادي ولا كنه مسوي شي ووداني نتمشى وعشاني بمطعم وكل شي عنده عادي وانا عقبها سويت نفسي عادي وضحكت معاه بس للحين احسها غصه بقلبي ورجعنا ديرتنا وقلت لاعاد اقوله بجلس عند اهلي انشالله انحرم من الطلعات واقابل الجدران ارحم لي من كل اللي صار قولو لي وش رايكم بتصرفاته مو تقهر هو شمالي غربي كل شي عنده اسمعي كلامي ولا يبيني اسوي شي من راسي لازم اقوله وانا مالي اي راي عنده تعبت منه حتى هو قالي يوم كان يهاوشني بالسياره يقول انا مليت منك ومن مشاكلك الاشياء التافهه يعدها مشاكل وهو دايم يفشلني عند اهله ويحرجني ويوم قلتله قال خلاص ماراح اقولك شي عندهم وقالي اكثر من مره وسكت وش رايكم ادري طولت بس ساعدوووني
