زوجي وبنت الجوال

[كويمسي]

صباح الخير يابنات مشكلتي يابنات زوجي القى عندة مسجات من بنت وكثيرة وباوقات متأخرة من الليل يعني اكون بوقتها نايمة وانا ساكنة مع اهلة واحبهم ويحبوني وغالبا يروح يجلس بالملحق وعندة نت واكيد يكلمها لاني شفت ايميلها مرسلتة من المسجات مااعرف شسوي انا حامل وتعبانة وماكانت عندنا هذي المشكلة من قبل صديقتي قالت عطيني رقمها وبعرف لك من هي طيب ولو عرفت وش بسوي ؟ ماابي اكلمها واشكالها مااحب اخوض معهم لانهم مقززين طبعا اخذ اجازة من الشغل واشغلة ولااصير ارسلة مسجات مثلها ولااكلمة كل شوي مع العلم انا كنت ارسل لة مسجات قبل نتهاوش هوشتنا اللي خلتني اجلس عند اهلي شهرين وبعد يوم ارجع لة لقيت هذي ترسل له يعني قبل ماكانت فية لاني كنت اشيك على جوالة وش اسوي معه ؟ ارجع لة مثل اول واصير اخلية هو حياتي ولااخذ اجازة ولاايش؟

 

[الحُرّه]

انتي تشتغلين؟....حلو!


طيب ليه ماتصارحينه ويسالينه عن هالرسايل؟...

وبعدها اذا جاوبك_او حتى انكر

قولي له انا مقصره معاك بايش؟.....خلينا نشوف وجهة نظره

 

[كويمسي]

مشكورة على ردك يالحرة بس لو بصارحة بيقول ليش تفتشين بجوالي وانا ماابغى يعتبرني مو اهل للثقة لانة بيرجع الغلط علي انا وبخسر ثقتة وبيصير يقفل جوالة ومايخلية مفتوح

 

[miss.cute5]

لا تشكي لي ابكي لك

انتظر رد الأخوات عليك

 

[ام الآء]

السلام عليكم ورحمة الله وبركاته

أختي كويمسي

أرجوك أن تتداركين نفسك الآن قبل ما يحدث شيء اعظم لا نحبذه جميعا

أولا كما استفدنا من الاستاذة الفاضلة ناعمة ((اقراءي قصصها))

اهتمي بنفسك كثير من الداخل عززي ثقتك بالله وثقي بما اعطاك الله من قدرات واتصلي به باستمرار حياتك!

ومن الخارج شكلك حتى وانت حامل بالعكس الحامل شكلها حلو وسوي تجديد بشكلك

والتجديد والاهتمام والتغيير ليس لإجله ولكن لك انت حبيبتي

وحاولي ان ترسلين له رسائل جوال مدح فقط! لماذا؟ لأن الرجل يحب ان يمدح ويعزز ثقته بنفسة

وتكون الرسائل قليله يعني مرة في اليومين او الثلاثة

حاولي تشبعين زوجك جنسيا وحتى وانت حامل حبيبتي فيه حركات تناسبك وتعجب زوجك باذن الله

حاولي انك تشبعين كل احاسيسه

وردت لفعل عنده ادعي ربك انها تكون ممتازة واتوقع انه اذا اشبع من كل ناحية بيحاول يهمل العلاقة المحرمة

وربما ينسحب ولكن ليس مباشرة لابد لك من الصبر..

وغاليتي اعجبتني شجاعتك!وعقلك!ورزانتك!إنك ماصارحتيه. ليس الآن وقت للمصارحة وربما لا تحتاجين ابدا ان تخبريه ربما هو سيقول لك؟!

وسبب فعله هذا الشيء ربما لوجود مساحة عاطفية فارغه حينما ابتعدتي عنه!!!

ولكنك حتما كنت مشبعته عاطفيا وفقدك فلجأ لما تكرهين ويكرهه الله!!

وزوجك والله اعلم انه يحبك ومن السهوله انه يترك فعلته ويعود لك وانت سبب لما يفعل

فاجتهدي بارك الله فيك

التفاؤل والصبر والعمل بمثابرة أصول للنجاح والفوز

(( بشرينا عنك وعن اجتهاداتك))


وفقك الله ووفق الجميع لما يحب ويرضى,,

 

[كويمسي]

ام الآء مشكوووووووووووووورة وجزاك الله ألف خير رفعتي معنوياتي كثيررررررررر بجد كنت محتاجة كلام حلو يشبعني ويوسع صدري وبحاول انشاء الله اني اجتهد في نفسي اكثر بارك الله فيك

 

[فلول]

لا لا لا احذري تصارحينه واعطيه كل الثقه بس انتي اهتمي بنفسك وكوني قويه بثقتك بنفسك وطوري مواهبك وخليه يلاحظ اهتمامك بنفسك من اجلك انتي مو على شانه واشبعيه جنسيا" وغيري من حياتك وغيري من شكلك بعد كل مده وغيري في بيتك ولا تركضين وراه برسايل اومكالمات خليه هو اللي يركض وراك وشوفي نصايح الدكتوره ناعمه في قسم الحكايات والقصص واعتبري منهاولا ترحمين الرجال لأ نك موضفه واحذري تعودينه على الصرف من راتبك حاولي قد ماتستطيعين تحملينه مسؤليتك 00 واتمنى لك التوفيق
هذي نصايحي اتبعتها انا بنفسي لاني مريت بنفس التجربه وانا الان الحمد لله احسن بكثير
لاتنسيني من دعائك اختي

 

[رياح الشمال]

الله يعينك

 

[الأسطـــــورة]

ام الاء كلام لاغبار عليه
بس ليش ماتصارحه افضل؟؟؟ وش دخل الثقة هذي مواضيع صعب التساهل فيها لان بدايتها دلع ونهايتها ولع
يمكن خوفه منها يغير شي