نبراس القلب
New member
- إنضم
- 2011/04/23
- المشاركات
- 21
السلام عليكم ورحمة الله وبركاته
بادخل معكم في القصة على طول انا متزوجة من 5 سنوات عندي طفلين الله يحفظهم ويصلحهم
اعيش مع زوجي مشاكل دائمة ، في البداية اخذته عن اقتناع وحب بعد الملكة وارتبطنا وكان كويس معي سكنت مع اهله في البيت وكانت تصير مشاكل وتدخلات في حياتي من قبل امه وابوه ، مشاكل كثيرة وكنا ننطرد من البيت انا وهو ويرجع يتصالح مع اهله ويرجعنا لهم وانا كنت اوافقلاني كنت احب زوجي ومابي اخسره
كثرت المشاكل وكل فترى قاعده تزيد يوم عن يوم لين جبت طفلي الاول وكبرت مشكلة بيننا وتركني عند اهلي انا وولدي 6 شهور بدون ولا اي شي وارسلت له رسالة بعد 6 شهور وعاد وعشنا مع بعض سنتين تتخللها المشاكل والاهانات من اهله ووصلت للضرب قررت اعيش عند اهلي وقلت اذا يبي يقعد معي لان اهله كل شوي وهم يطردونا من البيت بحكم انه لهم حتى غرفتي حقت النوم باعوها الله لايسامحهم ناهيتكم عن السرقة وقلة الحيا اللي هم عايشين فيها حسبي الله عليهم ونعم الوكيل ، المهم كشفت زوجي بعد غيابي الاول عنه انه صار له علاقات مع بنات بحكم شغله وخليته ينهي العلاقة قدامي لكن المصيبة الكبرى ان صار له علاقة مع جارتنا اللي كنت اعتبرها صديقة لي حسبي الله عليها ونعم الوكيل لكن ربي كشفهم عن طريق زوجها وقررت انفصل عنه والايام رجعتنا لبعض وجلست عند اهلي وهو كان معي
كنت اتمنى انه يفتح لنا بيت ونعيش باستقرار وكان يوعدني اول مايقدر راح يفتح وكل كلامه طلع كذب في كذب ،، المهم حملت بطفلي الثاني وانا حامل بالشهور الوسطى توفى ابو زوجي وقال زوجي بارجع اقعد مع امي مقدر اخليها بالحالها وابيك معي وبعد محاولاته وافقت وانا مو مقتنعه ناهيتكم والله اني ماقصرت معها في شي اشتغل لها مثل الخدامة وتسببلي مشاكل كاني خدامه عندها مالي احترام ابد وفوق ذا الغلط والتجريح وتحريض زوجي علي كبرت المشاكل ووصلت للشرطة وقلت والله ماسكن عند امك بعد اليوم لو بيكون الجنة في بيتها ،،
رحت لاهلي وجاء معي لانها طردته بسبب انه ماضربني ولا ادبني على قولتها ،، الله يبلاها بضربة ماتدري من وين جتها ،، المهم قعدت عند اهلي وولدت عندهم واعتبر سكنت عند اهلي معه مايقارب سنتين ورب البيت اهلي ماقصروا باي شي معه ولا معي ماكانو اهلي يخلونه يدفع ريال وهو بخيل بعد خلقه
المهم تصالح هو وامه ورجعت علاقتهم وصار يحكيلها عن مشاكلنا وانا كنت اقوله اللي بيني وبينك لاحد يعرفه مو خوف منها لكن مابيها تحقد وتخربه علي لان الزوجين ممكن ينسوا اللي بينهم صار لكن الاهل ماينسوا وهي بالذات حقووووووودة وتحب تخرب البيوت والله انها لاصارت بيني وبين زوجي مشاكل انها ماتقدر تخبي فرحتها المهم هو يوم شاف امه تصالحت معه تغير علي وصار يحاول يرجعني عندها انا رفضت بقوة وراح ارفض لين اموت انا مااسكن معها لو ايش مايصير صبرت كثير ورجعت بدال العشرة مية مره ولافاد ، المهم هو صار يحاول معي وانا رفضت كبرت المشكلة بيننا وراح وتركني نفس المدة الاولى 8 شهور لامصروف ولا اي شي وفوق هذا كله سبني وغلط علي وعلى اهلي اللي اووه في بيتهم بعد ماكانو اهله طاردينه ، وانا ماقصرت معه حتى ذهبي بعته عشانه جوالاتي عطيتهم له وماكنت اقصر بشي اخرها طلع فيني عيوب الدنيا وانا بعد هالمره ماسكت انا ماقد سبيته ولاغلطت عليه هالمره ماخليت شي في خاطري لاعليه ولا على اهله مثل ماكان يقول كنت اقول وتركنا بعض فترة طويلة
واحتجته في شي ضروري وخاص للاولاد كلموه اهلي ورفض يسوي اللي يبونه وجيت وكلمته انا بعد نصيحة من شخصية احترمها ، كلمته وقلت له العيال مالهم ذنب في مشاكلنا والشي اللي يسويه ضدهم موزين ومن هالامور سوالف كثيرة وقال طيب ابي اجي وجاء وشاف اولاده وشافني متغيره بالحيل شكلي واسلوبي ويبي يرجعلي لكن انا ابي بيت بالحالي وابيه يفك يده ويصير يصرف علينا ابي اعيش مثلي مثل اي وحده مابي اكون اسعد انسانه ابي حقوقي والله مابي كثير ابي حقوقي بس
كل اللي ابيه بيت مستقل ماحد يطردنا منه ماحد يتدخل فينا ، ابيه يصرف علي مثل الناس انا ورب البيت اغراضي ثلاث ارباعها من اهلي مااذكر انه دخل علي بهديه لو من ابو ريالين راضية بس ابي افرح مثل هالحريم ،
ورب البيت هالمره كنت خلاص مابي ارجع له حتى لو ابقى طول العمر معلقه ولا ارجعله ، لكن طفلي الكبير حيل متعلق بابوه ودايم يسالني عنه وينكسر خاطري لما اشوفه يناظر الاولاد اللي شايلينهم والدينهم ويصير يبتسم ويقولي بابا وينه وياما بكيت بسبب حركات ولدي ماودي اشوفه كذا نفسي يعيش بين امه وابوه بس ابي استقر ..
الحين انا قلت لكم قصتي ابيكم تعطوني حل وش اسوي ،، انا ابي بيت مستقل وزوجي ماله كلمة محدده كل شوي يتغير وياما وعدني بالبيت واخلف وعده وهالمره انا مابي ارجع عند امه ابد حتى لو نترك بعض للابد بس ماارجع لامه ، زوجي عنيد ومايجي بالعناد ابد ،، وانا عصبية احيانا ماحس بنفسي ، قولولي طريقة تخليني اقنعه بها ، حتى اهلي بعد اللي سواه معهم ماعادهم مثل اول تجاهه وانا مالومهم ومو زعلانه منهم بالعكس كثر الله خيرهم ماحد يسوي سواتهم سنتين ناكل ونشرب وننام ماحد يقول لنا ادفعوا شي على العكس كنا عند اهله شهريا يدفع لهم مبلغ وقدره وغير الكهرب والايجار على زوجي .
بنات ابي اقنع زوجي بالبيت المستقل ابي طريقة منكم ،، انا ادري الاغلبية بيستغرب اني رجعت له بعد كل اللي سواه لي وفيني وكيف بامنه بس والله العظيم انا رجعت عشان اطفالي لو ماعندي اطفال ماارجع له لو ايش مايكون ، على انه ماله حق عندي ابد لانو ذهبي اخذه كله اول زواجي يعني لو باطلب الطلاق مايطالبني باي شي وباكسب راحة نفسي لكن اطفالي وش اسوي فيهم واهلي كبار بالعمر الله يطول عمرهم وانتم تدرون الاخوان لاهين مع حريمهم والاخوات مع رجالهم والله يوفقهم ماحد يتحمل احد .
بنات انا قلت له اول ان حنا بنتساعد ونتعاون في البيت وقبل يتوفى ابوه رحنا وشفنا كذا بيت ولكن جاء وفاة ابوه امر مفاجئ واضطر انه مايترك امه بالحالها وهو يبيها بعد من الله ، زوجي بخيل حيل وماهو متحمل مسؤوولية وراعي سفريات ويكذب كثير وانا والله اني تبلدت احساسا منه وحتى اني خلاص مو قادره افكر باي شي غير بالبيت وبس .
الله يوفق كل وحده بترد لي لو بدعوة في ظهر الغيب ولها بالمثل يارب العالمين
ماعليه طولت عليكم بس مكتومة وماحد فاهمني وابي افضفض وابي حل ،، الله يعينكم ويعيننا
بادخل معكم في القصة على طول انا متزوجة من 5 سنوات عندي طفلين الله يحفظهم ويصلحهم
اعيش مع زوجي مشاكل دائمة ، في البداية اخذته عن اقتناع وحب بعد الملكة وارتبطنا وكان كويس معي سكنت مع اهله في البيت وكانت تصير مشاكل وتدخلات في حياتي من قبل امه وابوه ، مشاكل كثيرة وكنا ننطرد من البيت انا وهو ويرجع يتصالح مع اهله ويرجعنا لهم وانا كنت اوافقلاني كنت احب زوجي ومابي اخسره
كثرت المشاكل وكل فترى قاعده تزيد يوم عن يوم لين جبت طفلي الاول وكبرت مشكلة بيننا وتركني عند اهلي انا وولدي 6 شهور بدون ولا اي شي وارسلت له رسالة بعد 6 شهور وعاد وعشنا مع بعض سنتين تتخللها المشاكل والاهانات من اهله ووصلت للضرب قررت اعيش عند اهلي وقلت اذا يبي يقعد معي لان اهله كل شوي وهم يطردونا من البيت بحكم انه لهم حتى غرفتي حقت النوم باعوها الله لايسامحهم ناهيتكم عن السرقة وقلة الحيا اللي هم عايشين فيها حسبي الله عليهم ونعم الوكيل ، المهم كشفت زوجي بعد غيابي الاول عنه انه صار له علاقات مع بنات بحكم شغله وخليته ينهي العلاقة قدامي لكن المصيبة الكبرى ان صار له علاقة مع جارتنا اللي كنت اعتبرها صديقة لي حسبي الله عليها ونعم الوكيل لكن ربي كشفهم عن طريق زوجها وقررت انفصل عنه والايام رجعتنا لبعض وجلست عند اهلي وهو كان معي
كنت اتمنى انه يفتح لنا بيت ونعيش باستقرار وكان يوعدني اول مايقدر راح يفتح وكل كلامه طلع كذب في كذب ،، المهم حملت بطفلي الثاني وانا حامل بالشهور الوسطى توفى ابو زوجي وقال زوجي بارجع اقعد مع امي مقدر اخليها بالحالها وابيك معي وبعد محاولاته وافقت وانا مو مقتنعه ناهيتكم والله اني ماقصرت معها في شي اشتغل لها مثل الخدامة وتسببلي مشاكل كاني خدامه عندها مالي احترام ابد وفوق ذا الغلط والتجريح وتحريض زوجي علي كبرت المشاكل ووصلت للشرطة وقلت والله ماسكن عند امك بعد اليوم لو بيكون الجنة في بيتها ،،
رحت لاهلي وجاء معي لانها طردته بسبب انه ماضربني ولا ادبني على قولتها ،، الله يبلاها بضربة ماتدري من وين جتها ،، المهم قعدت عند اهلي وولدت عندهم واعتبر سكنت عند اهلي معه مايقارب سنتين ورب البيت اهلي ماقصروا باي شي معه ولا معي ماكانو اهلي يخلونه يدفع ريال وهو بخيل بعد خلقه
المهم تصالح هو وامه ورجعت علاقتهم وصار يحكيلها عن مشاكلنا وانا كنت اقوله اللي بيني وبينك لاحد يعرفه مو خوف منها لكن مابيها تحقد وتخربه علي لان الزوجين ممكن ينسوا اللي بينهم صار لكن الاهل ماينسوا وهي بالذات حقووووووودة وتحب تخرب البيوت والله انها لاصارت بيني وبين زوجي مشاكل انها ماتقدر تخبي فرحتها المهم هو يوم شاف امه تصالحت معه تغير علي وصار يحاول يرجعني عندها انا رفضت بقوة وراح ارفض لين اموت انا مااسكن معها لو ايش مايصير صبرت كثير ورجعت بدال العشرة مية مره ولافاد ، المهم هو صار يحاول معي وانا رفضت كبرت المشكلة بيننا وراح وتركني نفس المدة الاولى 8 شهور لامصروف ولا اي شي وفوق هذا كله سبني وغلط علي وعلى اهلي اللي اووه في بيتهم بعد ماكانو اهله طاردينه ، وانا ماقصرت معه حتى ذهبي بعته عشانه جوالاتي عطيتهم له وماكنت اقصر بشي اخرها طلع فيني عيوب الدنيا وانا بعد هالمره ماسكت انا ماقد سبيته ولاغلطت عليه هالمره ماخليت شي في خاطري لاعليه ولا على اهله مثل ماكان يقول كنت اقول وتركنا بعض فترة طويلة
واحتجته في شي ضروري وخاص للاولاد كلموه اهلي ورفض يسوي اللي يبونه وجيت وكلمته انا بعد نصيحة من شخصية احترمها ، كلمته وقلت له العيال مالهم ذنب في مشاكلنا والشي اللي يسويه ضدهم موزين ومن هالامور سوالف كثيرة وقال طيب ابي اجي وجاء وشاف اولاده وشافني متغيره بالحيل شكلي واسلوبي ويبي يرجعلي لكن انا ابي بيت بالحالي وابيه يفك يده ويصير يصرف علينا ابي اعيش مثلي مثل اي وحده مابي اكون اسعد انسانه ابي حقوقي والله مابي كثير ابي حقوقي بس
كل اللي ابيه بيت مستقل ماحد يطردنا منه ماحد يتدخل فينا ، ابيه يصرف علي مثل الناس انا ورب البيت اغراضي ثلاث ارباعها من اهلي مااذكر انه دخل علي بهديه لو من ابو ريالين راضية بس ابي افرح مثل هالحريم ،
ورب البيت هالمره كنت خلاص مابي ارجع له حتى لو ابقى طول العمر معلقه ولا ارجعله ، لكن طفلي الكبير حيل متعلق بابوه ودايم يسالني عنه وينكسر خاطري لما اشوفه يناظر الاولاد اللي شايلينهم والدينهم ويصير يبتسم ويقولي بابا وينه وياما بكيت بسبب حركات ولدي ماودي اشوفه كذا نفسي يعيش بين امه وابوه بس ابي استقر ..
الحين انا قلت لكم قصتي ابيكم تعطوني حل وش اسوي ،، انا ابي بيت مستقل وزوجي ماله كلمة محدده كل شوي يتغير وياما وعدني بالبيت واخلف وعده وهالمره انا مابي ارجع عند امه ابد حتى لو نترك بعض للابد بس ماارجع لامه ، زوجي عنيد ومايجي بالعناد ابد ،، وانا عصبية احيانا ماحس بنفسي ، قولولي طريقة تخليني اقنعه بها ، حتى اهلي بعد اللي سواه معهم ماعادهم مثل اول تجاهه وانا مالومهم ومو زعلانه منهم بالعكس كثر الله خيرهم ماحد يسوي سواتهم سنتين ناكل ونشرب وننام ماحد يقول لنا ادفعوا شي على العكس كنا عند اهله شهريا يدفع لهم مبلغ وقدره وغير الكهرب والايجار على زوجي .
بنات ابي اقنع زوجي بالبيت المستقل ابي طريقة منكم ،، انا ادري الاغلبية بيستغرب اني رجعت له بعد كل اللي سواه لي وفيني وكيف بامنه بس والله العظيم انا رجعت عشان اطفالي لو ماعندي اطفال ماارجع له لو ايش مايكون ، على انه ماله حق عندي ابد لانو ذهبي اخذه كله اول زواجي يعني لو باطلب الطلاق مايطالبني باي شي وباكسب راحة نفسي لكن اطفالي وش اسوي فيهم واهلي كبار بالعمر الله يطول عمرهم وانتم تدرون الاخوان لاهين مع حريمهم والاخوات مع رجالهم والله يوفقهم ماحد يتحمل احد .
بنات انا قلت له اول ان حنا بنتساعد ونتعاون في البيت وقبل يتوفى ابوه رحنا وشفنا كذا بيت ولكن جاء وفاة ابوه امر مفاجئ واضطر انه مايترك امه بالحالها وهو يبيها بعد من الله ، زوجي بخيل حيل وماهو متحمل مسؤوولية وراعي سفريات ويكذب كثير وانا والله اني تبلدت احساسا منه وحتى اني خلاص مو قادره افكر باي شي غير بالبيت وبس .
الله يوفق كل وحده بترد لي لو بدعوة في ظهر الغيب ولها بالمثل يارب العالمين
ماعليه طولت عليكم بس مكتومة وماحد فاهمني وابي افضفض وابي حل ،، الله يعينكم ويعيننا
