زوجي والهديــــه

[موجت بحر]

مرحبا ياجماعة الخير .... كيف اخلي زوجي او اعوده يجيب لي هديه في المناسبات .... نحن الحمدلله علاقتنا حلوه مع بعض بس هو ابدا ما يجيب لي هدايا ..... انا اقصد ان حلو الزوج يهدي زوجته على الاقل يحسسني بالاهتمام ,,, هو زوجي من النوع الي ما يعرف يقول كلام حب ابدا وجاف في التعامل معظم الاوقات بس الحمدلله احسن عن غيره ,,, انا بس اريده يتعود يجيب لي هديه مثلا اذا ربيت ,,,,, يا ليت الي عندها خبره او تجربه ما تبخل علينا والسموحه

 

[قلبي مملكة بنتي]

انتي جيبي له يمكن يستحي منك ويردلك اياها وبعدين وانتي جالسة معه قولي ماشاء الله فلانه جاب لها زوجها هدية تدري والله فرحة بها حظها والله الهدية تفرح القلب حتى لو بس وردة بس يكفي تذكرها وعقبالنا ويالله لعل وعسي يتحرك ويجيبلك

 

[جنوبيه غربيه2]

ابدئي انتي بتقديم الهديه في مناسبه بينكما واتوقع انه بيرد لك بمثلها

 

[حناااان الكون]

انتي جيبي له يمكن يستحي منك ويردلك اياها وبعدين وانتي جالسة معه قولي ماشاء الله فلانه جاب لها زوجها هدية تدري والله فرحة بها حظها والله الهدية تفرح القلب حتى لو بس وردة بس يكفي تذكرها وعقبالنا ويالله لعل وعسي يتحرك ويجيبلك

اسمحي لي خطأ كبير أن الحرمه تقول لزوجها فلان جاب لفلانه هديه ومن ذا الكلام لان بياخذها بباله انه حرمته جالسه تقارنه بفلان وعلان وهذا أكبر خطأ ترتكبه الأنثى​

 

[القلب المهجور]

والله نفس مشكلتي

ماخليت شي لمحت وصرحت حاولت وزعلت

ومافيه فايده

على كثر ماأهدي له ماأشوف منه هدايا

هو بس يفكني من شره وموب لازم هدايا

إن شاء الله زوجك يفاجئك بهديه حلوووه

أنتي بس تفائلي

بالتوفيق

 

[حنانوو]

اذا انتي تبين شي وتبين توصلينه يااختي لازم تبادرينه مثلا كسب مشروع طلعتي من النفاس قدميله هدية يوم زواج قبلها باسبوع سوي حفلة صغنونة وقدمي له هدية شوي شوي هو بيستحي وبيقدملك الحرمة لازم تعود زوجها جاف باسلوبه مثلا طلعت منه كلمة حلوة طيريه فوق لبيله اومره كذا بيقول بنفسه كلمة وحده سوت كذا اجل كيف اذا كلام انبهري باي شي يسوي لوبكلمة لوبشنو خليه بعيونك شي
اذا جابلك المقاضي للبيت امدحي فيه اشكري فيه اذا طلعك انتي لازم تعودينه صدقيني زوجك اذا بديتي معاه بالكلام وكل شي راح يتغير شوي شوي بس يبيلة صبر
وانتبهي تقارنينه بفلان ولازوج اختي ومن هالحكي لان بيتضايق وبتدخلين بمشاكل انتي غنى عنها
والله يحقق لك كل اللي تتمنينه ويجملك بنظره ويسعدكم يارب
ويسحره فيك سحر حلال
ويسخره لك يارب يارب

 

[موجت بحر]

اتصدقون انا دايما اجيب له هدايا وتكون قيمه ما اجيب له اي شي بس هو خبر خير ,,,,, نحن من خمس سنوات متزوجين وما جابلي هديه الا مره وحده ونفسها جاب لامه وكانت عطر بس : ( ... الحرمه تحتاج انها تحس بتقدير من زوجها ولو بشي بسيط وماشالله عندنا ثلاث بنات وفي كل ولاداتي ولا مره جاب لي شي : ( يلا الحمدلله ع كل حال الله يسخره ويسخر كل زوج لزوجته ,,,,

 

[Y3RB_WFQNY]

اتمنى ارررررررررقص معه اجنبي اذا تزووجته ...

يالله يارب يجيبلك هديه
,,,,,,,, وياارب نرقص انآ ويآإأهـ بالليله العرررس بعد كككككككككك

 

[روحي فدااة]

واللة ياختي الرجال على العادة يعني اذا من الاساس مايعطي ماراح يعطيك الا اذا جت مرة بالغلط مافي احد كثري المح واقول بصريح العبارة واجيب شي غاااالي بس واللة مافاد ابو طبيع مايوز عن طبعة

 

[شمعة تضئ للغير]

ابي أنتي وجيبيله هدية وهوبعد كذا حيبدأ يرده لك ( هو ياأختي أكبر هدية لك ) لاتكونين طماعة هههههه أمزح معاك

 

[alashi]

يا عزيزتي موجة بحر كلام العضوة الحكيمة حنانوو رائع وجربته وفعلا مع الوقت بيتأثر وأحب اقول لك ما تخلي هذه المشكلة تأثر فيك أنت جيبي لنفسك ورد وهدايا مثلا في مناسبة خاصة بكما جهزي جو رومانسي هادئ واشتري الورد إلي تحبيه وممكن تشتري كرت جميل وقلم عليه قلوب ثم تكتبي أنت وهو بعض الكلمات لبعضكم أنا جربتها وكان شيء رائع ما تنتظري مبادرته بالهدية
واعلمي عزيزتي الرجل أحيانا يعتبر معملته الطيبة وتوفيره لكل ما تطلبيه هو هدايا يومية يقدمها ويتوقع منك التقدير لكل ما يقوم به
وكانت أمي تدعو أن يجعلني في عينه أجمل النساء وأن يحنن قلبه علي فالدعاء الدعاء
واسأل الله أن يعطيكي كل ما تتمنين وان يجعلك في عينين زوجك أجمل وأروع النساء