ميرا العين
New member
- إنضم
- 2009/07/09
- المشاركات
- 2
الدكتورة العزيزة ناعمة
احبج في الله يا فاعلة الخير ومنورة عيون وقلوب الحريم الحايرة والمنكسرة يزاج الله خير على كل حرف تقولينه لهم
عزيزتي دكتورة ناعمة مشكلتي انني اعاني من حب زوجي للنفخة والتفاخر
اهو طيب وحنون وبيحبني ومافي منه متسامح مع الكل بس بيطيح فريسة للي ينفخونه لانه بيحب النفخة وكل من يطبطب له وينفخ فيه بيفتكره انه بيحبه وبيخاف عليه او ان الشخص هذا بيعرف قدره زين
حذرته وقلت له مابيك عيب انت احلى رجل واشجع رجل واطيب رجل ونشمي وكل حرمة تتمنا ريلها يكون مثلك ووايد حريم يتحسرون على نصيبهم مو بريال مثلك بس خليك واثق من حالك ومو كل من قالك كلمة تتفاخر وتصدقه في ناس وايد ينفخون فالشخص ويطبلون له ويغنون له بس القصد منه الطمع او استغلال النقطة هي فيك لاغراض دنيئة
ما صدقني وبيغالط روحه ويغالطني تصدقين ناس وايد من اصحابه بوجهين بيتكلمون عنه انت شيخ اخوتك وانت لو ركبت حمار بتظل شيخهم ولو ركبو البحر والسما ماهم بشي قدامك وبالظهر بيتكلمون عنه قدام اخوته لين استوت مشكلة بينهم وباحذر ومابينفع معاه
وكل من عنده مشكلة او بيحتاج شغلة وواسطة بييوون ويطبلون له انت كبيرنا وانت كذا وهو يتم شهر رايح يايا عشان يكمل شغلتهم وبس تتم شغلتهم بيسيرو لا سلام ولا اتصال
وانا تعبانة من كثر ما انصح واحذر والحين اهو نازل دبي واحد من الربع بيعرس وله يومين نازل مع الشلة واخذوه بسرعة بسرعة وكل واحد بيقول له كلمة عشان يقتنع يروح معاهم وهو كان رافض يروح
كان في شغل المفروض يتابعه اليومين هذيل بروحه وفي امور كثيرة معلقها وتركها بس لانهم قالو له نبي بوجودك نكسر ونضيع وجود فلان واحد من الربع متكبر عليهم وشايف عمره من يوم الله عطاه ورزقها وما كان معاه البيزات اللي تكفيه اهو متعود لين نزل ثلاث اربع ايام برة ابو ظبي ما بينزل الا بفندق راقي ونظيف وبيدلع عمره وبالاعراس بيكون يشارك او بيقدم هدية ثمينة
تصوري جرجروه وخذوه وحن بنكمل لك وبنتحاسب بعدين ومو بمشكلة وبالاخر لما وافق ينزل معاهم تخيلي كم بيعطونه وهم سبعة ريايل عطونه 2000 درهم ةاتعذرو له انت عارف البير وغطاه وانت تستاهل وووو الخ حتى هو زعل وقال يبوني انزل واشرفهم وظروفي صعبة ومتضايق ماديا بيعطونني 2000 درهم ؟ قلت له لو مضايقك تصرفهم لا تسير ولا توطي حالك لهم شو عرس تذل عمرك لهم عشان تروح ترقص وتغني شوف اعمالك المتعلقة وتابع شغلك اللي بيحتاج اهم وبعد العرس سير لربيعك وقدم له التهاني وهدية عليها القيمة وتشرفك
بس لا اذن بتسمع ولا عين تشوف دخل علي بليلة ومستعيل يالله يالله جهزي لي الجنطة باسير مع الربع ناطريني تحت
وانا مثل المينونة صرت منها اتعصبت ومنها مادري شو احط له كيف ارتب وهو على راسي بعد يبي يحلق ويبي يلبس ولو تشوفين الغرفة تركركبت فوق حدر صرخت بس روح فك عنني وترتني
ولما نزلو طلعت البلكونة وطالعت فيه شفت كل واحد بسيارته تقريبا 8 سياير ورا بعض لاندكروز واول ما حركو طاروا سارو بسرعو وبتهور
اتصلت في وقلت له دير بالك على روحك ولا تسوق مثل ربعك ولا سامح الله يستوي حادث لا تنسى في لك ناس هني ينطرونك ترد لهم بالسلامة قال ماتخافي واول ماوصل باتصل فيج
وهداك الكلام ولليوم
نزلو لثلاثة ايام واليوم له اسبوع اتصلت فيه بعد يومين رد علي بغرور عرفت انهم يالسين وبينفخو فيه واهو مصدق عمره ونسى حاله منفوخ علي وبيكلمني بتكبر وبكلمتين كانني موظفة عنده و ويالاخر قال لا تتصلين معي رجال باكلمج انا وما عاد اتصل
اريدج تنصحيني دكتورة كيف اتعامل مع الريال هذا تعبت انا من انصحها وتصدقين انه نزل وما ترك لي مصروف كنا موفرين بالبيت فلوس رحت اطلعها وادبر عمري لقيته ماخده وتارك الامور معلقة وانا اللي باواجه وكل الديانة بيجو ويعاتبوني وليش عمل جذي معانا وكيف سافر وما معه فلوس يرد ديوننا وحتى والشغلة اللي كان المفروض اليومين اللي طافوا يكون اهو موجود شخصيا رحت انا بداله واحرجني الريال وقال اللي يبي يكسب ما بيدور على الاعراس والافراح بيحضر بروحه للشغل وكان ممكن يكسب من ورا الشغلة 100000 درهم بس ما باقول غير حسبي الله ونعم الوكيل
انا عارفة انه الحين مصدق ان الناس بيحبونه اكتر مني وبيقدرونها وانا اللي كنت باكسر شوكته وباكرهه فيهم ويشهد علي الله ماني حكيت غير لمصلحته
انا قلت لروحي اول مايرجع اعاتبه واوقول له على الاحراج اللي سببها لي مع الناس ومع انني حذرته وبينت له الاهم ثم المهم مش اترك المهم واروح ادور على اللي ينفخني
اريده يتنور ويكشف بصيرته على الناس الي حواليه وما ينخدع فيهم ولا يركض ورا الفشخرة الكدابة على قولة اخواننا المصريين
ساعدني ونوريني انتي اللي تنوري بصاير الحريم ساعديني انور بصيرة ريلي وينتبه لعمره وما يشوفنني انا الخبيثة اللي ماريدله الخير والغير يحبونه ويقدرونه
لا تبخلين علي بالرد وانتي محشومة من البخل كلج كرم وحنية وفهم يزاج الله كل خير
السموحة طولت عليج
احبج في الله يا فاعلة الخير ومنورة عيون وقلوب الحريم الحايرة والمنكسرة يزاج الله خير على كل حرف تقولينه لهم
عزيزتي دكتورة ناعمة مشكلتي انني اعاني من حب زوجي للنفخة والتفاخر
اهو طيب وحنون وبيحبني ومافي منه متسامح مع الكل بس بيطيح فريسة للي ينفخونه لانه بيحب النفخة وكل من يطبطب له وينفخ فيه بيفتكره انه بيحبه وبيخاف عليه او ان الشخص هذا بيعرف قدره زين
حذرته وقلت له مابيك عيب انت احلى رجل واشجع رجل واطيب رجل ونشمي وكل حرمة تتمنا ريلها يكون مثلك ووايد حريم يتحسرون على نصيبهم مو بريال مثلك بس خليك واثق من حالك ومو كل من قالك كلمة تتفاخر وتصدقه في ناس وايد ينفخون فالشخص ويطبلون له ويغنون له بس القصد منه الطمع او استغلال النقطة هي فيك لاغراض دنيئة
ما صدقني وبيغالط روحه ويغالطني تصدقين ناس وايد من اصحابه بوجهين بيتكلمون عنه انت شيخ اخوتك وانت لو ركبت حمار بتظل شيخهم ولو ركبو البحر والسما ماهم بشي قدامك وبالظهر بيتكلمون عنه قدام اخوته لين استوت مشكلة بينهم وباحذر ومابينفع معاه
وكل من عنده مشكلة او بيحتاج شغلة وواسطة بييوون ويطبلون له انت كبيرنا وانت كذا وهو يتم شهر رايح يايا عشان يكمل شغلتهم وبس تتم شغلتهم بيسيرو لا سلام ولا اتصال
وانا تعبانة من كثر ما انصح واحذر والحين اهو نازل دبي واحد من الربع بيعرس وله يومين نازل مع الشلة واخذوه بسرعة بسرعة وكل واحد بيقول له كلمة عشان يقتنع يروح معاهم وهو كان رافض يروح
كان في شغل المفروض يتابعه اليومين هذيل بروحه وفي امور كثيرة معلقها وتركها بس لانهم قالو له نبي بوجودك نكسر ونضيع وجود فلان واحد من الربع متكبر عليهم وشايف عمره من يوم الله عطاه ورزقها وما كان معاه البيزات اللي تكفيه اهو متعود لين نزل ثلاث اربع ايام برة ابو ظبي ما بينزل الا بفندق راقي ونظيف وبيدلع عمره وبالاعراس بيكون يشارك او بيقدم هدية ثمينة
تصوري جرجروه وخذوه وحن بنكمل لك وبنتحاسب بعدين ومو بمشكلة وبالاخر لما وافق ينزل معاهم تخيلي كم بيعطونه وهم سبعة ريايل عطونه 2000 درهم ةاتعذرو له انت عارف البير وغطاه وانت تستاهل وووو الخ حتى هو زعل وقال يبوني انزل واشرفهم وظروفي صعبة ومتضايق ماديا بيعطونني 2000 درهم ؟ قلت له لو مضايقك تصرفهم لا تسير ولا توطي حالك لهم شو عرس تذل عمرك لهم عشان تروح ترقص وتغني شوف اعمالك المتعلقة وتابع شغلك اللي بيحتاج اهم وبعد العرس سير لربيعك وقدم له التهاني وهدية عليها القيمة وتشرفك
بس لا اذن بتسمع ولا عين تشوف دخل علي بليلة ومستعيل يالله يالله جهزي لي الجنطة باسير مع الربع ناطريني تحت
وانا مثل المينونة صرت منها اتعصبت ومنها مادري شو احط له كيف ارتب وهو على راسي بعد يبي يحلق ويبي يلبس ولو تشوفين الغرفة تركركبت فوق حدر صرخت بس روح فك عنني وترتني
ولما نزلو طلعت البلكونة وطالعت فيه شفت كل واحد بسيارته تقريبا 8 سياير ورا بعض لاندكروز واول ما حركو طاروا سارو بسرعو وبتهور
اتصلت في وقلت له دير بالك على روحك ولا تسوق مثل ربعك ولا سامح الله يستوي حادث لا تنسى في لك ناس هني ينطرونك ترد لهم بالسلامة قال ماتخافي واول ماوصل باتصل فيج
وهداك الكلام ولليوم
نزلو لثلاثة ايام واليوم له اسبوع اتصلت فيه بعد يومين رد علي بغرور عرفت انهم يالسين وبينفخو فيه واهو مصدق عمره ونسى حاله منفوخ علي وبيكلمني بتكبر وبكلمتين كانني موظفة عنده و ويالاخر قال لا تتصلين معي رجال باكلمج انا وما عاد اتصل
اريدج تنصحيني دكتورة كيف اتعامل مع الريال هذا تعبت انا من انصحها وتصدقين انه نزل وما ترك لي مصروف كنا موفرين بالبيت فلوس رحت اطلعها وادبر عمري لقيته ماخده وتارك الامور معلقة وانا اللي باواجه وكل الديانة بيجو ويعاتبوني وليش عمل جذي معانا وكيف سافر وما معه فلوس يرد ديوننا وحتى والشغلة اللي كان المفروض اليومين اللي طافوا يكون اهو موجود شخصيا رحت انا بداله واحرجني الريال وقال اللي يبي يكسب ما بيدور على الاعراس والافراح بيحضر بروحه للشغل وكان ممكن يكسب من ورا الشغلة 100000 درهم بس ما باقول غير حسبي الله ونعم الوكيل
انا عارفة انه الحين مصدق ان الناس بيحبونه اكتر مني وبيقدرونها وانا اللي كنت باكسر شوكته وباكرهه فيهم ويشهد علي الله ماني حكيت غير لمصلحته
انا قلت لروحي اول مايرجع اعاتبه واوقول له على الاحراج اللي سببها لي مع الناس ومع انني حذرته وبينت له الاهم ثم المهم مش اترك المهم واروح ادور على اللي ينفخني
اريده يتنور ويكشف بصيرته على الناس الي حواليه وما ينخدع فيهم ولا يركض ورا الفشخرة الكدابة على قولة اخواننا المصريين
ساعدني ونوريني انتي اللي تنوري بصاير الحريم ساعديني انور بصيرة ريلي وينتبه لعمره وما يشوفنني انا الخبيثة اللي ماريدله الخير والغير يحبونه ويقدرونه
لا تبخلين علي بالرد وانتي محشومة من البخل كلج كرم وحنية وفهم يزاج الله كل خير
السموحة طولت عليج
