بادئ الموضوع تاريخ البدء
  • المشاهدات 1,347
  • الردود 16
الحالة
مغلق و غير مفتوح للمزيد من الردود.

مسافرة

New member
إنضم
4 مايو 2008
المشاركات
50
مستوى التفاعل
0
النقاط
0
باختصار..

أنا موظفة ومن تزوجت أحس إنه يستكثر يمد لي الريال

عندي طفل منه وما يفكر يدفع له غير حق الحليب والحفاظ -الله يكرمكم-

حالته المادية معقولة .. عنده استعداد يدفع دم قلبه لأهله ويصرف عليهم لكن لما اقوله اني ابغى فلوس عشان طفلي الصغير يقول مو لازم بعدين حتى ملابس البيبي والله ما جهزتها الا قبل ولادتي بأيام ومن راتبي لما حسيت اني مضطرة..

ناقشته كثير وبهدوء .. ما اوصل معه لنتيجة دائما يطلعني انا الغلطانة ويزعل ، واتعوذ انا من ابليس وامشي الموضوع واراضيه (محتسبة الأجر من الله) لحد ما حسيت انه تمادى

اخرتها اليوم طلبته فلوس قال ما معي << هذي الكلمة عودني عليها
بس اللي يحز في خاطري اني في اللحظة نفسها شفته يمد مبلغ 200 ريال لأخته عشان تروح المشغل(يتيمة) أنا ما أحسدها ولا أبيه يحرمها بس حز بخاطري لما أشوفه يدفعني أصرف على نفسي في كل حاجة كل حاجة حتى ولدي رغم انه مقتدر مادياً..

والمصيبة انه طلع من البيت زعلان،وقفل جواله شوفوا أذن الفجر الحين وما رجع ، مع العلم ما عنده شلل ولا استراحات يسهر فيها ولله الحمد.

هذا زيادة على انه مهمل في كل شي ...اي شيء يخرب في البيت ويحتاج تصليح انسي انه يصلحه ..
او حاجة تنقص البيت كل شي عنده بعدين او يقول ان شاء الله... مهمل حتى في هندامه

تخيلوا لي 3 سنوات متزوجة ملابسه هي هي ما فصل الجديد ولا اشترى غيرها رغم انها تبهذلت وما بقى منها غير واحد!!!!!

أتمنى اللي تقرأ موضوعي أقل حاجة تدعي لي يصلح حالي لأني أحس إني ما أقدر أتحمله يمكن في يوم من كثر قهري أطلب الانفصال واريح دماغي.
 
إنضم
1 مايو 2008
المشاركات
546
مستوى التفاعل
0
النقاط
0
قلبي معك يالغاليه الله يكون في عونك ويهدي زوجك
ويصلح مابينكم يارب
 

وصيت قلبي~~

New member
إنضم
12 مايو 2008
المشاركات
350
مستوى التفاعل
1
النقاط
0
اختى الغاليه
صدقيني بمقدورك انتي ان تجعلي زوجك يصرف عليك
والمفروض التعويد من البدايه
راتبك حاولي انك ماتخلينه يأمل فيه
مثلا ابوك يمر في ازمه ماليه وسالك يابني ناقصك شي
انتى طبعا حمدتي الله على زوجك قدام ابوك
ومدحتيه قلتي مو مخليني ناقصه شي
وطلب تمدينه بمعونه لين تعدي الازمه
ولان انتى تحولين راتبك لابوك
مامعك ولافلس ساعتها يبدا يحس انه لازم يعولك
انتى وطفلك مجرد اقتررراح
يمكن ينفع
ولا تخلين المال هو اللغه الوحيده بينك وبين زوجك ترا يمكن يحس انك طماعه
وانك من النساء اللي تستهدف جيبه
بالتالي يبخل عليك
الله يهديه ويصلحه لك يارب
 
إنضم
1 يونيو 2008
المشاركات
99
مستوى التفاعل
0
النقاط
0
الإقامة
في قلب من أحب
غاليتي عوديه على تحمل مسؤلية عياله

لأن مستقبلا راح يكون اثنين وثلاثه مثلا خذ بنتك وقضي لها ملابس

خذها وديها البقاله ولما البنت تكبر اكثر خليها تروح بنفسها وتطلب طلباتها من أبوها

وأنتي يبي لك شوي صبر وعوديه على تحمل مسوؤليه بيته وعياله بس بدون

تتعبين نفسيتك ولاترهقين حالك يعني لاتخلين هالأمور تبعد بينك وبينه ويتعود

على هجرانك والنوم برا البيت أنتبهي من هالشي


لاتقولين فات الوقت بإمكانك تتداركين الأمر وهذا حال الموظفات في أتكال الزوج

على رواتبها وأنك تحطين أكثر ماهو يحط في بيته أخلي مسؤليتك من مقاضي البيت

أضعف الأيمان مثلا قولي أيش رايك نروح نقضي لبيتنا والصراحه ودي نقضي لأهلك معنا

ومره قولي عطني مصروف بأروح السوق وودي أخذ هديه للبنت اليتيمه أكسبيه وعوديه يعطيك

من هالباب مثلا قولي أبي مصروف شهري لبنتك

ومن ناحيه ملابسه أنتي غيرها له مافيها شي كثير منا يسوي كذا نشري لهم من مصروفنا الخاص


وربي يهدي سرك يارب ويصلح ذات بينكم
 

أم مصرية

New member
إنضم
17 مايو 2008
المشاركات
294
مستوى التفاعل
0
النقاط
0
هوه ده حالنا كلنا نحن الموظفات بيعتمد على إنك بتشتغلى و بتستقطعى من وقته ووقت البيت فبالتالى بيحللها لنفسه
أنا مثلك بالظبط بل و أزيد عليكى إنه ما يدفع ثمن الحفاضات و نادرا ما يعطينى ما اصرفه على البيت او يقولى انتى النص و انا النص
 

شهد الحلوه

New member
إنضم
15 ديسمبر 2007
المشاركات
112
مستوى التفاعل
0
النقاط
0
الله يفرج لك اختي
وييسر امرك عاااااجلا غير اجل
احسن حل اشري لك عقار وقسطي راتبك كله للعقار ماعدا 300ريال مثلا
وخليه هو اللي يمشي بموضوعك ويدري انك ماعندك دخل وانه ملزم انه يصرف عليك
انتبهي اختي ترى غلطه كبيره انك تصرفين على نفسك الرجال مالهم امان وياما سمعنا قصص تشيب لها الراس
انتي ببداية الطريق وبيدك الحل
 

عزيز الروح

New member
إنضم
19 يونيو 2008
المشاركات
286
مستوى التفاعل
0
النقاط
0
اولاُ : ما اقول الا الله ايعينك
ثانيا: احب اعطيكي نصيحة اجعليه يفهم انك خلاص مليتي من العمل وتبغي تطلع تتفرغي اليها لوحده بس وتربية ابنك
وخذي اجازة من دون راتب من شغلك كذا شهر علشان ايحس ان ماعندك مدخول تستندي عليه وفي هذي الفترة اتدللي عليه واعطيه من كلام الحب اللي كان احس فيها قبل قبل ما اتجيبي ابنك والله ايوفقك ترى الحل في ايدك
لان الرجل يقدر يتغير اذا شاف المراءه قوية وراغبة فيها اشد الرغبة

تحياتي
ولايات
 

مسافرة

New member
إنضم
4 مايو 2008
المشاركات
50
مستوى التفاعل
0
النقاط
0
اختى الغاليه
صدقيني بمقدورك انتي ان تجعلي زوجك يصرف عليك
والمفروض التعويد من البدايه
راتبك حاولي انك ماتخلينه يأمل فيه
مثلا ابوك يمر في ازمه ماليه وسالك يابني ناقصك شي
انتى طبعا حمدتي الله على زوجك قدام ابوك
ومدحتيه قلتي مو مخليني ناقصه شي
وطلب تمدينه بمعونه لين تعدي الازمه
ولان انتى تحولين راتبك لابوك
مامعك ولافلس ساعتها يبدا يحس انه لازم يعولك
انتى وطفلك مجرد اقتررراح
يمكن ينفع
ولا تخلين المال هو اللغه الوحيده بينك وبين زوجك ترا يمكن يحس انك طماعه
وانك من النساء اللي تستهدف جيبه
بالتالي يبخل عليك
الله يهديه ويصلحه لك يارب



أختي الحبيبة.. جزاك المولى عني خير الجزاء،وأثابك على ما تفضلت به.

من البداية ما عطيته فرصة لدرجة إني أول زواجي أخذت إجازة استثنائية طويلة وكل ما انتهت مددت
ومع هذا كنت ملاحظة بخله علي وحفاظه على الريال بزيادة..

تصوروا أول شهور زواجي طلبني اقترض من البنك عشان زواج أخوه!!!!!!!!!!!!!!!!

من الصدمة ما بغيت أخسره رديت عليه بديبلوماسية بعدها قلت له ردي (الرفض)

تدرون وش سوى راح بطريقة ما وكشف عن حسابي في البنك بواسطة مدير الفرع(صديقه) الله لايسهل عليه يوم انه يتتبع عورات الغافلين

وجاء زعلان يقول عندك في رصيدك مبلغ (...........) وتقولين ما أقدر أسلفك
صّرفتها بطريقتي الخاصة قلت هذي لأمي ما أقدر أتصرف فيها لأن ماعندها حساب ولا تفهم في هالسوالف.

لعلمك:
أهلي من الأيام الأولى استشفوا هالحرص منه بدون ما أبوح بهالشي وحذرتني كثير أختي الكبيرة من إني أعطيه ريال واحد.
وسمعته مرة يقول بالجوال لزميله اللي يبارك له بالزواج :

يقوله مبروك أخذت مدرسة أجل؟؟
قال زوجي : إيه أنا فلااااان ما أطيح إلا متواسي <<< خفت من الكلمة وفهمت منها إنه مقبل على طمع
وهذا اللي أشوفه كل فترة ما عندي فلوس وليته يسكت لا، عيونه على فلوسي بس طايح لي سلفيني

لحد ماقلتها في وجهه لا تفكر إني بسلفك .. أنا ما أحب الدين ولا عندي استعداد لوجع الراس
رتب أمورك واصرف بالمعقول.. اللي يسمعك يقول هذي منتفته من كثر المصاريف!!

والله انه يمر أسابيع والثلاجة فاضية ما يعلم بي غير ربي ومع هذا يشوف اني متعبته بالمصروف
من كثر ما الح عليه ما عندنا دجاج ما عندنا خضرة ماعندنا خبز ....صرت أطنش لاني تعبت ومليت.
 

عيون قلبي

New member
إنضم
13 مارس 2008
المشاركات
675
مستوى التفاعل
0
النقاط
0
الله يهدي قلبه ويسخره لك ويفرج عليك ياااااااااااااااااااااااارب
 

مسافرة

New member
إنضم
4 مايو 2008
المشاركات
50
مستوى التفاعل
0
النقاط
0
غاليتي عوديه على تحمل مسؤلية عياله


لأن مستقبلا راح يكون اثنين وثلاثه مثلا خذ بنتك وقضي لها ملابس

خذها وديها البقاله ولما البنت تكبر اكثر خليها تروح بنفسها وتطلب طلباتها من أبوها

وأنتي يبي لك شوي صبر وعوديه على تحمل مسوؤليه بيته وعياله بس بدون

تتعبين نفسيتك ولاترهقين حالك يعني لاتخلين هالأمور تبعد بينك وبينه ويتعود

على هجرانك والنوم برا البيت أنتبهي من هالشي


لاتقولين فات الوقت بإمكانك تتداركين الأمر وهذا حال الموظفات في أتكال الزوج

على رواتبها وأنك تحطين أكثر ماهو يحط في بيته أخلي مسؤليتك من مقاضي البيت

أضعف الأيمان مثلا قولي أيش رايك نروح نقضي لبيتنا والصراحه ودي نقضي لأهلك معنا

ومره قولي عطني مصروف بأروح السوق وودي أخذ هديه للبنت اليتيمه أكسبيه وعوديه يعطيك

من هالباب مثلا قولي أبي مصروف شهري لبنتك

ومن ناحيه ملابسه أنتي غيرها له مافيها شي كثير منا يسوي كذا نشري لهم من مصروفنا الخاص



وربي يهدي سرك يارب ويصلح ذات بينكم


الله يجزاك كل خير ويرزقك ما تمنين يااارب

تحمل المسؤولية لبيته هذي بتعب من الصبر عليها لأني من أول زواجي حاولت اربطه فيني ومسؤوليتي
كل ساعة يقول خلي اخوانك حتى المستشفى ومواعيده قولي لاخوانك يضبطونها لك
رغم انه فاضي 24ساعة (ماعنده دوام رسمي يربطه)

إلى حدما قدرت أحسسه إن عنده زوجه لازم يشوف أمورها .. بس إلى يومك متضايق من هالرابط
وحملني مسؤولية الطفل إذا بغيت مستشفى خلاني أدفع تكاليف الكشف والدواء
وقال وش حادك تروحين مستوصفات أهليه!!!!

وسالفة اني اتقضى لأهله معي أصلا هو يتقضى بشكل عام ويقسم المقاضي بيننا وطبعا اللي يتولى القسمة أمه.. وما يخليني أطلع عشان أتقضى أبدااا عشان هو اللي يتحكم بالكمية والنوع<<عشان حاط ميزانية مايبيها تزيد.

رجع البارح ونام في المجلس وأنا من التعب غطيت بالنوم ماصحيت الا الساعة 8الصبح لقيته نايم على الأرض وبدون غطاء

رحمته ومسحت على راسه قلت له تعال على فراشك نقز ونام.. يوم صحى ما كلمني ولا كلمته.
 

لاهنت

New member
إنضم
8 يونيو 2008
المشاركات
18
مستوى التفاعل
0
النقاط
0
اايد كلام الاخت شهد اخذيلج عقا ر ينفعج للمستقبل وخلي معظم راتبج يسير علا الاقساط وهني هو ينجبر يدفع.. بس ادا كانت الفلوس هي مشكلته الوحيده وهو يحترمج ويحبج وما يخونج .... تجاوزي عنه
 

البحر غدار

New member
إنضم
2 يونيو 2008
المشاركات
449
مستوى التفاعل
1
النقاط
0
والله من اتعس الصفات التى لاتحتمل فى الرجل البخل عن جد بتحمل اى شىء فى العالم الا البخل الله يعينك يارب
 
الحالة
مغلق و غير مفتوح للمزيد من الردود.

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى